កម្មវិធីអ្នកទស្សនកិច្ចវប្បធម៌ និងសិក្សាការគ្រប់គ្រងសិល្បៈ
 |
កញ្ញាចាន់ ម៉ូលី ដែលបានចូលរួម
ក្នុងកម្មវិធីនេះ ក្នុងឆ្នាំ ២០០៩។ រូបពង្រីក |
មជ្ឈមណ្ឌល John F. Kennedy សំរាប់ផ្នែកកម្មវិធីវប្បធម៌ និងសិល្បៈសំដែង របស់ការិយាល័យកិច្ចការវប្បធម៌ និងអប់រំ របស់ក្រសួងការបរទេសអាមេរិក (ECA) សូមធ្វើការជ្រើសរើសអ្នក ចូលរួមក្នុងកម្មវិធីអ្នកទស្សនកិច្ចវប្បធម៌ និងកម្មវិធីសិក្សាពីការគ្រប់គ្រងសិល្បៈ។ ចំពោះព័ត៌មានបន្ថែម និងពាក្យសុំចូលរួមក្នុងកម្មវិធី សូមចូលមើលគេហទំព័រ
http://www.kennedy-center.org/education/state/cultural ចំពោះកម្មវិធីអ្នកទស្សនកិច្ចវប្បធម៌ និងសូមចូលមើលគេហទំព័រ
http://www.kennedy-center.org/education/state/fellows ចំពោះកម្មវិធីសិក្សាការគ្រប់គ្រងសិល្បៈ។
សេចក្តីអធិប្បាយកម្មវិធី
ជាផ្នែកមួយនៃកិច្ចព្រមព្រៀងសហប្រតិបត្តិការរបស់ ECA ចំពោះមជ្ឈមណ្ឌល Kennedy កម្មវិធីអ្នកទស្សនកិច្ចវប្បធម៌ផ្តល់ឱកាសសំរាប់ពង្រឹងជំនាញអាជីពដល់សិល្បៈករសំដែងថ្មីៗចំនួន ៥៦ នាក់ ដែលមានអាយុចន្លោះពី ១៩ ដល់ ៣០ ឆ្នាំ។ កម្មវិធីសិក្សាការគ្រប់គ្រងសិល្បៈផ្តល់ការបង្ហាត់បង្ហាញ និងការស្នាក់នៅដល់អ្នកគ្រប់គ្រងសិល្បៈចំនួន ១២ នាក់ ដែលមានអាយុពី ២៥ ឆ្នាំដល់ ៣៥ ឆ្នាំ។
សកម្មភាពក្នុងកម្មវិធីរួមមានកម្មវិធីរៀនសូត្ររយៈពេល ២ សប្តាហ៍ នៅសហរដ្ឋអាមេរិក សំរាប់សិល្បករបរទេស និងកម្មវិធីបង្ហាត់បង្ហាញ ណែនាំ និងពង្រឹងជំនាញអាជីព ដែលមានរយៈពេល ២១ ថ្ងៃ នៅសហរដ្ឋអាមេរិក សំរាប់អ្នកគ្រប់គ្រងសិល្បៈកំរិតមធ្យម។ កម្មវិធីទាំងនេះមានបំណងពង្រីកសមត្ថភាពផ្នែកសិល្បៈរបស់អ្នកធ្វើទស្សនកិច្ចវប្បធម៌ និងពង្រឹងស្ថាប័នវប្បធម៌របស់អ្នកគ្រប់គ្រងសិល្បៈ ដោយកសាងការទាក់ទងគ្នាបានស្ថិតស្ថេរ ជាមួយស្ថាប័ន និងជនជាតិអាមេរិកម្នាក់ៗ។
សំរាប់កម្មវិធីអ្នកទស្សនកិច្ចវប្បធម៌មួយៗ គេមានការរំពឹងថានឹងមានការចូលរួមពីប្រទេសចំនួន ២ ឬ ៣ ដែលមកពីផ្នែកតែមួយ។ វិញ្ញាសារក្នុងកម្មវិធីមានលក្ខណៈទំនើប ហើយមានការរាំចង្វាក់ Hip-hop, jazz ល្ខោន ហើយនិងការប្រគុំតន្រ្តីបូរាណ ដោយមានការចូលរួមរបស់សិល្បករ អ្នកដឹកនាំ និងអ្នកបច្ចេកទេសរៀបចំឆាកល្ខោន។
គេហទំព័រ និងកាលបរិច្ឆេទ
ព័ត៌មានស្តីពីកម្មវិធី វិញ្ញាសារកម្មវិធី (រួមនឹងរបៀបវារៈគំរូ) កាលបរិច្ឆេទសំរាប់ការដាក់ពាក្យសុំចូលរួម និងសំណួរទាក់ទងនឹងកម្មវិធី មាននៅក្នុងគេហទំព័ររបស់មជ្ឈមណ្ឌល Kennedy Center http://www.kennedy-center.org/education/state/cultural/ សំរាប់កម្មវិធីអ្នកទស្សនកិច្ចវប្បធម៌ និង http://www.kennedy-center.org/education/state/fellows សំរាប់កម្មវិធីសិក្សាការគ្រប់គ្រងសិល្បៈ។
