កម្មវិធីប្រយុទ្ធប្រឆាំងនឹងជំងឺរបេងនៅកម្ពុជា ដែលជួយដោយសហរដ្ឋអាមេរិក
ក្រុងប៉ៃលិន
ថ្ងៃទី ២៣ ខែមិថុនា ឆ្នាំ ២០០៨
 |
អ្នកតាមដានស្ម័គ្រចិត្ដ DOTS ចូលរួមក្នុងវគ្គបណ្ដុះបណ្ដាលនៅប៉ៃលិន។ រូបពង្រីក |
អង្គការសុខភាពពិភពលោកចាត់ទុកប្រទេសកម្ពុជាចូលក្នុងចំណោមប្រទេសចំនួន ២២ ដែលមាន បញ្ហា ជំងឺរបេងធ្ងន់ធ្ងរជាងគេ ។ តាំងពីឆ្នាំ ២០០១ មក ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្ដរ ជាតិ (USAID) បានធ្វើការជាមួយកម្មវិធីជាតិកំចាត់ជំងឺរបេង របស់រាជរដ្ឋាភិបាលកម្ពុជា ដើម្បីពង្រឹងការ កំណត់រោគសញ្ញា និងការព្យាបាល ទាំងនៅតាមមន្ទីរពេទ្យ មណ្ឌលសុខភាព ទាំងនៅតាមលំដាប់ថ្នាក់ឃុំ ។
ការព្យាបាល "រយៈពេលខ្លី" ជាធម្មតាសំរាប់ជំងឺរបេង ដោយផ្ដល់ថ្នាំប្រចាំថ្ងៃ មានរយៈពេល ៦ ខែ។ ដើម្បីធានាបានថាអ្នកជំងឺរបេងទទួលការព្យាបាលគ្រប់តាមការកំណត់ គ្រូពេទ្យតាមដានការលេបថ្នាំរបេង របស់អ្នកជំងឹរបស់គាត់ ។ ក្នុងការខិតខំធ្វើយ៉ាងណាអោយអ្នកជំងឺរបេងនៅតាមសហគមន៍ទទួលការព្យាបាលបានចប់សព្វគ្រប់តាមការកំណត់ USAID បានជួយរៀបចំវិធីថ្មី សំរាប់អនុវត្ដតាមនៅនឹងមូលដ្ឋាន ដែលគេហៅថា រយៈពេលខ្លីក្នុងការព្យាបាលក្រោមការតាមដានដោយផ្ទាល់របស់សហគមន៍ (C-DOTS) ។ C-DOTS ប្រើប្រាស់អ្នកស្ម័គ្រចិត្ដនៅតាមសហគមន៍ ដែលគេស្គាល់ថាអ្នកតាមដាន DOTS ដែលជួយសមា ជិកសហគមន៍ ទាំងក្នុងការកំណត់រោគវិនិច្ឆ័យនៃជំងឺរបេង (ដូចជា ការមានក្អកលើសពី ៣ សប្ដាហ៍) ការរក មើលសេវាផ្ដល់ការព្យាបាល និងទាំងក្នុងការព្យាបាលអោយគ្រប់រយៈពេល ៦ ខែពេញ ។ អ្នកតាមដាន DOTS មិនទទួលប្រាក់កំរ៉ៃទេ ហើយគេច្រើនតែចូលរួមក្នុងកម្មវិធីដោយសារសមាជិកគ្រួសាររបស់គេមាន ជំងឺរបេង ។ តែមានច្រើនគ្នាសុខចិត្ដបន្ដធ្វើការជាអ្នកស្ម័គ្រចិត្ដ ពីព្រោះវានាំអោយគេមានឈ្មោះល្អ នៅក្នុង សហគមន៍របស់គេ ។
ទីភ្នាក់ងារ USAID តាមរយៈដៃគូអនុវត្ដរបស់ខ្លួន ដូចជាអង្គការ Catholic Relief Services ដំណើរការកម្មវិធី C-DOTS នៅតាមមណ្ឌលសុខភាពជាង ៨៥% តាមស្រុកប្រតិបត្ដិចំនួន ២៦ នៃខេត្ដចំនួន ១១ នៅប្រទេសកម្ពុជា ។ ប្រទេសកម្ពុជាសំរេចបានគោលដៅរួមបានយ៉ាងតិច ៧០% ក្នុងអត្រាកំណត់បានករណីអ្នជំងឺ និងអត្រាព្យាបាលជាបាន ៨៥% ។
ប្រជាជនកម្ពុជាប្រមាណ ២ ភាគ ៣ មានមេរោគរបេង ដែលជាអត្រាស្ថិតក្នុងចំណោមអត្រាខ្ពស់ ជាងគេក្នុងពិភពលោក ។ ក្នុងនោះ មានតែពី ៥% ទៅ ១០% ប៉ុណ្ណោះដែលវិវត្ដជាជំងឺរបេង ។ ចំនួនមនុស្ស ក្រៅពីនេះគ្មាមេរោគរបេង ហើយមិនមានរោគសញ្ញាទេ ។ ជារួម ជំងឺរបេងគឺជាជំងឺដែលធ្វើអោយមានការ ស្លាប់ច្រើនជាងគេ ក្នុងចំណោមអ្នកមានរោគអេដស៍ ពីព្រោះជំងឺនេះធ្វើអោយប្រព័ន្ធការពារចុះខ្សោយ ។ នៅ ប្រទេសកម្ពុជា អ្នកជំងឺរបេងប្រមាណ ១០% មានផ្ទុកមេរោគអេដស៍ ។ ប្រជាជនកម្ពុជាប្រហែល ១២ ០០០ នាក់ស្លាប់ជារៀងរាល់ឆ្នាំដោយសារជំងឺរបេង ដែលត្រូវជាប្រមាណ ៣៣ នាក់ក្នុងមួយថ្ងៃៗ ។
ឯកអគ្គរដ្ឋទូត
ដំណឹងថ្មី
សុន្ទរកថា
សេចក្តីប្រកាសពត៌មាន
