សេចក្តីអញ្ជើញអោយដាក់សំណើសុំថវិកាពីមូលនិធិឯកអគ្គរដ្ឋទូតអាមេរិក សំរាប់ការអភិរក្សវប្បធម៌ ឆ្នាំ ២០១០
 |
| ឡូហ្កូស្ថានទូត |
ស្ថានទូតអាមេរិកនិងការិយាល័យកិច្ចការវប្បធម៌ និងអប់រំរបស់ក្រសួងការបរទេសអាមេរិកមានសេចក្តីរីករាយសូមប្រកាសសេចក្តីអញ្ជើញអោយដាក់ពាក្យសុំថវិកាពីមូលនិធិឯកអគ្គរដ្ឋទូតសំរាប់ការអភិរក្សវប្បធម៌។
មូលនិធិនេះត្រូវបានបង្កើតឡើង ដើម្បីជួយបណ្តាប្រទេសនានាក្នុងការអភិរក្សបេតិកភណ្ឌវប្បធម៌ និងបង្ហាញពីការគោរពរបស់សហរដ្ឋអាមេរិកចំពោះវប្បធម៌ដទៃទៀត។ មូលនិធិនេះមានបំណងអភិរក្សទីតាំង ឬវត្ថុដែលមានសារៈសំខាន់ផ្នែកវប្បធម៌ឬប្រវត្តិសាស្រ្តចំពោះបេតិកភណ្ឌវប្បធម៌នៃប្រទេសកម្ពុជា។ កាលបរិច្ឆេទនៃការដាក់សំណើសុំជាភាសាអង់គ្លេស គឺថ្ងៃសុក្រ ទី ១១ ខែធ្នូ ឆ្នាំ ២០០៩។
គេអាចដាក់សំណើសុំ ដែលមានលក្ខណៈដូចខាងក្រោមនេះ៖
ទីតាំងវប្បធម៌៖ អាចមាន ដូចជាទីតាំងឬអាគារប្រវត្តិសាស្រ្ត កន្លែង ប្រសាទ និងទីតាំងបុរាណពិសិដ្ឋ ។ ពាក្យសុំបែបនេះអាចទាក់ទងដូចជាការជួសជុលអាគារប្រវត្តិសាស្រ្តឡើងវិញ ការធ្វើការសិក្សាអង្កេតផ្នែកបុរាណវិទ្យាជាផ្នែកមួយនៃផែនការអភិរក្ស ការធ្វើផែនការគ្រប់គ្រងការអភិរក្សសំរាប់ទីតាំង ឬការចងក្រងឯកសារស្តីពីទីតាំង នៅក្នុងតំបន់ ដើម្បីធ្វើការអភិរក្ស។
វត្ថុវប្បធម៌៖ ពីសារៈមន្ទីរ ទីតាំងនានា ឬស្ថាប័នដូចគ្នានេះ។ របស់ទាំងនេះមានដូចជាវត្ថុបូរាណនិងវត្ថុជាតិពន្ធុសាស្រ្ត ផ្ទាំងគំនូរ ចំលាក់ ស្លឹករឹត រូបថតនិងភាពយន្ត និងសកម្មភាពអភិរក្សទូទៅតាមសារៈមន្ទីរ។ សំណើសុំបែបនេះមានដូចជាដើម្បីរក្សាវត្ថុអោយដូចសភាពដើម ការវាយតំលៃតំរូវការនៃវត្ថុទាក់ទងនឹងសភាពនៃវត្ថុ និងវិធីក្នុងការកែលំអកំរិតអភិរក្សអោយនៅដូចដើម ការធ្វើសារពើពន្ធសំរាប់បំណងអភិរក្ស ការបង្កើតបរិយាកាសសុវត្ថិភាពសំរាប់ទុកដាក់និងដាក់តាំង ឬការបង្រៀនជំនាញឯកទេស ក្នុងការថែរក្សានិងអភិរក្ស។
ទំរង់នៃការសំដែងតាមលក្ខណៈប្រពៃណីវប្បធម៌៖ មានដូចជាតន្រ្តីបូរាណ ពិធី ចំណេះដឹង ភាសា របាំ ល្ខោន និងសិប្បកម្ម។ សំណើសុំបែបនេះអាចមានដូចជាការចងក្រងឯកសារ និងថតរូបនិងសំលេងស្តីពីតន្រ្តីនិងរបាំបូរាណ ជាផ្នែកមួយនៃការសំដែងតាមលក្ខណៈប្រពៃណី និងរក្សាទុកឯកសារ រូប និងសំលេង ឬការជួយដល់ការបង្រៀនលើការអភិរក្ស ឬសិល្បៈឬសិប្បកម្មប្រពៃណី ដែលរងការគំរាមកំហែងនៃការបាត់បង់។
សកម្មភាពអាទិភាព
មូលនិធិឯកអគ្គរដ្ឋទូតសំរាប់ការអភិរក្សវប្បធម៌ផ្តល់អាទិភាពដល់សកម្មភាពគំរោងដែលបំពេញបានតាមបទដ្ឋានអន្តរជាតិសំរាប់អភិរក្សបេតិកភណ្ឌវប្បធម៌។ សកម្មភាពទាំងនេះមានដូចជា៖
