ប្រវត្តិនាវា Essex
នាវា USS Essex
នាវាចំបាំង USS Essex ជាប្រភេទនាវាទី២ ដែលចេញប្រតិបត្ដិការនៅក្នុងកំរិត WASP-Class ក្នុងចំណោមនាវាចំបាំងនានារបស់សហរដ្ឋអាមេរិកដែលអាចធ្វើការវាយប្រហារលើផ្ទៃទឹក និងលើគោកផងដែរ។ បេសកកម្មសំខាន់របស់នាវានេះគឺធ្វើប្រតិបត្ដិការបន្ទាន់និងជាប់លាប់នៅលើផ្ទៃសមុទ្រ ជាពិសេសធ្វើជានាវាបញ្ជាការកណ្ដាល ក្នុងចំណោមក្រុមនាវាដែលត្រៀមធ្វើប្រតិបត្ដិការលើផ្ទៃទឹកផង លើគោកផង (Amphibious Ready Group) ។ នាវា USS Essex នេះមានសមត្ថភាពអាចដឹកជញ្ជូន ពង្រាយទ័ព បញ្ជាទ័ពនិងអាចធ្វើប្រតិបត្ដិការគាំទ្រគ្រប់កាលទេសៈ សំរាប់ការឡើងគោកប្រយុទ្ធរបស់ក្រុមកងទ័ពម៉ារីនចំនួនជាង ២០០០នាក់ ក្នុងប្រតិបត្ដិការវាយប្រហារតាមអាកាសនិងលើផ្ទៃដី។
ដោយត្រូវបានធ្វើឡើងសំរាប់បំរើមុខងារច្រើនយ៉ាង នាវានេះអាចអោយគេប្រើក្នុងពេលជាមួយគ្នានូវឧទ្ធម្ភាចក្រ យន្ដហោះប្រតិកម្ម Harrier ពោងឡើងគោកដែលផ្លុំខ្យល់ (Landing Craft Air Cushioned) រួមទាំងទូកធម្មតាសំរាប់ឡើងគោកពីនាវានិងយាន្ដផ្សេងៗសំរាប់ធ្វើការវាយប្រហាររួមគ្នាដោយនៅពេលទន្ទឹមគ្នានោះ នាវានេះធ្វើប្រតិបត្ដិការជាមួយក្រុមនានាផ្ទុកយន្ដហោះ ។ ទីកន្លែងធំទូលាយផ្នែកពេទ្យរបស់នាវានេះមានបន្ទប់វះកាត់ចំនួន ៦ បន្ទប់ព្យាបាលធ្មេញចំនួន ៤ មន្ទីរពិសោធន៍និងកន្លែងដែលមានលក្ខណៈជាមន្ទីរពេទ្យដែលអាចព្យាបាលអ្នកជំងឺបាន ៦០០ នាក់ ។
ក្នុងការបំពេញបេសកកម្មទី ១ របស់ខ្លួន នាវា USS Essex នេះ ដែលមានបណ្ដោយប្រវែង ៨៤៤ ហ្វុត ឬ ២៥៧ ម៉ែត្រ និងមានទំងន់៤៤ ០០០តោន និងមានសមត្ថភាពអាចដឹកជញ្ជូនឡើងគោកនូវ កងទ័ពរថគ្រោះ ឡានធំ កាំភ្លើងធំ និងគ្រឿងផ្គត់ផ្គង់ផ្សេងៗដែលចាំបាច់សំរាប់គាំទ្រដល់ការវាយប្រហារ ។
ចំណុចសំខាន់ៗរបស់នាវា Essex៖
នាវាដទៃទៀតដែលមានឈ្មោះថា "USS Essex"
