បុគ្គលិកក្នុងស្រុករបស់ស្ថានទូតបន្ដប្រពៃណីផ្ដល់អំណោយដល់សហគមន៍
ក្រុងកែប
ថ្ងៃទី ២៦ ខែមករា ឆ្នាំ ២០០៨
 |
| បុគ្គលិកស្ថានទូតថតរូបជាមួយគ្រូនិងកូនសិស្ស នៅសា លាបឋមសិក្សាដំណាក់ចង្អើរ ។ រូបពង្រីក |
គណកម្មាធិការសប្បុរស ដែលបង្កើតឡើងដោយបុគ្គលិកក្នុងស្រុករបស់ស្ថានទូតអាមេរិក ដែលហៅជាអក្សរ កាត់ថា FSN ក្នុងពេលថ្មីៗនេះ បានធ្វើអំណោយសៀវភៅ និងប្រដាប់ក្មេងលេងក្នុងសួនកុមារ ដល់សាលា បឋមសិក្សាចំការបី ក្នុងខ័ណ្ឌដំណាក់ចង្អើរ ក្រុងកែប ។ អំណោយនេះ ដែលមានទឹកប្រាក់ជាង ៥០០ ដុល្លា រួមមានក្ដារជិះចុះឡើង គ្រឿងរំអិល កូនសៀវភៅកត់ត្រា និងខ្មៅដៃចំនួន ៤០០ ឯកសារអាន និងនំចំនួន ២ កេះ ។
សាលាបថមសិក្សាចំការបីមានគ្រូចំនួន ១២ នាក់ និងកូនសិស្សជាង ៤០០ នាក់ ។ សាលានេះស្ថិតនៅក្នុង អតីតតំបន់ទីតាំងឈរជើងខ្មែរក្រហម ជាតំបន់ដែលទាហានខ្មែរក្រហមបានពួនស្ទាក់វាយរថភ្លើងដឹកអ្នក ដំណើរ ហើយសំលាប់ទេសចរបរទេស ៣ នាក់ ក្នុងឆ្នាំ ១៩៩៤ ។
លោក ណាក់ សៅ ដែលជានាយកសាលា បានសំដែងអំណរគុណចំពោះអំណោយ ហើយបានមានប្រសាសន៍ថា កូនសិស្ស ៉ សប្បាយនឹងលេងនៅសួននោះណាស់ គឺពួកគេលេងតាំងពីព្រឹករហូតដល់យប់ ។
ក្រៅពីសំដែងអំណរគុណចំពោះអំណោយសំរាប់សាលារៀន លោក ទេព យុទ្ធី អភិបាលខ័ណ្ឌដំណាក់ចង្អើរ បានសំដែងអំណរគុណចំពោះការជួយរបស់រដ្ឋាភិបាលសហរដ្ឋអាមេរិក ដល់តំបន់នោះ ក្នុងអំឡុងពេលរាប់ឆ្នាំកន្លងមក ដែលរួមទាំងការកសាងឱសថស្ថានមួយ ដែលស្ថិតនៅចំងាយតែប៉ុន្មានរយម៉ែត្រពីសាលារៀន និងការបង្រៀនជំនាញដល់អតីតទាហានខ្មែរក្រហម ។
លោកស្រី ភួង សុផល បុគ្គលិកស្ថានទូតអាមេរិក បានមានប្រសាសន៍តាងនាមអោយគណៈកម្មាធិការ សប្បុរសថា ៉ទោះបីជាអំណោយនេះមិនអាចបំពេញសេចក្ដីត្រូវការទាំងអស់របស់សាលាក្ដី តែវាតំណាង អោយទឹកចិត្ដសប្បុរស និងមនោសញ្ចេតនាជាបងប្អូន របស់បុគ្គលិកស្ថានទូតអាមេរិក ចំពោះកូនសិស្ស និងគ្រូ របស់សាលាដំណាក់ចង្អើរ ។
ចាប់តាំងពីត្រូវបានបង្កើតឡើងក្នុងឆ្នាំ ២០០៤ មក គណៈកម្មាធិការសប្បុរសរបស់បុគ្គលិកក្នុងស្រុករបស់ ស្ថានទូតអាមេរិក បានផ្ដល់ជំនួយដែលគិតជាទឹកប្រាក់ជិត ៧០០០ ដុល្លាអាមេរិក ជាអំណោយស្បៀងអាហារ ដល់គ្រួសារខ្សត់ខ្សោយ អណ្ដូងទឹកដល់សហគមន៍ជនបទ សៀវភៅ និងប្រដាប់ក្មេងលេង នៅតាមសាលាបឋមសិក្សា និងមតេយ្យសាលា ។ គណៈកម្មាធិការនេះបានរៃអង្គាសប្រាក់តាមរយៈការលក់មួកនិងអាវយឺតរបស់ស្ថានទូតអាមេរិក អំណោយពីសប្បុរសជន និងប្រាក់អំណោយរបស់មូលនិធិ J. Kirby Foreign Service Trust ។ គណៈកម្មាធិការសូមសំដែងអំណរគុណចំពោះអ្នកទាំងឡាយដែលបានគាំទ្រការងាររបស់គណៈកម្មាធិការ ។
លោកស្រីភារធារី
ដំណឹងថ្មី
សុន្ទរកថា
សេចក្តីប្រកាសពត៌មាន
