ទិដ្ឋាការមិនមែនអន្តោប្រវេសន៍
ការណាត់សំភាសទិដ្ឋាការមិនមែនអន្ដោប្រវេសន៍តាមទូរស័ព្ទរបស់ស្ថានទូត
ក្នុងពេលឆាប់ៗនេះ រាល់បេក្ខជនដែលមានបំណងធ្វើដំណើរទៅសហរដ្ឋអាមេរិកសំរាប់មុខជំនួញ ទេសចរណ៍ ការសិក្សាឬការងារបណ្ដោះអាសន្ន និងអ្នកដែលមិនបានធ្វើដំណើរស្របច្បាប់ទៅសហរដ្ឋអាមេរិកក្នុងពេល២ឆ្នាំកន្លងទៅនេះ ត្រូវធ្វើការណាត់ជួបសំភាសជាមួយផ្នែកទិដ្ឋាការមិនមែនអន្ដោប្រវេសន៍ដោយហៅទូរស័ព្ទមកកាន់ការិយាល័យណាត់ជួបសំភាសសំរាប់អ្នកធ្វើទស្សនៈកិច្ចរយៈពេលខ្លី ។ ការិយាល័យនេះចាប់ទទួលទូរស័ព្ទពីថ្ងៃច័ន្ទដល់ថ្ងៃសុក្រ ពីម៉ោង ៨:៣០ ព្រឹក ដល់ម៉ោង ១២ ថ្ងៃត្រង់ និងពីម៉ោង ២ រសៀលដល់ម៉ោង ៤:៣០ រសៀល ។ លេខទូរស័ព្ទគឺ ០២៣ ៧២៨ ០០០ ។ រាល់ពេលទូរស័ព្ទ បេក្ខជនត្រូវផ្ដល់ឈ្មោះនិងលេខលិខិតឆ្លងដែនអោយបានត្រឹមត្រូវ ។ ការណាត់សំភាសនឹងផ្ដល់ជូននៅថ្ងៃអាចធ្វើទៅបាន ។ សំណើសុំការណាត់សំភាសដំបូងនឹងមិនត្រូវបានទទួលតាមទូរសារទេ ហើយសំណើបែបនេះនឹងត្រូវបានចាត់ទុកជាមោឃៈ ។ បេក្ខជនត្រូវអញ្ជើញមកតាមកាលកំណត់ដោយភ្ជាប់មកជាមួយនូវពាក្យសុំដែលបានបំពេញរួចលិខិតឆ្លងដែនដែលមានសុពលភាពនិងឯកសារផ្សេងៗ ទាក់ទងនឹងចំណងនិងស្ថានភាពគ្រួសាររឹងមាំនៅស្រុកខ្មែរ ព្រមទាំងគោលបំណងទៅសហរដ្ឋអាមេរិក ។ បេក្ខជនត្រូវបង់ថ្លៃទិដ្ឋាការចំនួន ១០០ ដុល្លាអាមេរិកនៅថ្ងៃសំភាស ។ បេក្ខជនពុំចាំបាច់មកកាន់ស្ថានទូតនៅមុនថ្ងៃនិងពេលកំណត់សំភាសទេ ។ បេក្ខជនដែលគ្មានការណាត់សំភាសមិនអាចធ្វើការសំភាសបានឡើយ ។ ប្រសិនបើអ្នកមិនអាចមកតាមថ្ងៃកំណត់សំភាសទេ អ្នកត្រូវទូរស័ព្ទប្រាប់ពីការលុបចោលការសំភាសរបស់អ្នក ដើម្បីយើងអាចយកកន្លែងនិងពេលទៅសំភាសអ្នកផ្សេង ប្រសិនបើអ្នកអោយយើងដឹងទាន់ពេលវេលានូវការលុបចោលការណាត់ជួបសំភាស ។
ករណីបន្ទាន់:
បន្ទាប់ពីមានការណាត់សំភាសលើកដំបូងហើយរាល់បេក្ខជនដែលមានការប្រញាប់ធ្វើដំណើរទៅកាន់សហរដ្ឋអាមេរិកដូចជាករណីទៅពិនិត្យសុខភាពឬការស្លាប់នៃសមាជិកគ្រួសារជាដើម សូមផ្ញើទូរសារមកលេខ ០២៣៧២៨ - ៧០០ដើម្បីសុំណាត់សំភាសលឿន ។ ការមានផែនការនៅនាទីចុងក្រោយមិនត្រូវបានចាត់ទុកជាករណីបន្ទាន់ឡើយ ។ នៅលើទូរសារ សូមដាក់ឈ្មោះ លេខលិខិតឆ្លងដែន និង ថ្ងៃសំភាសដែលបានណាត់រួចហើយ ព្រមទាំងលេខទូរស័ព្ទនិងទូរសាររបេស់លោកអ្នកផងសំរាប់ទាក់ទង។ លោកអ្នកគួរផ្ញើតាមទូរសារនូវឯកសារផ្សេងៗដើម្បីជួយដល់ការស្នើសុំការសំភាសលឿនរបស់លោកអ្នក ។ ប៉ុន្ដែឯកសារផ្សេងៗទៀត ដែលរួមមាន ពាក្យសុំទិដ្ឋាការនឹងមិនត្រូវបានយកមកពិចារណាទេ ។ គ្មានការបង់ប្រាក់បន្ថែមទេ ប្រសិនបើអ្នកត្រូវបានផ្ដល់អោយនូវការសំភាសលឿន ។
ទិដ្ឋាការអន្ដោប្រវេសន៍:
ការណាត់សំភាសទិដ្ឋាការអន្ដោប្រវេសន៍មិនធ្វើតាមរបៀបខាងលើទេ ។ បេក្ខជននឹងត្រូវបានទាក់ទងដោយផ្ទាល់ដោយការិយាល័យទិដ្ឋាការអន្ដោប្រវេសន៍នៅពេលមានសំណុំឯកសារគ្រប់គ្រាន់ហើយ ។ ការហៅទូរស័ព្ទទាក់ទងនឹងទិដ្ឋាការអន្ដោប្រវេសន៍នឹងមិនត្រូវបានទទួលឡើយ ។
ការទទួលយកលិខិតឆ្លងដែន:
រាល់លិខិតឆ្លងដែនដែលបានចេញទិដ្ឋាការជូននឹងអាចមកទទួលយកវិញនៅថ្ងៃធ្វើការបន្ទាប់ ចាប់ពីថ្ងៃច័ន្ទដល់ថ្ងៃព្រហស្បតិ៍ ពីម៉ោង ៤:០០ ដល់ ម៉ោង៤:៣០ រសៀល ។
សេវាទិដ្ឋាការ
ទិ.ការមិនអន្តោ.
របៀបសុំ
តំរូវការរូបថត
ការពិនិត្យសំរេច/រង់ចាំ
ទិដ្ឋាការសិស្ស
ទិដ្ឋាការគូដណ្ដឹង
ទិដ្ឋាការទេសចរ/ទិដ្ឋាការជំនួញ
ទិដ្ឋាការការទូត/ផ្លូវការ
