ទាហានម៉ារីន ទាហានជើងទឹកអាមេរិក និងគ្រូពេទ្យកម្ពុជាធ្វើការរួមគ្នា នៅខេត្តកំពង់ស្ពី
ខេត្តកំពង់ស្ពី
ថ្ងៃទី ២៩ សីហា ឆ្នាំ ២០០៩
 |
ទាហានម៉ារីននិងទាហានជើងទឹកអាមេរិក
ព្យាបាលប្រជាជននៅខេត្តកំពង់ស្ពឺ។ រូបពង្រីក |
ក្នុងរយៈពេល ២ ថ្ងៃ ទាហានម៉ារីន និងទាហានជើងទឹកអាមេរិកបានធ្វើការអមជាមួយគ្រូពេទ្យកម្ពុជា ដើម្បីធ្វើការព្យាបាលអ្នកស្រុកជនបទ ដែលបានមកជុំគ្នា នៅខេត្តកំពង់ស្ពឺ។ អ្នកភូមិមូលដ្ឋានបានមកជុំគ្នាដើម្បីជួបបុគ្គលិកពេទ្យ នៅមណ្ឌលសុខភាពពេជ្រ មុនី នៅថ្ងៃទី ២២ សីហា និងនៅមណ្ឌលសុខភាពវាល អង្គពពែល នៅថ្ងៃទី ២៣ សីហា។ ក្រុមទាហានម៉ារីន និងទាហានជើងទឹកអាមេរិកបានមកប្រទេសកម្ពុជា ហើយបានធ្វើការក្នុងគំរោងជំនួយតូចៗផ្នែកពេទ្យសំរាប់ជនស៊ីវិល ជាផ្នែកមួយនៃកម្មវិធីអន្តរប្រតិបត្តិការនៅកម្ពុជា។
ទាហានម៉ារីន ទាហានជើងទឹកអាមេរិក និងគ្រូពេទ្យកម្ពុជាបានធ្វើការរួមគ្នា ដើម្បីបង្កើនការទុកចិត្ត ក្នុងចំណោមប្រជាជន និងដើម្បីរៀនសូត្រពីគ្នាទៅវិញទៅមក នៅពេលផ្តល់ការព្បាបាលដល់ប្រជាជន នៅក្នុងតំបន់ដោយមិនគិតថ្លៃ។ អនុសេនីយទោ Ashley B. Christman នាយទាហានទទួលបន្ទុកក្រុមទាហានម៉ារីនមកពីកងទាហានមារីនជំនួយលេខ១៧២ ក្រុមទាហានម៉ារីនជំនួយលេខ ១៧ កងទាហានម៉ារីនផ្នែកអាកាសទី ១ បានមានប្រសាសន៍ថា “យើងបានមកទីនេះ ដើម្បីកសាងមណ្ឌលសុខភាពចំនួន ២ សំរាប់សហគមន៍។ យើងចង់អោយប្រជាជនទាញយកអត្ថប្រយោជន៍ពីអ្វីដែលយើងបានធ្វើអោយពួកគេ។ បេសកកម្មរបស់យើងគឺបង្កើនទំនុកចិត្តក្នុងចំណោមសហគមន៍ និងរដ្ឋាភិបាល។ ដោយធ្វើការជាមួយកងយោធពលខេមរភូមិន្ទ និងបុគ្គលិកពេទ្យកម្ពុជា យើងអាចបង្ហាញទៅប្រជាជនអោយដឹងថា យើងមកនេះគឺដើម្បីពួកគេ។”
ក្រុមគ្រូពេទ្យបានពិនិត្យអ្នកជំងឺ ហើយបានផ្តល់ដោយឥតគិតថ្លៃនូវថ្នាំ និងវីតាមីនបន្ថែម តាមការចាំបាច់។ រួមគ្នាទៅ ទាំងទាហានជើងទឹកអាមេរិក ទាំងបុគ្គលិកពេទ្យកម្ពុជាបានពិនិត្យអ្នកជំងឺបានជាង ២៥០ នាក់ ក្នុងរយៈពេល ២ ថ្ងៃនោះនៃគំរោង។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
