ស្ថានទូតអាមេរិកជួយបណ្តុះបណ្តាលអ្នកសារព័ត៌មានផែ្នកជំនួញ នៅភ្នំពេញ
សកលវិទ្យាល័យភូមិន្ទភ្នំពេញ
ថ្ងៃទី២៩ ខែមិថុនា ឆ្នាំ២០០៩
 |
សិក្ខាសាលាត្រូវបានរៀបចំឡើងដោយស្ថានទូត
សហការជាមួយក្លឹបអ្នកកាសែតកម្ពុជា ហើយការ
សិក្សាធ្វើនៅក្នុងថ្នាក់រៀនរបស់ពួកគេ។ រូបពង្រីក |
ពីថ្ងៃទី ២៩ ខែមិថុនា ដល់ថ្ងៃទី ២ ខែកក្កដា អតីតចាងហ្វាងនិងប្រធានផ្នែកប្រតិបត្តិនៃសារព័ត៌មាន Wall Street Journal គឺលោក Rusty Todd បានធ្វើទស្សនកិច្ចមកកាន់ទីក្រុងភ្នំពេញ ដើម្បីជួយផ្តួចផ្តើមអោយមានការដុះដាលឡើងនៃវិជ្ជាជីវៈសារព័ត៌មានផ្នែកជំនួញ នៅប្រទេសកម្ពុជា។ លោក Todd នៅពេលនេះធ្វើការនៅទីក្រុងហុងកុង ហើយកំពុងតែជួយបង្កើតកម្មវិធីសិក្សាថ្នាក់អនុបណ្ឌិតនៃសារព័ត៌មានផ្នែកជំនួញ នៅសាកលវិទ្យាល័យហុងកុង។ នៅសហរដ្ឋអាមេរិក លោកគឺជាសាស្រ្តាចារ្យ នៅសាកលវិទ្យាល័យ Texas ក្នុងក្រុង Austin ។ សិក្ខាសាលាត្រូវបានរៀបចំឡើងដោយស្ថានទូត សហការជាមួយក្លឹបអ្នកកាសែតកម្ពុជា ហើយការសិក្សាធ្វើនៅក្នុងថ្នាក់រៀនរបស់ពួកគេ។ អ្នកសារព័ត៌មានចំនួនជាង ២០ នាក់មកពីស្ទើរតែគ្រប់ផ្នែកសារព័ត៌មានបោះពុម្ពនិងស្ថានីយ៍វិទ្យុ ទូរទស្សន៍ នៅក្នុងប្រទេស។ លោក Todd បាននិយាយពីបញ្ហានានាជាច្រើន រួមទាំងការយកព័ត៌មានស្តីពីការទាក់ទងគ្នារវាងជំនួញនិងបរិស្ថាន និងពីវិធីយកព័ត៌មានស្តីពីផ្សាហ៊ុន នៅពេលផ្សាហ៊ុននេះបើក នៅឆ្នាំ ២០១០។ ក្នុងអំឡុងទស្សនកិច្ចរបស់លោក លោកក៏បានថ្លែងទៅកាន់និស្សិតមួយចំនួនមកពីមហាវិទ្យាល័យផ្នែកសារព័ត៌មាន នៃសាកលវិទ្យាល័យភូមិន្ទភ្នំពេញ ហើយបានលើកទឹកចិត្តអោយពួកគេធ្វើការចាប់ផ្តើមដោយខ្លួនឯង និងស្វែងរកមើលរឿង មិនត្រឹមតែនៅក្នុងរាជធានីតែប៉ុណ្ណោះទេ តែថែមទាំងនៅតាមខេត្តនានាផងដែរ ដើម្បីធ្វើអោយមានព័ត៌មានចុះផ្សាយក្នុងប្រព័ន្ធផ្សព្វផ្សាយទាក់ទងនឹងគ្រប់ទីកន្លែង នៅក្នុងប្រទេស។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
