សារលិខិតជូនពររបស់លោក George W. Bush ប្រធានាធិបតីសហរដ្ឋអាមេរិក ថ្វាយព្រះមហាក្សត្រ នរោត្ដម សីហមុនី ក្នុងឱកាសបុណ្យឯករាជ្យជាតិលើកទី ៥៤ របស់ព្រះរាជាណាចក្រកម្ពុជា
សេតវិមាន
ថ្ងៃទី ៩ ខែវិច្ឆិកា ឆ្នាំ ២០០៧
ព្រះករុណា ៖
តាងនាមអោយប្រជាជនអាមេរិក ទូលបង្គំសូមសំដែងអំណរសាទរថ្វាយព្រះករុណា និងជូនដល់ប្រជាជន នៃព្រះរាជាណាចក្រកម្ពុជា ក្នុងឱកាសទិវាបុណ្យឯករាជ្យជាតិ ៩ វិច្ឆិកានៃប្រទេសរបស់ព្រះអង្គ ។ ទូលព្រះបង្គំ ទន្ទឹងរង់ចាំជាមួយនឹងក្ដីសប្បាយរីករាយនាឆ្នាំខាងមុខ ក្នុងពេលដែលប្រជាជាតិយើងទាំងពីរបន្ដពង្រឹងទំនាក់ទំនងទ្វេភាគីព្រមទាំងធ្វើការរួមគ្នាដោយឈរលើផលប្រយោជន៍ទៅវិញទៅមក ។ ឆ្នាំកន្លងទៅនេះ បានកត់សំគាល់អោយឃើញនូវភាពជឿនលឿនគួរអោយកត់សំគាល់ក្នុងទំនាក់ទំនងរបស់យើង ដោយមានការមកដល់នៃក្រុមអ្នកស្ម័គ្រចិត្ដរបស់ភ្នាក់ងារ Peace Corps សហរដ្ឋអាមេរិក និងការចូលចតនៅកំពង់ផែរបស់នាវាជើងទឹកសហរដ្ឋអាមេរិក ដែលមកបំពេញសកម្មភាពមនុស្សធម៌នៅក្នុងព្រះរាជាណាចក្រកម្ពុជា ដោយមានការទទួលស្វាគមន៍យ៉ាងរាក់ទាក់។ ទូលបង្គំយើងខ្ញុំសូមវាយតំលៃខ្ពស់ចំពោះការប្ដេជ្ញាចិត្ដរបស់ព្រះអង្គ ក្នុងការពង្រឹងការអភិវឌ្ឍន៍លទ្ធិប្រជាធិបតេយ្យជាបន្ដទៀត។
ទូលបង្គំសូមថ្វាយព្រះពរនិងជូនពរដល់ព្រះអង្គនិងប្រជាជនកម្ពុជាអោយជួបតែសន្ដិភាព វិបុលភាព និង ពរគ្រប់ប្រការ ។
ដោយសេចក្ដីគោរពដ៏ស្មោះពីទូលព្រះបង្គំ
George W. Bush
ឯកអគ្គរដ្ឋទូត
ដំណឹងថ្មី
សុន្ទរកថា
សេចក្តីប្រកាសពត៌មាន
