ឯកអគ្គរដ្ឋទូត Rodley ទទួលរៀបចំការបើកពិព័ណ៌ស្តីពីសិល្បៈក្នុងស្ថានទូត
ភ្នំពេញ
ថ្ងៃទី ២៦ ឧសភា ឆ្នាំ ២០០៩
 |
ឯកអគ្គរដ្ឋទូត Rodley ស្វាគមន៍ ភ្ញៀវដែលចូលរួម
ទស្សនាពិព័ណ៌ ក្នុងនិវេសដ្ឋានលោកស្រី។ រូបពង្រីក |
នៅថ្ងៃទី ២៦ ខែឧសភា លោកស្រីឯកអគ្គរដ្ឋទូតអាមេរិក Carol Rodley បានទទួលស្វាគមន៍ភ្ញៀវចំនួនជាង ១០០ នាក់ មកពីផ្នែកសិល្បៈកម្ពុជា ដែលមកចូលរួមក្នុងពិធីបើកពិព័ណ៌សិល្បៈក្នុងស្ថានទូត នៅឯនិវេសដ្ឋានរបស់លោកស្រី។ មន្រ្តីមកពីក្រសួងវប្បធម៌ សិល្បករ តន្រ្តីករ អ្នកនិពន្ធ អ្នករបាំ និងគ្រូរបាំបានចូលរួមក្នុងពិធីនោះ ហើយរីករាយនឹងស្នាដៃសិល្បៈ ដែលត្រូវបានដាក់តាំង។
ពិព័ណ៌សិល្បៈក្នុងស្ថានទូតមានបង្ហាញស្នាដៃសិល្បៈចំនួន ២០ របស់សិល្បករចំនួន ៩ នាក់។ ស្នាដៃសិល្បៈទាំងអស់នោះបានបង្ហាញពីការទាក់ទងគ្នារវាងសហរដ្ឋអាមេរិកនិងប្រទេសកម្ពុជា ដោយសង្កត់ធ្ងន់លើសារៈសំខាន់នៃផ្នែកការទូតនិងសិល្បករ ថាជាឯកអគ្គរដ្ឋទូតវប្បធម៌។ សិល្បករម្នាក់ គឺលោក William Graef បានសំដែងទស្សនៈរបស់លោកស្តីពីប្រទេសកម្ពុជាតាមរយៈរូបចំលាក់។ សំរាប់លោក ការសំដែងមនោសញ្ចេតនាគឺតាមរយៈគំរបកង់ ដែលចាក់ពុម្ពក្នុងអង្ករ។
មានមតិស្តីពីរូបចំលាក់របស់លោក ដែលមានចំណងជើងថា Blingcap លោក Graef បានសរសេរថា “នៅក្រៅរាជធានីនៃប្រទេសកម្ពុជា រទេះដែលអូសទាញដោយសត្វនៅមានច្រើននៅឡើយ ដែលជាការផ្ទុយស្រឡះពីរថយន្តប្រណិតៗដែលហូរចូលមកក្នុងពេលថ្មីៗនេះ ហើយដែលគេឃើញមានគ្រប់កន្លែងក្នុងទីក្រុង។ កិត្តិនាមនៃ “ការជិះរថយន្ត” ដើម្បីបង្អួតរូបភាពខាងក្រៅ ធ្វើអោយគេមាន “មុខមាត់ធំដុំ” គឺជាតួនាទីដ៏មានសារៈសំខាន់ក្នុងការធ្វើកុំអោយចាញ់គេ បើទោះបីជាប្រជាជនភាគច្រើនស្ទើរតែមិនមានហូបចុកគ្រប់គ្រាន់ក្តី។ គំរបកង់ដែលចាក់ពុម្ពដោយប្រើអង្ករ ដែលជាអាហារចាំបាច់ប្រចាំថ្ងៃនៅអាស៊ី ធ្វើអោយគេមើលឃើញច្បាស់ពីលក្ខណៈផ្ទុយគ្នានៃការនិយមដែលមានការចុះអន់ថយ និងដែលទើបតែងើបចេញពីសោកនាដកម្ម ហើយកំពុងចូលទៅក្នុងបរិយាកាសដែលកំពុងតែមានការផ្លាស់ប្តូរយ៉ាងឆាប់រហ័ស។ ដោយត្រូវបានបង្ហាញដូចជាចានព័រសាឡែនគួររក្សាទុក វាចោទសួរទៅលើភាពត្រឹមត្រូវនៃការចង់បាននិងសេចក្តីត្រូវការបស់ប្រទេសមួយដែលកំពុងអភិវឌ្ឍ និងកំពុងតែមានការលូតលាស់សេដ្ឋកិច្ចយ៉ាងឆាប់រហ័ស ជាមួយនឹងការហូរចូលយ៉ាងច្រើននៃគុណតំលៃរបស់លោកខាងលិច។”
ពិព័ណ៌ស្តីពីសិល្បៈក្នុងស្ថានទូតមានតាំងនៅនិវេសដ្ឋានរបស់ឯកអគ្គរដ្ឋទូត ហើយគេអាចមើលឃើញក្នុង slideshow តាមអ៊ិនធ័រនែត។
ប្រវត្តិស្តីពីកម្មវិធីសិល្បៈក្នុងស្ថានទូត
ដោយត្រូវបានបង្កើតអោយមានឡើងដោយក្រសួងការបរទេសសហរដ្ឋអាមេរិក ក្នុងឆ្នាំ ១៩៦៤ កម្មវិធីសិល្បៈក្នុងស្ថានទូតគឺជាសារៈមន្ទីរសាកលមួយ ដែលបង្ហាញស្នាដៃសិល្បៈដើមរបស់ពលរដ្ឋអាមេរិក នៅក្នុងបន្ទប់សាធារណៈ ក្នុងនិវេសដ្ឋានទូតអាមេរិកចំនួនប្រហែល ១៨០ ទូទាំងសាកលលោក។ ពិព័ណ៌ទាំងនេះ ដោយមានស្នាដៃសិល្បៈខ្ចីមកពីវិចិត្រសាល សារៈមន្ទីរ សិល្បករម្នាក់ៗ វត្ថុអនុស្សាវរីយ៍របស់ក្រុមហ៊ុននិងឯកជន មានតួនាទីសំខាន់ក្នុងកិច្ចការទូតនៃប្រទេសរបស់យើងជាមួយសាធារណជន។ វាធ្វើអោយទស្សនិកជនអន្តរជាតិចាប់អារម្មណ៍លើគុណភាព ទំហំ និងភាពចំរុះនៃវប្បធម៌និងសិល្បៈរបស់អាមេរិក តាមរយៈស្នាដៃសំរេចបានរបស់ពលរដ្ឋសំខាន់បំផុតខ្លះរបស់យើង ដែលជាសិល្បកររបស់យើង។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
