Skip Global Navigation to Main Content
Skip Breadcrumb Navigation
សេចក្តី​ប្រកាស​ពត៌មាន ក្នុង​​ឆ្នាំ​២០១១

ក្រុម​តន្រ្តី​រ៉ុក​របស់​កង​នាវា​ទី ៧ នៃ​កងទ័ព​ជើង​ទឹក​សហរដ្ឋ​អាមេរិក​នឹង​សំដែង​ជូន​សាធារណជន​នៅ​ប្រទេស​កម្ពុជា

ចេញ​ថ្ងៃ​ទី​២០ ខែ​តុលា ឆ្នាំ​២០១១

        ជា​ផ្នែក​មួយ​នៃ​លំហាត់​សមយុទ្ធ​ទ្វេ​ភាគី ក្នុង​កម្មវិធី​ហ្វឹកហ្វឺន និង​ការ​ត្រៀម​ជា​ស្រេច​សំរាប់​សហប្រតិបត្តិការ​នៅ​លើ​ផ្ទៃ​ទឹក (CARAT) ក្រុម​តន្រ្តី​របស់​កងនាវា​ទី ៧ នៃ​កងទ័ព​ជើង​ទឹក​សហរដ្ឋ​អាមេរិក​នឹង​សំដែង​តាម​កន្លែង​មួយ​ចំនួន​ជូន​សាធារណជន ដោយ​ឥត​គិត​ថ្លៃ​។ ដោយ​មាន​ការ​គាំទ្រ​ពី​ក្រសួង​វប្បធម៌​និង​វិចិត្រ​សិល្បៈ អង្គការ​សិល្បៈ​អម្រឹតា និង​អង្គការ​សិល្បៈ​ខ្មែរ ស្ថានទូត​អាមេរិក​សូម​ជំរាប​សាធារណជន​នូវ​កម្មវិធី​សំដែង​របស់​ក្រុម​តន្រ្តី​របស់​កង​នាវា​ទី ៧ ដូច​ខាង​ក្រោម​នេះ​៖

  • ថ្ងៃ​ទី ២១ តុលា​៖ ការ​ប្រគុំ​នៅ​សួនច្បារ​មិត្តភាព មុខ​វត្ត​បទុមវត្តី នៅ​ម៉ោង ៧:០០ យប់​។
  • ថ្ងៃ​ទី ២៣ តុលា​៖ ការ​ប្រគុំ នៅ​ផ្សា​រាត្រី នៅ​ម៉ោង ៧:០០ យប់
  • ថ្ងៃ​ទី ២៤ តុលា​៖ ការ​ប្រគុំ​នៅ​សាកលវិទ្យាល័យ​ភូមិន្ទ​វិចិត្រ​សិល្បៈ នៅ​ម៉ោង ៣:៣០ នាទី​រសៀល​។
  • ថ្ងៃ​ទី ២៥ តុលា​៖ ការ​ប្រគុំ​នៅ​វិទ្យាល័យ​វត្ត​កោះ នៅ​ម៉ោង ៣:៣០ នាទី រសៀល
  • ថ្ងៃ​ទី ២៦ តុលា៖ ការ​ប្រគុំ នៅ​វត្ត​អង្គសឹង្ហ ក្នុង​ឃុំ​ចំបក់ ស្រុក​បាទី ខេត្ត​តាកែវ នៅ​ម៉ោង ៧ យប់​។

         ការ​ប្រគុំ​ទាំងអស់​បើក​ជូន​សាធារណជន​ចូល​កំសាន្ត​ដោយ​ឥត​គិត​ថ្លៃ​។ ក្រុម​តន្រ្តី​នៃ​កងនាវា​ទី ៧ នៃ​កងទ័ព​ជើងទឹក​សហរដ្ឋ​អាមេរិក​មាន​តន្រ្តីករ​ចំណាន​ៗ​ដែល​បំរើការ​ក្នុង​កង​នាវា​នេះ និង​បាន​ដើរ​សំដែង​ជា​អន្តរជាតិ ជូន​មនុស្ស​រាប់​លាន​នាក់ នៅ​ទូទាំង​តំបន់​ប៉ាស៊ីហ្វិក​ខាង​លិច​។ គេ​បាន​នាំ​តន្រ្តី​អាមេរិក​ពិសេស​ជូន​ដល់​អ្នក​ទស្សនា​ដែល​មាន​ការ​ជក់​ចិត្ត​នៅ​ប្រទេស​ជប៉ុន សាធារណរដ្ឋ​កូរ៉េ អូស្រ្តាលី ថៃ ហុងកុង ម៉ាឡេស៊ី សឹង្ហបូរី ឥណ្តូនេស៊ី និង​ប្រទេស​ដទៃ​ជា​ច្រើន​ទៀត​។ ក្រុម​នេះ​បាន​ប្រគុំ​ភ្លេង និង​ច្រៀង​ចំរៀង​អាមេរិក​ជា​ច្រើន រាប់​ពី​បទ​ភ្លេង​ប៉ុប​ដល់​បទ​បែប​កំសត់ ពី​បទ​ភ្លេង​បូរាណ​ដល់​បទ​រ៉ុក​បែប​សម័យ​។