អំពីស្ថានទូត
លោកស្រីអនុប្រធានបេសកកម្មទូត - Piper Anne Wind Campbell
 |
| អនុប្រធានបេសកកម្មPiper AW Campbell |
Piper Anne Wind Campbell បានចាប់ផ្ដើមបេសកកម្មរយៈពេលបីឆ្នាំរបស់លោកស្រីជាអនុប្រធានបេសកកម្មការទូតក្នុងស្ថានទូតសហរដ្ឋអាមេរិកនៅទីក្រុងភ្នំពេញកាលពីថ្ងៃទី២០ ខែកញ្ញា ឆ្នាំ ២០០៦ ។ លោកស្រីCampbell បានកើតនៅ Buffalo, New York ។ លោកស្រីបានទទួលបរិញ្ញាប័ត្រ ជាមួយនឹងវិញ្ញាប័នប័ត្រស្ដីពីការសិក្សាផ្នែកអាស៊ីពីសាលាផ្នែកកិច្ចការបរទេសនៃសាកលវិទ្យាល័យ Georgetown ក្នុងឆ្នាំ ១៩៨៨ ។ លោកស្រីបានធ្វើការមួយរយៈពេលខ្លីក្នុងអង្គការមិនមែនរដ្ឋាភិបាល ដោយជំរុញពាណិជ្ជកម្មរវាងតំបន់ New York ភាគខាងលិចនិងតំបន់ក្បែរខាងនៃប្រទេសកាណាដា មុនពេលចូលបំរើកិច្ចការបរទេសក្នុងឆ្នាំ ១៩៨៩ ។ លោកស្រី បានចាប់ផ្ដើមអាជីពជាមន្ដ្រីកុងស៊ុលនិងមន្ដ្រីរដ្ឋបាលក្នុងក្រុងម៉ានិល ប្រទេសហ្វីលីពីន ហើយជាមន្ដ្រីផ្នែកសេវាទូទៅដោយធ្វើការអោយបេសកកម្មចំនួនបីរបស់សហរដ្ឋអាមេរិកនៅទីក្រុង Brussels ប្រទេសបែលស៊ិក ។ លោកស្រី Campbell បានបំរើការក្នុងមជ្ឈមណ្ឌលប្រតិបត្ដិការ (១៩៩៤-១៩៩៥) និងការិយាល័យផ្នែកអង្គការអន្ដរជាតិ (១៩៩៥-១៩៩៦)របស់ក្រសួងការបរទេសអាមេរិកមុនពេលផ្លាស់ជាបណ្ដោះអាសន្នមកធ្វើការក្នុងផ្នែកកិច្ចការស៊ីវិលនៃបេសកកម្មរក្សាសន្ដិភាពនៃអង្គការសហប្រជាជាតិ (១៩៩៦-១៩៩៨) ។ ក្រោយពីការបញ្ចប់ប្រកបដោយជោគជ័យនៃរដ្ឋបាលបណ្ដោះអាសន្នរបស់សហប្រជាជាតិនៅស្លូវេនីខាងកើត (UNTAES) លោកស្រី Campbell បានជួយទីភ្នាក់ងារអភិវឌ្ឍន៍អន្ដរជាតិរបស់សហរដ្ឋអាមេរិក (USAID) ក្នុងការបង្កើតការិយាល័យមួយនៅស្លូវេនីខាងកើត នៃប្រទេសក្រូអាស៊ី (១៩៩៨) ។
លោកស្រី Campbell បានសុំសំរាកពីការងារក្នុងក្រសួងការបរទេសអាមេរិករយៈពេល ១ ឆ្នាំដើម្បីទៅរៀនយកសញ្ញាប័ត្រអនុបណ្ឌិតផ្នែករដ្ឋបាលសាធារណៈនៅសាលាគ្រប់គ្រង Kennedy នៃសាកលវិទ្យាល័យ Haward ក្នុងឆ្នាំ ១៩៩៩ ដោយចាប់យកមុខវិជ្ជាសំខាន់គឺការដោះស្រាយវិវាទ ។ លោកស្រីបានធ្វើការងារទាក់ទងនឹងបញ្ហាអាស៊ីនិងការកែទំរង់ក្រុមប្រឹក្សាសន្ដិសុខ ក្នុងស្ថានបេសកកម្មរបស់សហរដ្ឋអាមេរិកប្រចាំនៅអង្គការសហប្រជាជាតិក្នុងទីក្រុង New York (១៩៩៩-២០០២) និងបានធ្វើជាទីប្រឹក្សា សំរាប់កិច្ចការមនុស្សធម៌ក្នុងស្ថានបេសកកម្មសហរដ្ឋអាមេរិកប្រចាំអង្គការសហប្រជាជាតិ ក្នុងទីក្រុងសឺណែវ (២០០២-២០០៦) ។
លោកស្រី Campbell រស់នៅក្នុងរដ្ឋ New York ដោយមានខ្សែស្រឡាយគ្រួសាររស់នៅក្នុងរដ្ឋ Massachusetts និងទីក្រុងសឺណែវប្រទេសស្វីស ។
ឯកអគ្គរដ្ឋទូត
អំពីស្ថានទូត
អនុប្រធាន
ថ្ងៃឈប់សំរាក
រើសអ្នកធ្វើការ
ការិយាល័យ