ចំពោះទីតាំងវប្បធម៌៖ ជួសជុលអាគារប្រវត្តិសាស្រ្ត ការធ្វើការសិក្សាអង្កេតផ្នែកបុរាណវិទ្យាជាផ្នែកមួយនៃផែនការអភិរក្ស ការធ្វើផែនការគ្រប់គ្រងការអភិរក្សទីតាំង ឬការចងក្រងឯកសារស្តីពីទីតាំង នៅក្នុងតំបន់ ដើម្បីធ្វើការអភិរក្ស។
ចំពោះវត្ថុវប្បធម៌៖ រក្សាអោយដូចសភាពដើមក្នុងពេលទុកដាក់ ការវាយតំលៃតំរូវការនៃវត្ថុ ទាក់ទងនឹងសភាពនៃវត្ថុ និងវិធីក្នុងការកែលំអកំរិតអភិរក្សអោយនៅដូចដើម ការធ្វើសារពើពន្ធសំរាប់បំណងអភិរក្ស ការបង្កើតបរិយាកាសសុវត្ថិភាពសំរាប់ទុកដាក់និងដាក់តាំង ឬការបង្រៀនជំនាញឯកទេស ក្នុងការថែរក្សានិងអភិរក្ស។
ទំរង់នៃការសំដែងតាមលក្ខណៈប្រពៃណីវប្បធម៌៖ ចងក្រងឯកសារ និងថតរូបនិងសំលេងទុកស្តីពីតន្រ្តីនិងរបាំបូរាណសំរាប់អភិរក្សនិងការចែកចាយ ជួយដល់ការបង្រៀនលើការអភិរក្សសិល្បៈឬសិប្បកម្មប្រពៃណី ដែលរងការគំរាមកំហែងនៃការបាត់បង់។
សកម្មភាពអភិរក្សសមស្របគឺជាសកម្មភាពដែលការពារតំលៃនៃទីតាំង វត្ថុ និងទំរង់នៃការសំដែងតាមវប្បធម៌ប្រពៃណី ដូចដែលត្រូវបានយល់ឃើញដោយអ្នកពាក់ព័ន្ធ។ អ្នកពាក់ព័ន្ធអាចមានដូចជាផ្នែកវប្បធម៌ក្នុងស្រុក ថ្នាក់តំបន់ និងថ្នាក់ជាតិ សហគមន៍ក្នុងមូលដ្ឋាន និងអ្នកឯទៀត ដែលមានផលប្រយោជន៍ទាក់ទងនឹងទីតាំងនិងលទ្ធផលគំរោង។
កំណត់សំគាល់ពិសេសទាក់ទងនឹងទីតាំងនិងវត្ថុ ដែលមានទាក់ទងនឹងសាសនា
ខចែងពីគ្រឹះស្ថាននៃរដ្ឋធម្មនុញ្ញសហរដ្ឋអាមេរិកអនុញ្ញាតិអោយរដ្ឋាភិបាលបញ្ចូលទីតាំងនិងរបស់ទាក់ទងនឹងសាសនាទៅក្នុងកម្មវិធីជំនួយ ក្រោមលក្ខខ័ណ្ឌកំណត់។ ឧទាហរណ៍ ចំណុចមួយទាក់ទងនឹងសាសនា (រួមទាំងទីសក្ការៈ) អាចទទួលអំណោយថវិកាសំរាប់ការអភិរក្សវប្បធម៌ បើសិនជាវាមានខ្លឹមសារសំខាន់ទាក់ទង ហើយត្រូវបានជ្រើសរើសឡើង ដោយផ្អែកតែទៅលើលក្ខណៈវិនិច្ឆ័យផ្នែកស្ថាបត្យកម្ម សិល្បៈ ប្រវត្តិសាស្រ្ត និងលក្ខណៈវប្បធម៌ដទៃទៀត (មិនមែនសាសនា)។
ចំពោះព័ត៌មានបន្ថែម សូមទាក់ទងលោកស្រី ញឹម ភក្តី តាមទូរស័ព្ទលេខ ០២៣ ៧២៨១៧៩ ឬលោកចៅ សា តាមទូរស័ព្ទលេខ ០២៣ ៧២៨២៤៨។
ថ្ងៃខែផុតកំណត់នៃការដាក់ពាក្យសុំជាភាសាអង់គ្លេស គឺថ្ងៃសុក្រ ទី ១១ ខែធ្នូ ឆ្នាំ ២០០៩។ ពាក្យសុំត្រូវផ្ញើទៅ៖
Nhim Pheakdey, Cultural Affairs Assistant
Re: The Ambassador's Fund for Cultural Preservation
Public Affairs Office
U.S. Embassy
1, Street 96, Phnom Penh.
សេចក្តីណែនាំក្នុងការដាក់ពាក្យសុំ (ជាភាសាអង់គ្លេស)
អារម្ភកថាស្ដីពីសហរដ្ឋ អាមេរិក
កម្មវិធីជំនួយថវិកា
