កម្មវិធីផ្សេងៗ ក្នុងឆ្នាំ២០១១
- បកប្រែ:
- English
ការប្រកួតពាក្យស្លោក ដើម្បីលើកកំពស់ការយល់ដឹងអំពីឧសថក្លែងក្លាយ
ដើម្បីចូលរួមការប្រកួតនេះ លោកអ្នកគ្រាន់តែសរសេរពាក្យស្លោក (មិនលើសពី ១០ ពាក្យ) ដើម្បីលើកទឹកចិត្តអោយមានការទិញនិងការប្រើប្រាស់ឱសថស្របច្បាប់ជាជាង ឱសថក្លែងក្លាយដ៏គ្រោះថ្នាក់ និងមានគុណភាពទាបជាងស្តង់ដា។ គណកម្មការការប្រកួតដែលមានស្ថានទូតអាមេរិក និងក្រសួងសុខាភិបាលកម្ពុជា នឹងពិនិត្យជ្រើសរើសយកអ្នកឈ្នះ។
ដើម្បីចូលរួម
មានតែយុវជន យុវនារីកម្ពុជា អាយុក្រោម២៥ឆ្នាំទើបអាច ចូលរួមការប្រកួតនេះបាន។ បុគ្គលិក និងសមាជិកគ្រួសាររបស់ស្ថានទូតអាមេរិក និងក្រសួងសុខាភិបាលកម្ពុជា មិនអនុញ្ញាតិអោយចូលរួមប្រកួតទេ។
ដើម្បីផ្ញើរពាក្យស្លោក សូមបំពេញពាក្យខាងក្រោម ដោយសរសេរឈ្មោះ អាយុ លេខទូរស័ព្ទ អស័យដ្ឋានអ៊ីម៉ែល និងពាក្យស្លោកជាភាសាខ្មែរ។ មនុស្សម្នាក់ អាចផ្ញើរពាក្យស្លោកបានតែមួយប៉ុណ្ណោះ។
កាលបរិច្ឆេទ
ឈប់ទទួលពាក្យស្លោក៖ ១៥ ធ្នូ ២០១១
ប្រកាសអ្នកឈ្នះ៖ ២៩ ធ្នូ ២០១១
រង្វាន់
អ្នកឈ្នះ នឹងទទួលបាន iPad 2 ហើយពាក្យស្លោករបស់គេនឹងត្រូវបានយកទៅប្រើប្រាស់ក្នុងយុទ្ធនាការលើកកំពស់ការយល់ដឹងអំពីឧសថក្លែងក្លាយ ដែលគាំទ្រ និងឧបត្ថម្ភដោយស្ថានទូតអាមេរិក និងក្រសួងសុខាភិបាលកម្ពុជា។
