លើកកំពស់ការអប់រំសំរាប់កុមារដែលមិនត្រូវបានគេយកចិត្ដទុកដាក់
សាលាបឋមសិក្សាអូគ្រៀង ខេត្ដក្រចេះ
ថ្ងៃទី ២៣ ខែមករា ឆ្នាំ ២០០៨
 |
កម្មវិធី ESCUP មានបំណងធ្វើអោយសាលារៀន
មានភាពទាក់ទាញ រាក់ទាក់ បើកចំហដែល ក្នុង
នោះកុមារសប្បាយនឹងចូលរៀនដើម្បីទទួលការ
សិក្សាសមស្របសំរាប់ពួកគេ ។ រូបពង្រីក |
ដោយធ្វើជាដៃគូជាមួយរាជរដ្ឋាភិបាលកម្ពុជា ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្ដរជាតិ (USAID) បានគាំទ្រកិច្ចខិតខំប្រឹងប្រែងដើម្បីបង្កើនការចូលសិក្សានិងគុណភាពនៃការអប់រំសំរាប់កុមារដែលមិនសូវទទួលបាននូវការយកចិត្ដទុកដាក់ទៅលើ។ ទោះបីជាមានការរីកចំរើនគួអោយចាប់អារម្មណ៍យ៉ាងណាក្ដីនៅក្នុងការទទួលបានការអប់រំជាមូលដ្ឋានក្នុងរយៈពេលមួយទសវត្សចុងក្រោយនេះក៏កុមារកម្ពុជាជាច្រើន ដូចជាកុមារពិការ កុមាររស់នៅក្នុងតំបន់ដាច់ស្រយាល ជនជាតិភាគតិច និងក្មេងស្រីៗជាច្រើន មិនមានលទ្ធភាពទទួលបានការសិក្សាទេ។ ជាមួយនិងការជួយឧបត្ថម្ភរបស់ USAID ក្នុងគំរោងនៃការអប់រំសំរាប់ទាំងអស់គ្នា កម្មវិធីគាំទ្រការអប់រំដល់កុមារក្នុងចំណោមប្រជាជនដែលមិនត្រូវបានគេយកចិត្ដទុកដាក់ (ESCUP) បានបំពេញការងាររបស់ខ្លួនចាប់តាំងពីខែមេសា ឆ្នាំ ២០០៥ ដើម្បីជួយដល់កុមារដែលស្ថិតក្នុងស្ថានភាពលំបាក អោយបានចូលសាលារៀន។ គំរោងនេះនឹងដំណើរការរហូតដល់ខែកញ្ញា ឆ្នាំ ២០០៨ ដែលមានទឹកប្រាក់សរុបចំនួន ៤,៥ លានដុល្លាសហរដ្ឋអាមេរិក។
ក្នុងពេលថ្មីៗនេះលោក Joseph A. Mussomeli ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជាបានទស្សនាសាលាបឋមសិក្សាអូគ្រៀងក្នុងខេត្ដក្រចេះ ដែលជាសាលាមួយដែលទទួលបានការឧបត្ថម្ភពីកម្មវិធី ESCUP ។ លោកឯកអគ្គរដ្ឋទូតបានមានប្រសាសន៍ថា "នេះគឺជាបរិយាកាសរៀនសូត្រដ៏ល្អបំផុតដែលខ្ញុំបានឃើញក្នុងប្រទេសកម្ពុជា ។ សាលារៀននេះមានបរិយាកាសស្និទ្ធស្នាល ហើយសិស្សនិងគ្រូសប្បាយនៅទីនេះ ។ បើខ្ញុំមានសាលារៀនល្អយ៉ាងដូច្នេះនៅពេលខ្ញុំនៅជាកុមារ ខ្ញុំពិតជាសប្បាយនឹងទៅសាលារៀនហើយ!"