នាវា USS Essex លើកដំបូងគឺជានាវាដែលមានកាណុងកាំភ្លើងធំចំនួន ៣២ និងមានមនុស្សចំនួន២៣ នាក់មកពីស្រុក Essex នៃរដ្ឋ Massachusetts បំរើការនៅក្នុងនោះ ។ នាវានេះត្រូវបានគេចាប់ប្រើនៅខែកក្កកដា ឆ្នាំ ១៧៩៨ ។ ក្រុមហ៊ុនធ្វើនាវានេះបានផ្សាយពាណិជ្ជកម្មពីសំភារៈធ្វើនាវានេះ ដោយធ្វើអោយមានការចាប់អារម្មណ៍ជាខ្លាំង ។ ការផ្សាយពាណិជ្ជកម្មនោះមានសេចក្ដីថា “ចូរចំណាំ! បុត្រាដើម្បីសេរីភាព! សូមជួយដល់ការកសាងនាវាដើម្បីប្រឆាំងនឹងភាពគឃ្លើនរបស់ពួកបារាំងនិងចោរសមុទ្រ!”។
នាវា Essex ទី ២ ដែលជានាវាដុតធ្យូង ពាសដែក ត្រូវបានកសាងនៅក្នុងឆ្នាំ ១៨៥៦ សំរាប់ប្រើធ្វើជាសាឡាង ។ ដើមឡើយនាវានេះមានឈ្មោះថា New Era (សករាជថ្មី) តែបានដូរឈ្មោះជា Essex វិញបន្ទាប់ពីក្រសួងការពារប្រទេសបានទិញនាវានេះនៅថ្ងៃទី ២០ ខែកញ្ញា ឆ្នាំ ១៨៦១ ។ នាវានេះបានចូលរួមក្នុងការប្រយុទ្ធប្រឆាំងនឹងកងកំលាំងរដ្ឋភាគខាងត្បូងនៅលើទន្លេ Cumberland និងទន្លេ Tennessee ក្នុងសង្គ្រាមស៊ីវិលរវាងរដ្ឋនៅភាគខាងត្បូងនិងរដ្ឋនៅភាគខាងជើងរបស់សហរដ្ឋអាមេរិក ។ នាវានេះក៏ត្រូវបានគេឈប់ប្រើក្នុងសកម្មភាពប្រយុទ្ធ នៅថ្ងៃទី ២០ ខែកក្កដា ឆ្នាំ ១៨៦៥ ។
នាវាទី ៤ ដែលមានឈ្មោះថា Essex គឺជានាវាផ្ទុកយន្ដហោះ ហើយជានាវានាំមុខគេក្នុងចំណោមនាវាផ្ទុកយន្ដហោះដែលចូលប្រយុទ្ធក្នុងសង្គ្រាមលោកលើកទី ២ ។ ដោយត្រូវបានចាប់ផ្ដើមប្រើនៅក្នុងខែធ្នូ ឆ្នាំ ១៩៤២ នាវានេះបានចូលបំរើក្នុងកងនាវាជើងទឹកសហរដ្ឋអាមេរិកប្រចាំតំបន់មហាសមុទ្រប៉ាស៊ីហ្វិក បន្ទាប់ពីការបើកសាកល្បងហើយ ។ នាវានេះបានទទួលជោគជ័យជាបន្ដបន្ទាប់ក្នុងការប្រយុទ្ធ ហើយនៅពេលចប់សង្គ្រាមលោកលើកទី ២ នាវានេះបានទៅដល់ឆកសមុទ្រក្បែរទីក្រុងតុក្យូ ។ នាវានេះបានឈប់បំរើក្នុងកងកំលាំងជើងទឹកនៅក្នុងឆ្នាំ ១៩៤៧ រួចហើយត្រូវបានកែអោយមានភាពទំនើបនិងចូលរួមក្នុងកងកំលាំងជើងទឹកឡើងវិញក្នុងឆ្នាំ ១៩៥១ ដោយមានផ្លូវថ្មីសំរាប់យន្ដហោះរត់ ប្រកបដោយសមត្ថភាពខ្ពស់ ។ ក្នុងនាមជានាវាបញ្ជាការក្នុងកងនាវាដែលមានឈ្មោះថា Carrier Division 1 នេះគឺជានាវាផ្ទុកយន្ដហោះដំបូងដែលមានយន្ដហោះប្រតិកម្មម៉ាស៊ីនពីរ F2H "Banshee" ។ នាវានេះបានគាំទ្រកងទ័ពប្រយុទ្ធក្នុងសង្គ្រាមកូរេ ។