យើងសូមអញ្ជើញបេក្ខជនដាក់ពាក្យចូលរួមក្នុងកម្មវិធីដូចខាងក្រោមនេះ៖
កម្មវិធីសិក្សាការគ្រប់គ្រងសិល្បៈ នឹងប្រព្រឹត្តទៅនៅខែមិនា/មេសា។ ថ្ងៃផុតកំណត់ដាក់ពាក្យសុំគឺថ្ងៃទី ១ ខែវិច្ឆិកា ឆ្នាំ ២០០៩។ បេក្ខជនត្រូវចេះភាសាអង់គ្លេស។ មិនមានអ្នកបកប្រែភាសាទេ។
បច្ចេកទេសរៀបចំឆាក (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែមិនា/មេសា ឆ្នាំ ២០១០។ ថ្ងៃផុតកំណត់ដាក់ពាក្យសុំគឺថ្ងៃទី ១០ ខែវិច្ឆិកា ឆ្នាំ ២០០៩។
តន្រ្តីករ Jazz (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែមេសា/ឧសភា ឆ្នាំ ២០១០។ ថ្ងៃផុតកំណត់ដាក់ពាក្យសុំគឺថ្ងៃទី ១០ ខែវិច្ឆិកា ឆ្នាំ ២០០៩។
o ល្ខោន - អ្នកសំដែង (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែឧសភា ឆ្នាំ ២០១០
o ល្ខោន - អ្នកដឹកនាំ (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែមិថុនា ឆ្នាំ ២០១០
o ការរាំចង្វាក់ Hip Hop (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែកក្កដា ឆ្នាំ ២០១០
o ការប្រគុំតន្រ្តីបូរាណ (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែសីហា ឆ្នាំ ២០១០
o ការប្រគុំតន្រ្តីសម័យ (កម្មវិធីអ្នកទស្សនកិច្ចវប្បធម៌) នឹងប្រព្រឹត្តទៅនៅខែកញ្ញា ឆ្នាំ ២០១០។
ព័ត៌មានបន្ថែមស្តីពីកម្មវិធីមួយៗមាននៅក្នុង
ឯកសារស្តីពីសេចក្តីរៀបរាប់កម្មវិធីមួយៗ ក្នុងឆ្នាំ ២០០៩ ជាមួយគោលដៅ និងប្រវត្តិ ។
ព័ត៌មានស្តីពីពាក្យសុំ
អ្នកដែលមានការចាប់អារម្មណ៍នឹងកម្មវិធីនេះ គួរទាក់ទងនឹងការិយាល័យកិច្ចការសាធារណៈរបស់ស្ថានទូតអាមេរិក មុនពេលបំពេញពាក្យសុំតាមអ៊ិនធ័រណែត។ បេក្ខជនគួរអានព័ត៌មានលំអិតទាក់ទងនឹងកម្មវិធី ដែលគេចង់ដាក់ពាក្យចូលរួម តាមអាស្រ័យដ្ឋានគេហទំព័រខាងលើ មុនពេលទាក់ទងជាមួយការិយាល័យកិច្ចការសាធារណៈរបស់ស្ថានទូត។ លើសពីនេះទៀត ពាក្យសុំមានតាមគេហទំព័ររបស់មជ្ឈមណ្ឌល Kennedy Center (http://www.kennedy-center.org/education/state/cultural/) សំរាប់ កម្មវិធីអ្នកទស្សនកិច្ចវប្បធម៌ និង http://www.kennedy-center.org/education/state/fellows សំរាប់កម្មវិធីសិក្សាការគ្រប់គ្រងសិល្បៈ ហើយត្រូវបំពេញជាភាសាអង់គ្លេស។
ព័ត៌មានបន្ថែមស្តីពីកម្មវិធីមួយៗ សូមចុចត្រង់នេះ (ជាភាសាអង់គ្លេស)។
ព័ត៌មានសំរាប់ទាក់ទងការិយាល័យកិច្ចការសាធារណៈ៖
ញឹម ភក្តី
លេខទូរស័ព្ទ៖ ០២៣ ៧២៨១៧៩ ឬ ០១២ ៣៣៣ ៤១១
អ៊ីម៉េល៖ nhimp@state.gov
អារម្ភកថាស្ដីពីសហរដ្ឋ អាមេរិក
ការផ្លាស់ប្ដូរគ្នាផ្នែក សិក្សាអប់រំ