កម្មវិធី ESCUP អនុវត្ដតាមគំនិតផ្ដួចផ្ដើមរបស់ក្រសួងអប់រំ យុវជន និង កីឡា ស្ដីពីសាលារៀនល្អសំរាប់កុមារដែលនៅក្នុងនោះវិធីចំរុះដើម្បីធ្វើអោយប្រសើរឡើងនូវគុណភាពនៃការអប់រំ គឺជាផ្នែកសំខាន់ជាគន្លឹះ ។ វិធីស្ដីពីសាលារៀនល្អសំរាប់កុមារមានបំណងធ្វើអោយសាលារៀនមានភាពទាក់ទាញ រាក់ទាក់ និងបើកចំហដែលកុមារទាំងអស់សប្បាយនឹងចូលរៀន ដើម្បីទទួលបានចំណេះដឹងសមស្របសំរាប់ពួកគេ ។ ស្របតាមគំនិតផ្ដួចផ្ដើមនេះកម្មវិធី ESCUP បានគាំទ្រសកម្មភាពថ្មីៗដូចជាការអប់រំបំនិនជីវិត កម្មវិធីត្រៀមខ្លួនចូលសាលា បណ្ដាញជួយគ្នារបស់កុមារ ការជួយបង្រៀនបន្ថែមដល់អ្នករៀនខ្សោយនៅតាមភូមិ ការជ្រើសរើស និងបណ្ដុះបណ្ដាលគ្រូបង្រៀននិងជំនួយការថ្នាក់រៀនភាសាបរទេសនៅតាមសហគមន៍ និងផ្ដល់អាហារូបករណ៍ដល់សិស្សក្រីក្រ។
គំរោងនេះដំណើរការដោយអង្គការអប់រំពិភពលោក (World Education) ដោយធ្វើជាដៃគូជាមួយអង្គការមិនមែនរដ្ឋាភិបាលក្នុងស្រុកមួយដែលមានឈ្មោះថា KAPE (Kampuchea Action for Primary Education) ។ គំរោងនេះបានដំណើរការនៅខេត្ដកំពង់ចាម ក្រចេះ មណ្ឌលគីរី និងរតនគីរី តាម សាលាបថមសិក្សាចំនួន១៥០ និងសាលាមធ្យមសិក្សាកំរិត១ចំនួន១៦។ រហូតមកដល់ពេលនេះ គំរោងនេះបានជួយដល់សិស្សានុសិស្សប្រមាណ៦៣០០០ ចាប់ពីថ្នាក់ទី១ដល់ទី៩ ដោយធ្វើ្វអោយមានបរិយាកាសសិក្សាក្នុងសាលារៀនកាន់តែល្អប្រសើរ។ ដោយយើងមានមុខព្រួញផ្ដោតលើកុមារក្រៅសាលារៀន អត្រាបោះបង់ការសិក្សាបានថយចុះ៣ភាគរយ និងការរៀនត្រួតថ្នាក់ថយចុះ៤ភាគរយ នៅគ្រប់សាលារៀនទាំងអស់។ មានកុមារពិកាចំនួន១០០៧នាក់ ត្រូវបានគេយកចិត្ដទុកដាក់និងបញ្ជូនទៅសាលារៀន ។ បន្ទប់រៀនចំនួន១២៥ ត្រូវបានគេជួសជុលឡើងវិញ។ មានអាហារូបករណ៍ចំនួន ៥៣០០ ត្រូវបានផ្ដល់ដល់សិក្សានុសិស្សក្រីក្រ ដើម្បីអោយគេបន្ដ្ដការសិក្សាទៅមុខទៀត។ គំរោងនេះ ក៏បានបន្ថែមគ្រូរដ្ឋនិងគ្រូសហគមន៍ចំនួន១៦៩ ទៅបង្រៀននៅតាមតំបន់ដាច់ស្រយាល ដែលនៅទី នោះ ការខ្វះខាតគ្រូបង្រៀននាំអោយថ្នាក់រៀនខ្លះមានកូនសិស្សរហូតដល់៦០-៧០នាក់ក៏មាន ដែលជាកត្តាបង្ខំអោយមានការបោះបង់សាលារៀនផងដែរ។
សាលាបថមសិក្សាអូគ្រៀងក៏មានមជ្ឈមណ្ឌលវប្បធម៌ដែលផ្ដល់ការឧបត្ថម្ភដោយ USAID កន្លែងលេងសំរាប់កុមារ និងវគ្គសិក្សាបំនិនជិវិតស្ដ្ដីពីការគ្រប់គ្រងនិងកំចាត់សត្វចង្រៃក្នុង វិស័យកសិកម្ម ។ ESCUP បានទទួលជោគជ័យយ៉ាងខ្លាំង ជាមួយនិងកម្មវិធីបំនិនជីវិត ជាពិសេស នៅតាមតំបន់ជនបទដាច់ស្រយាល ដែលនៅទីនោះការងារកសិកម្មបានដើរតួនាទីយ៉ាងសំខាន់ នៅក្នុង ជីវិតនិងជីវភាពរបស់កុមារនិងក្រុមគ្រួសាររបស់គេ។ កុមារមានចិត្ដចង់រៀនសូត្រជំនាញខាងកសិកម្ម ដែលពេលរៀនចេះ គេត្រលប់ទៅផ្ទះវិញគេបង្រៀនបន្ដដល់ឪពុកម្ដាយរបស់ពួកគេ។
USAIDបានឧបត្ថម្ភគាំទ្រកម្មវិធីអប់រំជាមួលដ្ឋាននៅក្នុងប្រទេសកម្ពុជាចាប់តាំងពីឆ្នាំ ២០០២ រហូតដល់ពេលនេះ ដែលមានទឹកប្រាក់ចំនួន ១៥ លានដុល្លាសហរដ្ឋអាមេរិក ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