និមិត្ដសំគាល់ដែលប្រើក្នុងនាវា USS Essex
ខែល - ខ្សែពណ៌ទឹកមាសជាប់នឹងផ្ទៃពណ៌ខៀវរបស់ផ្នែកជើងទឹកនិងពណ៌ក្រហមឆ្អាលនៃកងម៉ារីនបង្ហាញនូវការឯកភាពគ្នានៃផ្នែកទីពីរនេះ ។ គែមពណ៌ទឹកមាសបង្ហាញពីការឯកភាពគ្នាដែលប្រតិបត្ដិការរួមគ្នាផ្នែកជើងគោកនិងជើងទឹកចាំបាច់ត្រូវមាន ។ លេខ ២ គឺលេខលំដាប់របស់នាវា (LHD 2) ។
សិរ - សត្វឥន្ទ្រីក្បាលត្រងោលដែលមានខែលនៅលើទ្រូងតំណាងអោយសត្វឥន្ទ្រីដែលគេប្រើនៅលើនិមិត្ដសំគាល់របស់នាវាទី ៤ ដែលមានឈ្មោះថា USS Essex ។ ដាវរបស់ទាហានម៉ារីននៅក្នុងក្រញាំរបស់សត្វឥន្ទ្រីបង្ហាញថាអង្គភាពទាហានម៉ារីននៅលើនាវាគឺជាកងកាំភ្លើងធំសំខាន់ជាងគេរបស់នាវា USS Essex ។ ទង់ពណ៌ក្រហមតំណាងអោយការលះបង់និងភាពក្លាហាន ដែលចាំបាច់ដើម្បីទទួលបាន រង្វាន់ផ្កាយ ១៣ ក្នុងសមរភូមិ ក្នុងសង្គ្រាមលោកលើកទី ២ និងផ្កាយ ៤ នៅក្នុងសង្គ្រាមកូរេ ។ ពណ៌ខ្មៅ សំរាប់ផ្នែកបាវចនាគឺដើម្បីអោយគេងាយអាននិងមើលឃើញ ។ គែមពណ៌សនៅលើទង់និងផ្កាយពណ៌សគឺជានិមិត្ដរូបនៃភាពបរិសុទ្ធនៃបុព្វហេតុដែលនាវាបំរើនិងការទទួលបានរង្វាន់សញ្ញាផ្កាយ ។
បាវេចនា - បាវចនាសំដៅលើកំណត់សំគាល់សំរាប់ប្រជាជននៅក្នុងស្រុក Essex ក្នុងរដ្ឋ Massachusetts អោយធ្វើការរៃអង្គាសប្រាក់សំរាប់កសាងនាវា Essex ទី ១ ។
អ្នកគាំទ្រ - អាំងស៊ីញនៃប្រតិបត្ដិការជើងទឹកនិងជើងគោករួមគ្នានៅលើសមុទ្រប៉ាស៊ីហ្វិកគឺជានិមិត្ដរូបនៃប្រតិបត្ដិការបែបនេះនៅលើសមុទ្រនានាក្នុងពិភពលោក ។
ច្រវ៉ាក់ - និមិត្ដសំគាល់ដែលមាន ៥ ជ្រុងដែលនៅជុំវិញមានច្រវ៉ាក់មាស តំណាងអោយនាវាចំបាំងទាំង ៥ ដែលមានឈ្មោះថា Essex ។
ឯកអគ្គរដ្ឋទូត
ដំណឹងថ្មី
សុន្ទរកថា
សេចក្តីប្រកាសពត៌មាន
