Skip Global Navigation to Main Content
Skip Breadcrumb Navigation
កម្មវិធី​ផ្សេង​ៗ ក្នុង​ឆ្នាំ​២០១១

អតីត​និស្សិត​ទទួល​អាហារូបករណ៍​ពី​កម្មវិធី​អាហារូបករណ៍ Fulbright រៀបចំ​សិក្ខាសាលា និង​ការ​ធ្វើ​តេស្ត TOEFL សំរាប់​និស្សិត​ជាង ៥០០ នាក់ នៅ​ខេត្ត​បាត់ដំបង

ខេត្ត បាត់ដំបង | ថ្ងៃ​ទី​១៩ ខែ​វិច្ឆិកា ឆ្នាំ​២០១១
លោក ចាន់ វីរៈ ដែល​ជា​អតីត​និស្សិត​ទទួល​អាហារូបករណ៍​ពី​កម្មវិធី​អាហារូបករណ៍ Fulbright មក​ពី​សាកលវិទ្យាល័យ San Jose State University​ និយាយ​ទៅ​កាន់​និស្សិត​សកលវិទ្យាល័យ​បាត់តំបង។ (រូបថត​របស់​ក្រសួង​ការបរទេស​អាមេរិក)

លោក ចាន់ វីរៈ ដែល​ជា​អតីត​និស្សិត​ទទួល​អាហារូបករណ៍​ពី​កម្មវិធី​អាហារូបករណ៍ Fulbright មក​ពី​សាកលវិទ្យាល័យ San Jose State University​ និយាយ​ទៅ​កាន់​និស្សិត​សកលវិទ្យាល័យ​បាត់តំបង។

       សមាគម​នៃ​អតីត​និស្សិត​អាហារូបករណ៍ Fulbright កម្ពុជា ដោយ​មាន​ការ​ជួយ​ពី​ការិយាល័យ​កិច្ចការ​អតីត​និស្សិត ក្នុង​ផ្នែក​កិច្ចការ​វប្បធម៌ និង​អប់រំ​របស់​ក្រសួង​ការបរទេស​សហរដ្ឋ​អាមេរិក និង​ស្ថានទូត​សហរដ្ឋ​អាមេរិក​នៅ​ភ្នំពេញ បាន​ជួយ​រៀបចំ​ការ​ធ្វើ​តេស្ត​ភាសា​អង់គ្លេស TOEFL សាកល្បង  នៅ​ខេត្ត​បាត់ដំបង នៅ​ថ្ងៃ​ទី ១៩ ខែ​វិច្ឆិកា ឆ្នាំ​២០១១​។

       លោក ចាន់ វីរៈ ដែល​ជា​អតីត​និស្សិត​ទទួល​អាហារូបករណ៍​ពី​កម្មវិធី​អាហារូបករណ៍ Fulbright នៅ​សាកលវិទ្យាល័យ San Jose State University ហើយ​ដែល​នៅ​ពេល​បច្ចុប្បន្ន​នេះ ជា​សាស្រ្តាចារ្យ​ភាសា​អង់គ្លេស​នៅ​វិទ្យាស្ថាន​ភាសា​បរទេស បាន​រៀបចំ​សិក្ខាសាលា​នេះ​ឡើង​។ លោក​បាន​រៀបចំ​ការ​ធ្វើ​តេស្ត​សាកល្បង និង​សិក្ខាសាលា​សំរាប់​និស្សិត​ជាង ៥០០ នាក់ នៅ​សាកលវិទ្យាល័យ​ចំនួន ២ ដោយ​មាន​ការ​ជួយ​ពី​ក្រុម​សាស្ត្រាចារ្យ​នៃ​សាកលវិទ្យាល័យ​បាត់ដំបង និង​សាកលវិទ្យាល័យ​គ្រប់គ្រង និង​សេដ្ឋកិច្ច និង​ការ​ជួយ​ពី​លោក ប៊ុន សម្បត្តិ អ្នក​សំរបសំរួល​កិច្ចការ​អតីត​និស្សិត​អាហារូបករណ៍​របស់​ស្ថានទូត​សហរដ្ឋ​អាមេរិក​។

       គោលដៅ​នៃ​កម្មវិធី​នេះ​គឺ​ដើម្បី​ផ្តល់​អោយ​និស្សិត​នូវ​ឱកាស​ធ្វើ​ការ​សាកល្បង​សមត្ថភាព​ផ្នែក​ភាសា​អង់គ្លេស​របស់​គេ តាមរយៈ​តេស្ត TOEFL សាកល្បង ហើយ​បង្កើន​កំរិត​ជំនាញ​នៃ​ភាសា​អង់គ្លេស​របស់​គេ​។ ក្នុង​អំឡុង​ពេល​នៃ​កម្មវិធី​នេះ នៅ​សាកលវិទ្យាល័យ​បាត់ដំបង និស្សិត​ត្រូវ​បាន​បែងចែក​ជា​ពីរ​ក្រុម ហើយ​ធ្វើ​តេស្ត​ជា​ពីរ​វគ្គ​ខុស​គ្នា ដោយសារ​មាន​និស្សិត​ចាប់​អារម្មណ៍​ច្រើន​។ បន្ទាប់​ពី​ការ​ធ្វើ​តេស្ត និស្សិត​ត្រូវ​បាន​ណែនាំ​អោយ​ចេះ​ដាក់​ពិន្ទុ​លើ​ការ​ប្រលង​របស់​គេ​ដោយ​ខ្លួន​ឯង និង​យល់​ពី​អត្ថន័យ​នៃ​ពិន្ទុ​ធ្វើ​តេស្ត​របស់​គេ​។ លោក​ចាន់ វីរៈ ​ថែម​ទាំង​បាន​ធ្វើ​ការ​ណែនាំ​ពី​សារៈសំខាន់​នៃ​ការ​ប្រលង​នោះ គន្លឹះ​សំរាប់​បង្កើន​ពិន្ទុ​ធ្វើ​តេស្ត និង​រៀន​ភាសា​អង់គ្លេស​។ កម្មវិធី​នោះ​ក៏​ត្រូវ​បាន​ដំណើរការ​ផង​ដែរ​សំរាប់​និស្សិត​នៃ​សាកលវិទ្យាល័យ​គ្រប់គ្រង និង​សេដ្ឋកិច្ច​នៅ​បណ្ណាល័យ​របស់​ស្ថានទូត​អាមេរិក (American Corner) នៅ​ថ្ងៃ​ដដែល​នោះ​។

       និស្សិត​មក​ពី​សាកលវិទ្យាល័យ​ចំនួន​ពីរ​បាន​មាន​ឱកាស​សួរ​អតីត​និស្សិត​អាហារូបករណ៍ Fulbright ទាក់ទង​នឹង​សិក្ខាសាលា​នោះ​។ និស្សិត​ជា​ច្រើន​បាន​និយាយ​ថា គេ​សង្ឃឹម​ថា​នឹង​បាន​ចូលរួម​ក្នុង​កម្មវិធី​ដូច​នោះ​ម្តង​ទៀត នៅ​ពេល​អនាគត​។