កងម៉ារីនជំនួយមកដល់ប្រទេសកម្ពុជា សំរាប់កម្មវិធីអន្តរប្រតិបត្តិការនៅកម្ពុជា
ខេត្តកំពង់ស្ពឺ
ថ្ងៃទី ៨ ខែសីហាឆ្នាំ ២០០៩
 |
ទាហានម៉ារីនអាមេរិកថតរូបជាមួយទាហាន
ខ្មែរ។ រូបពង្រីក |
អ្នកដឹកនាំពីកងអនុសេនាធំប្រតិបត្តិវិស្វករ កងម៉ារីនជំនួយលេខ ១៧២ ក្រុមម៉ារីនជំនួយលេខ ១៧ និង កងម៉ារីនទី ១ ផ្នែកទ័ពអាកាសអាមេរិក បានជួបជាមួយមេបញ្ជការកងរាជអាវុធហត្ថខេត្តតាកែវ ដើម្បីពិសារភោជនាហារមិត្តភាព កាលពីថ្ងៃទី ៨ ខែសីហា។ ភោជនាហារនោះបានផ្តល់ឱកាសអោយទាហានម៉ារីនដែលទើបតែមកដល់ថ្មី និងប៉ូលីសក្នុងស្រុក ដែលជាអ្នកការពារសន្តិសុខក្នុងអំឡុងការស្នាក់នៅរបស់ទាហានម៉ារីនអាមេរិកនៅកម្ពុជា អបអរការសហការគ្នារបស់គេ ក្នុងកម្មវិធីអន្តរប្រតិបត្តិនៅកម្ពុជា ដែលកំពុងត្រូវបានដំណើរការទៅ ក្នុងខេត្តកំពង់ស្ពឺ។ កម្មវិធីនេះត្រូវបានបង្កើតអោយមានឡើងដោយរដ្ឋាភិបាលអាមេរិក និងរាជរដ្ឋាភិបាលកម្ពុជា ដើម្បីលើកកំពស់ទំនាក់ទំនង និងកសាងចំណងទាក់ទងរវាងយោធាអាមេរិក និងកងយោធពលខេមរភូមិន្ទ តាមរយៈបេសកកម្មមនុស្សធម៌ និងការហ្វឹកហ្វឺនទ្វេភាគី។ ក្រុមនះ ដែលមានទាហានម៉ារីន និងទាហានជើងទឹកចំនួន ៤៦ នាក់ ធ្វើការជាមួយកងពលតូចវិស្វកម្មលេខ ៣១ របស់កងយោធពលខេមរភូមិន្ទ មកដើម្បីដំណើរការគំរោងជំនួយវិស្វកម្មមនុស្សធម៌ ក្នុងការជួសជុលមណ្ឌលសុខភាពចំនួន ២។ មួយគឺមណ្ឌលសុខភាពវាលអង្គពពែល ដែលពីមុនមក ត្រូវបានបិទដោយសារមានសភាពទ្រុឌទ្រោម ហើយមណ្ឌលសុខភាពមួយទៀតគឺមណ្ឌលសុខភាពពេជ្រមុនី ។ សំរាប់មណ្ឌលសុខភាពនេះគឹមានគំរោងពង្រីក និងជួសជុល ស្ថិតនៅលើដីភូមិ ក្នុងខេត្តកំពង់ស្ពឺ។ អនុសេនីត្រី Ashley B. Christman ដែលជាមេបញ្ជាការទទួលបន្ទុកគំរោង បានមានប្រសាសន៍ថា “ទាហានម៉ារីន និងទាហានជើងទឹករបស់សហរដ្ឋអាមេរិកនឹងធ្វើការជាមួយទាហាននៃកងយោធពលខេមរភូមិន្ទ ក្នុងពេលសាងសង់មណ្ឌលសុខភាពទាំងពីរនេះ។ គោលបំណងរួមរបស់យើងគឺកសាងទំនាក់ទំនងរវាងកំលាំងយោធាទាំងពីរ ដោយទន្ទឹមនឹងនោះ ធ្វើការចែករំលែកគ្នានូវការហ្វឹកហ្វឺនលើជំនាញវិស្វកម្មទ្វេភាគីល្អៗ។ កម្មវិធីអន្តរប្រតិបត្តិនៅកម្ពុជាត្រូវបានរំពឹងថា នឹងមានរយៈពេលជិត ៤ សប្តាហ៍ ដោយការងារកំណត់ត្រូវបង្ហើយនៅត្រឹមថ្ងៃទី ២៧ ខែសីហា ឆ្នាំ ២០០៩ ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
