លោកឯកអគ្គរដ្ឋទូតអាមេរិក Mussomeli សំដែងការខកចិត្តចំពោះការដោះលែងជនជាតិរុស្សីដែលបានប្រព្រឹត្តអំពើអាណាចារលើកុមារ ហើយដែលត្រូវបានតុលាការកាត់ទោស
៣០ កក្កដា ២០០៨
ភ្នំពេញ ស្ថានទូតអាមេរិក
 |
Aលោកស្រី Piper Campbell ភារធារីស្ថានទូត
អាមេរិក (រូបស្ដាំ) និងឯកឧត្ដម ស ខេង
ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ
(រូបឆ្វេង) ធ្វើសន្និសីទកាសែតរួមគ្នាស្ដីពីការ
ប្រយុទ្ធប្រឆាំងនឹងការជួញដូរ មនុស្ស និងការ
កំណត់លំដាប់ប្រទេសកម្ពុជាក្នុងរបាយការណ៍
ឆ្នាំ ២០០៨ របស់សហរដ្ឋអាមេរិក ស្ដីពីការជួញ
ដូរមនុស្ស នៅក្រសួងមហាផ្ទៃ កាលពីថ្ងៃព្រហស្បតិ៍
ទី ៥ ខែមិថុនា ឆ្នាំ ២០០៨ ។ រូបពង្រីក |
ក្នុងរយៈពេលជាច្រើនឆ្នាំកន្លងមកនេះ ប្រទេសកម្ពុជាបានបង្ហាញនូវការតាំងចិត្ដរបស់ខ្លួនយ៉ាងខ្លាំងក្នុងការប្រយុទ្ធប្រឆាំងការជួញដូរមនុស្ស។ សម្ដេចនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ក្រសួងយុត្ដិធម៌ និងក្រសួងកិច្ចការនារី ក៏ដូចជាមន្ដ្រីសាធារណៈជាច្រើនរូបទៀត បានបង្ហាញដល់ពិភពលោកអោយដឹងថា តើរាជរដ្ឋាភិបាលកម្ពុជាមានការប្ដេជ្ញាចិត្ដយ៉ាងណាខ្លះ ក្នុងការការពារកុមារនិងពលរដ្ឋដែលងាយទទួលការរងគ្រោះនោះ។ ពិភពលោកក៏បានអបអរសាទរចំពោះប្រទេសកម្ពុជានៅក្នុងការងារនេះ។ យើងមានការខកចិត្ដជាខ្លាំងចំពោះការដោះលែងជនប្រព្រឹត្ដអំពើអាណាចារផ្លូវភេទលើកុមារដោយជនជាតិរុស្សីម្នាក់បន្ទាប់ពីតុលាការក្រុងព្រះសីហនុបានសំរេចដាក់ទោសស្រាលលើជននេះរួចមក។ ការដោះលែងជនឧក្រិដ្ឋនិងការដាក់ទោសដល់ជននេះមិនសមល្មមទៅនឹងបទឧក្រិដ្ឋដែលជននេះបានប្រព្រឹត្ដឡើយ។ ការដាក់ទោសយ៉ាងធ្ងន់ធ្ងរគឺជាវិធីដ៏មានប្រសិទ្ធិភាពបំផុតក្នុងការបញ្ជូនសារមួយដល់ជនប្រព្រឹត្ដអំពើអាណាចារលើកុមារថាបទល្មើសបែបនេះនឹងមិនត្រូវបានអត់ឱនលើកលែងបានទេ ។ ក្នុងករណីមួយនេះ តុលាការបានធ្វើអោយប៉ះពាល់យ៉ាងខ្លាំងចំពោះប្រទេសជាតិ និងកុមារកម្ពុជា ដោយបានបញ្ជូនសារដ៏ភ័ន្ដច្រឡំមួយដល់អ្នកដែលចង់ប្រព្រឹត្ដបទល្មើសលើកុមារទៀតផង ។ ករណីនេះអាចគំរាមកំហែងនិងបំផ្លាញការខិតខំប្រឹងប្រែងយ៉ាងខ្លាំងរបស់រាជរដ្ឋាភិបាលកម្ពុជា ដើម្បីបង្ក្រាបការរំលោភបំពាន និងការជួញដូរមនុស្សនៅក្នុងប្រទេសកម្ពុជា ។
លោកស្រីភារធារី
ដំណឹងថ្មី
សុន្ទរកថា
សេចក្តីប្រកាសពត៌មាន
