សិស្សសកលវិទ្យាល័យនៅបាត់តំបងពិភាក្សាអំពីនិយោបាយពូជសាសន៏នៅក្នុងសហរដ្ឋអាមេរិក
បាត់តំបង់
ថ្ងៃទី ១២ ខែមិនា ឆ្នាំ ២០០៩
 |
រង្វាន់ត្រូវបានប្រគល់ដោយលោក Aaron Otte
ដែលជាជំនួយការផ្នែករប្បធម៍របស់ស្ថានទូត
អាមេរិក។រូបពង្រីក |
នៅថ្ងៃទី ១២ ខែមិនា ឆ្នាំ ២០០៩ បុគ្គលិកផ្នែកកិច្ចការសាធារណៈរបស់ស្ថានទូត បានធ្វើដំណើរទៅកាន់ខេត្តបាត់ដំបង ដើម្បីអោយពិន្ទុក្នុងការប្រលងសរសេរមួយ ក្នុងសាកលវិទ្យាល័យគ្រប់គ្រងនិងសេដ្ឋកិច្ច។ បណ្ណាល័យអាមេរិក ដែលមានទីតាំងស្ថិតក្នុងសាកលវិទ្យាល័យនោះបានរៀបចំការប្រលងសំរាប់និស្សិតក្នុងការឆ្លើយសំណួរមួយថា តើការជាប់ឆ្នោតរបស់ជនជាតិអាមេរិកស្បែកខ្មៅម្នាក់ជាប្រធានាធិបតីអាមេរិកមានន័យយ៉ាងដូចម្តេច សំរាប់នយោបាយស្តីពីពូជសាសន៍ នៅសហរដ្ឋអាមេរិក? និស្សិតបីក្រុមមកពីក្លិបភាសាអង់គ្លេសបានចូលរួមប្រលង។ ពួកគេត្រូវបានសុំអោយធ្វើការស្រាវជ្រាវប្រវត្តិទាក់ទងនឹងប្រធានបទនេះ ធ្វើបទបង្ហាញ ដោយប្រើ PowerPoint រួចហើយបកស្រាយលទ្ធផលរកឃើញរបស់គេជាភាសាអង់គ្លេស នៅចំពោះមុខនិស្សិត គ្រូ និងបុគ្គលិកស្ថានទូត នៅពេញបន្ទប់។
ក្រុមទាំងបីដែលមួយក្រុមៗមាននិស្សិត ៣ នាក់ ធ្វើបទបង្ហាញដល់គណៈមេប្រយោគអោយពិន្ទុ ដែលរួមមានបុគ្គលិកស្ថានទូតនិងបុគ្គលិកសាកលវិទ្យាល័យ។ ទាំងបីក្រុមបានស្រាវជ្រាវ ចងក្រង និងធ្វើបទបង្ហាញបានយ៉ាងល្អពីលទ្ធផលរកឃើញរបស់គេទៅគណៈមេប្រយោគ។ ក្រោយពីការពិភាក្សាគ្នាយ៉ាងយូររវាងមេប្រយោគរួចមក ក្រុមទី ២ បានទទួលរង្វាន់លេខ ១ និងប័ណ្ណសរសើរពីស្ថានទូតអាមេរិក។
ពិតមែនតែទាំងបីក្រុមបានលើកបង្ហាញចំណុចជាច្រើនស្តីពីនយោបាយជាតិសាសន៍ តែក្រុមទី ២ ធ្វើបានល្អជាងគេ ដោយធ្វើបទបង្ហាញពីសំណេររបស់គេ បានហូរហែរល្អនិងប្រកបដោយការជឿជាក់។ ក្នុងសេចក្តីសនិ្នដ្ឋានរបស់គេ ក្រុមទី២ បានបញ្ជាក់ថា “ថ្វីបើយើងមិនគិតថានយោបាយស្តីពីជាតិសាសន៍មានចំណែកក្នុងការបោះឆ្នោតនាពេលថ្មីៗបំផុតនេះក្តី តែការដែលជនជាតិអាមេរិកដើមកំណើតអាហ្រ្វិក ដែលកាលពី ៥ ជំនាន់មុន គឺជាទាសករ បានជាប់ឆ្នោតជាប្រធានាធិបតីអាមេរិក គឺជាការសញ្ញាវិជ្ជមានដ៏ល្អមួយហើយបង្ហាញអោយឃើញពីជោគជ័យនៃលទ្ធិប្រជាធិបតេយ្យ”។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
