Skip Global Navigation to Main Content
Skip Breadcrumb Navigation
ពត៌មាន​ទូទៅ

ពត៌មាន​សំរាប់​ទាក់ទង ពេល​ម៉ោង​ធ្វើការ និង​ថ្ងៃ​ឈប់​សំរាក

ស្ថានទូត​សហរដ្ឋ​អាមេរិក
ការិយាល័យ​កុងស៊ុល
អាគារ​លេខ​១ ផ្លូវ​លេខ​៩៦ (​ក្បែរ​វត្តភ្នំ​) រាជធានី​ភ្នំពេញ ព្រះរាជាណាចក្រ​កម្ពុជា
ផ្នែក​ទិដ្ឋាការ​មិន​មែន​អន្តោប្រវេសន៍
ទូរស័ព្ទ​៖ (០៩៥) ៩៧៥ ៨៤៨

        ច្រក​ទ្វារ​ចូល​ការិយាល័យ​កុងស៊ុល​នៃ​ស្ថានទូត​សហរដ្ឋ​អាមេរិក​ប្រចាំ​រាជធានី​ភ្នំពេញ ស្ថិត​នៅ​តាម​ផ្លូវ​លេខ​៥១ (​ផ្លូវ​ប៉ាស្ទ័រ​) កាច់​ជ្រុង​ក្បែរ វត្ត​ភ្នំ​។ ការិយាល័យ​កុងស៊ុល​បើក​បំរើ​សេវា​ទិដ្ឋាការ​តាមរយៈ​ការ​ណាត់​ជួប​តែ​ប៉ុណ្ណោះ ចន្លោះ​ពី​ម៉ោង​ ៧-៨:៣០​ព្រឹក រៀងរាល់​ពី ថ្ងៃ​ច័ន្ទ ដល់​ថ្ងៃ​ព្រហស្បតិ៍ លើក​លែង​តែ​នៅ​ថ្ងៃ​បុណ្យ​របស់​សហរដ្ឋ​អាមេរិក និង​ថ្ងៃ​បុណ្យ​របស់​ព្រះរាជាណាចក្រ​កម្ពុជា តែ​ប៉ុណ្ណោះ​។ សូម​ជម្រាប​ថា​ការ​សំភាសន៍​ទិដ្ឋាការ​នេះ​ជួនកាល​ប្រហែល​ជា​ត្រូវ​ចំណាយ​ពេល​ពី​២​-​៣​ម៉ោង ឬ​យូរ​ជាង​នេះ ដូច្នេះ​សូម​ត្រៀម​ពេល​វេលា​សំរាប់​រង់​ចាំ​នៅ​ថ្ងៃ​សំភាសន៍​។ សូម​ជំរាប​ថា​ការិយាល័យ​កុងស៊ុល​មិន​អាច​ពិភាក្សា ឬ​ឆ្លើយ​សំណួរ​អំពី​ករណី​ទិដ្ឋាការ​តាម​ទូរស័ព្ទ​បាន​ទេ ប៉ុន្តែ​លោក​អ្នក អាច​ផ្ញើរ​សំណួរ ឬ​ចំងល់​ទាំង​នោះ​មក​យើង​ខ្ញុំ​តាម​អ៊ីម៉េល ដែល​មាន​អាស័យដ្ឋាន​ដូច​ខាង​ក្រោម​នេះ ៖

  • ផ្នែក​ទិដ្ឋាការ​មិន​មែន​អន្តោប្រវេសន៍: support-cambodia@ustraveldocs.com
  • ផ្នែក​ទិដ្ឋាការ​អន្តោប្រវេសន៍: ivphnompenh@state.gov
    ក្នុង​​ប្រអប់​ប្រធានបទ​របស់​អ៊ីម៉ែល​សូម​ដាក់​ពាក្យ​ថា "IV Inquiry" និង​លេខ​ករណី​របស់​អ្នក ដែល​ផ្តើម​ដោយ​អក្សរ PHP ហើយ​មាន​លេខ​១០​ខ្ទង់​ទៀត​នៅ​ពី​ក្រោយ​។

         យើង​ខ្ញុំ​នឹង​ព្យាយាម​ឆ្លើយ​តប​ទៅ​លោក​អ្នក​វិញ​ក្នុង​កំឡុង​ពេល​៣​ថ្ងៃ​នៃ​ថ្ងៃ​ធ្វើការ​។

        អាស្រ័យ​តាម​គោលការណ៍​របស់​យើង ការិយាល័យ​កុងស៊ុល​មិន​អាច​ពិភាក្សា​ពត៌មាន​លំអិត​អំពី​ករណី​ទិដ្ឋាការ​ណា​មួយ ជាមួយ​ភាគី​ណា​ក្រៅ​ពី​អ្នក​ធានា (Petitioner) សាម៉ីជន (Beneficiary) ឬ​មេធាវី (Legal Representative) បាន​ទេ​។ សូម​ផ្តល់​នូវ​ពត៌មាន​ដូច​ខាង​ក្រោម​នេះ​៖

  • គោត្តនាម​-​នាម និង ថ្ងៃ ខែ ឆ្នាំ​កំណើត​របស់​បេក្ខជនៈ
  • លេខ​លិខិត​ឆ្លងដែន​របស់​បេក្ខជនៈ
  • អាស័យដ្ឋាន​ប្រៃសណីយ៍ និង​លេខ​ទូរស័ព្ទៈ
  • គោត្តនាម​-​នាម​របស់​លោក​អ្នកៈ

        យើង​ខ្ញុំ​នឹង​ព្យាយាម​ឆ្លើយ​តប​ទៅ​លោក​អ្នក​វិញ​អោយ​បាន​ឆាប់​ទៅ​តាម​លទ្ធភាព​។ សូម​កុំ​ផ្ញើ​សំណួរ​ដដែល​ៗ​មក​ច្រើន​ដង ព្រោះ​វា​អាច​នឹង​បង្ក​អោយ​មាន​ការ​យឺត​យូរ​បន្ថែម​ទៀត​ក្នុង​ការ​ឆ្លើយ​តប​។