សហរដ្ឋអាមេរិកផ្តល់ជំនួយចំនួន ៣៤,៨ លានដុល្លាអាមេរិក សំរាប់វិស័យសុខាភិបាល និងអប់រំ
ក្រសួងការបរទេស ភ្នំពេញ
ថ្ងៃទី ៨ ខែកញ្ញា ឆ្នាំ ២០០៩
 |
ឯកអគ្គរដ្ឋទូត Carol Rodley និងលោក
ឧបនាយករដ្ឋមន្រ្តី ហោ ណាំហុងនៅ
ក្នុងពិធីចុះហត្ថលេខា ។ រូបពង្រីក |
សហរដ្ឋអាមេរិកនិងកម្ពុជាបានចុះហត្ថលេខាលើវិសោធនកម្មលើកិច្ចព្រមព្រៀងទ្វេភាគីចំនួនពីរ នៅថ្ងៃទី៨ ខែកញ្ញា ឆ្នាំ២០០៩ ដែលនឹងផ្ដល់ថវិកាសរុបចំនួន ៣៤.៨ លានដុល្លារអាមេរិក ដើម្បីជួយវិស័យសុខាភិបាលនិងអប់រំ ដែលជាវិស័យអាទិភាពរបស់កម្ពុជា។ ជំនួយថវិកាថ្មីនេះនឹងធើ្វអោយទឹកប្រាក់សរុប ដែលសហរដ្ឋអាមេរិកបានជួយដល់វិស័យសុខាភិបាល និងអប់រំនៅកម្ពុជាឡើងដល់ចំនួនជាង ២៥០ លានដុល្លា អាមេរិកចាប់ពីឆ្នាំ ១៩៩៩ មក។
លោកស្រី Carol A. Rodley ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាបានអញ្ជើញចូលរួមនៅក្នុងពិធីនិងចុះហត្ថលេខានេះ នៅក្រសួងការបរទេស និងសហប្រតិបត្ដិការអន្ដរជាតិ ក្នុងទីក្រុងភ្នំពេញ។ ឯកឧត្ដម ហោ ណាំហុង ឧបនាយករដ្ឋមន្ដ្រីនិងជារដ្ឋមន្ដ្រីក្រសួងការបរទេសនិងសហប្រតិបត្ដិការអន្ដរជាតិ និងលោក Flynn Fuller នាយកបេសកម្មនៃទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្ដរជាតិ (USAID) នឹងចុះហត្ថលេខាក្នុង នាមរដ្ឋាភិបាលរបស់ខ្លួន។
លោកស្រីឯកអគ្គរដ្ឋទូត Rodley បានមានប្រសាសន៍ថា “ខ្ញុំមានសេចក្តីរីករាយដែលមានវត្តមាននៅពេលនេះ ដើម្បីសំដែងសារជាថ្មីនូវការប្តេជ្ញាចិត្តរបស់ប្រជាជនអាមេរិក ក្នុងការធ្វើវិនិយោគទៅលើសុខភាព និងការសិក្សាអប់រំរបស់ប្រជាជនកម្ពុជា។ ដោយធ្វើការជាមួយសហការីរបស់យើងក្នុងរដ្ឋាភិបាលកម្ពុជា យើងបានទប់រលកនៃជំងឺអេដស៍ លើកកំពស់គុណភាពនៃសេវាសុខភាពជាមូលដ្ឋាន និងលើកកំពស់អត្ថប្រយោជន៍ និងការទទួលបានការសិក្សាអប់រំដល់យុវវ័យរាប់ពាន់នាក់។”
វិសោធនកម្មលើកិច្ចព្រមព្រៀងទី១ ផ្ដល់ថវិកាសរុបចំនួន ៣១,៦ លានដុល្លារសហរដ្ឋអាមេរិក សំរាប់ គោលបំណង។ ជំនួយនេះនឹងប្រើសំរាប់ធ្វើឱ្យប្រសើរឡើងនូវរាល់សកម្មភាព ដែលពាក់ព័ន្ធទៅនឹងការបន្ថយអត្រាឆ្លង និងផលប៉ះពាល់នៃជំងឺហ៊ីវ/អេដស៍ ការការពារនិងកំចាត់ជំងឺឆ្លងធំៗ ដូចជាជំងឺរបេង ការប្រយុទ្ធនិងជំងឺ ផ្ដាសសាយបក្សី និងជំងឺផ្ដាសសាយប្រភេទផ្សេងៗទៀត ក៏ដូចជាធ្វើឱ្យប្រសើរឡើងនូវសុខភាពរបស់កុមារ មាតា និងសុខភាពបន្ដពូជ និងពង្រឹងប្រព័ន្ធសុខភាពសាធារណៈ។
វិសោធនកម្មលើកិច្ចព្រមព្រៀងទី២ ផ្ដល់ថវិកាសរុបចំនួនជាង ៣,២ លានដុល្លារសហរដ្ឋអាមេរិក ដើម្បី គាំទ្រដល់ គោលបំណងវិស័យអប់រំរបស់រាជរដ្ឋាភិបាលកម្ពុជា។ ជំនួយនេះនឹងប្រើសំរាប់ការចាប់ផ្ដើមគំរោង កម្មវិធីអប់រំថ្មីបន្ថែមលើកម្មវិធីអប់រំកន្លងមករបស់ USAID ដើមី្បធ្វើឱ្យប្រសើរឡើងនូវគុណភាពនិងប្រយាជន៌ នៃការអប់រំជាមូលដ្ឋាន និងពង្រីកលទ្ធភាពចូលររៀនឱ្យកាន់តែច្រើនឡើងសំរាប់កុមារកម្ពុជា រួមទាំងជនជាតិភាគ តិច អ្នកបាត់បង់លទ្ធភាពពលកម្ម និងកុមារក្រីក្រខ្លាំងផែងដែរ។ សកម្មភាពទាំងអស់នឹងផ្ដោតទៅលើការកាត់ បន្ថយអត្រាបោះបង់ចោលសាសារៀន និងការរៀនត្រួតថ្នាក់ តាមរយៈការបង្កើនគុណភាពនៃការបង្រៀន ការបណ្ដុះបណ្ដាលពីការគ្រប់គ្រងសាសារៀន និងការវាយតំលៃលទ្ធផលនៃការសិក្សារបស់សិស្ស។
សហរដ្ឋអាមេរិករំពឹងថា នឹងផ្ដល់ថវិកាចំនួន ៦១,៨ លានដុល្លារសហរដ្ឋអាមេរិក ដែលជាជំនួយឧបត្ថម្ភដល់ប្រទេសកម្ពុជាក្នុងឆ្នាំ ២០០៩។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
