និស្សិតកម្ពុជាចំនួន១៨នាក់បានទទួលអាហាររូបករណ៍ក្រោមកម្មវិធី Fulbright ដើម្បីបន្ដការសិក្សានៅសហរដ្ឋអាមេរិក
ភ្នំពេញ
ថ្ងៃទី ១២ ខែមិថុនា ឆ្នាំ ២០០៨
 |
| លោកឯកអគ្គរដ្ឋទូត Mussomeli (ជួរមុខទី៣ រាប់ពីស្ដាំ) និងឯកឧត្ដមបណ្ឌិត កុល ផេង (ជួរមុខទី៣រាប់ពីឆ្វេង) និងនិស្សិតកម្ពុជាចំនួន ១០ នាក់ថ្មីដែលទទួលបានអាហារូបករណ៍ Fulbright។ រូបពង្រីក |
ស្ថានទូតសហរដ្ឋអាមេរិកប្រចាំនៅកម្ពុជាបានរៀបចំពិធីណែនាំសំណេះសំណាលមុនពេលចេញដំណើររបស់និស្សិតកម្ពុជាចំនួន ១០ នាក់ ដែលនឹងត្រូវទៅសិក្សានៅសហរដ្ឋអាមេរិក ថ្នាក់ក្រោយឧត្ដមសិក្សា ក្នុងនាមជានិស្សិតថ្មីដែលទទួលអាហាររូបករណ៍រពី
កម្មវិធី Fullbright។ ពួកគេនឹងចូលរួមជាមួយនិស្សិតកម្ពុជាចំនួន ៨នាក់ទៀតដែលកំពុងសិក្សានៅសហរដ្ឋអាមេរិកក្រោមការឧបត្ថម្ភរបស់កម្មវិធីអាហាររូបករណ៍ Fulbright ដូច្នេះសំរាប់ឆ្នាំសិក្សា ២០០៨-២០០៩ នេះមាននិស្សិតកម្ពុជាសរុបចំនួន១៨នាក់ដែលទទួលបានអាហាររូបករណ៍ Fulbright។ នេះជាលើកដំបូងហើយដែលមាននិស្សិតកម្ពុជាទៅបន្ដការសិក្សាថ្នាក់បណ្ឌិតក្រោមថវិការអាហារូបករណ៍ Fullbright ។
លោកឯកអគ្គរដ្ឋទូតសហរដ្ឋអាមេរិក Joseph A. Mussomeli និង ឯកឧត្ដម កុល ផេង ទេសរដ្ឋមន្ដ្រី និងជារដ្ឋមន្ដ្រីក្រសួងអប់រំយុវជននិងកីឡាបានធ្វើជាគណៈអធិបតីក្នុងពិធីនោះ ។ បន្ទាប់ពីពិធីបើកចប់និស្សិតថ្មីទាំងនោះ និងឪពុកម្ដាយរបស់គេមានឱកាសពិភាក្សាពីការរស់នៅ និងការសិក្សាក្នុងសហរដ្ឋអាមេរិកជាមួយអតីតនិស្សិតអាហារូបករណ៍ Fulbright ពីរនាក់ដែលទើបតែត្រឡប់មកវិញគឺលោក ចាន់ វីរៈ ដែលបានទទួលសញ្ញាប័ត្រអនុបណ្ឌិតផ្នែកបង្រៀនភាសាអង់គ្លេសជាភាសាទី ២ ពីសាកលវិទ្យាល័យ San Jose State University និងកញ្ញា នួន មុន្នីសោភ័ណ ដែលបានទទួលសញ្ញាប័ត្រផ្នែកគ្រប់គ្រងកិច្ចការក្រុមហ៊ុន ពីសាកលវិទ្យាល័យ Brandeis University ។
កម្មវិធីអាហារូបករណ៍ Fulbright ត្រូវបានបង្កើតឡើងដោយសភាសហរដ្ឋអាមេរិក ក្នុងឆ្នាំ ១៩៤៥ ដើម្បីបង្កើនការយល់គ្នាទៅវិញទៅមករវាងប្រជាជនអាមេរិកនិងប្រជាជនក្នុងបណ្ដាប្រទេសដទៃទៀត ។ កម្មវិធីអាហាររូបករណ៍នេះត្រូវបានបង្កើតអោយមានឡើងវិញនៅក្នុងប្រទេសកម្ពុជានៅក្នុងឆ្នាំ ១៩៩៤ ។ ចាប់តាំងពីពេលនោះមក និស្សិតកម្ពុជាចំនួន ៩៤នាក់ តាមរយៈកម្មវិធីនេះ បានទៅសិក្សាថ្នាក់ក្រោយឧត្ដមសិក្សាក្នុងសហរដ្ឋអាមេរិក ហើយមាននិស្សិតអាហារូបករណ៍និងអ្នកឯកទេសជាន់ខ្ពស់អាមេរិក ៤៤ នាក់ បានមកបង្រៀនតាមសាកលវិទ្យាល័យនានានៅក្នុងប្រទេសកម្ពុជា និងជួយក្នុងការរៀបចំកម្មវិធីសិក្សា ។
ក្នុងសុន្ទរកថារបស់លោក លោកឯកអគ្គរដ្ឋទូត Mussomeli បានមានប្រសាសន៍ថា "អ្នកនឹងត្រូវឈានជើងចូលទៅក្នុងការផ្សងព្រេងមួយដែលនឹងធ្វើអោយជីវិតរបស់អ្នកមានការផ្លាស់ប្ដូរ ។ អ្នកមិនត្រឹមតែនឹងចូលរួមក្នុងកម្មវិធីសិក្សាដែលនឹងពង្រឹងជំនាញនិងការអភិវឌ្ឍន៍សំរាប់ខ្លួនអ្នកតែប៉ុណ្ណោះទេ តែអ្នកក៏នឹងត្រូវដើរតួជាឯកអគ្គរដ្ឋទូតវប្បធម៌នៅសហរដ្ឋអាមេរិកផងដែរក្នុងអំឡុងពេលអ្នកស្នាក់នៅទីនោះដោយធ្វើអោយជនជាតិអាមេរិកមានកាយល់ដឹងកាន់តែច្រើនស្ដីពីប្រទេសកម្ពុជា ។
ប្រភពថវិកាសំខាន់សំរាប់កម្មវិធី Fulbright គឺថវិកាកំណត់ប្រចាំឆ្នាំរបស់សភា សំរាប់ក្រសួងការបរទេសសហរដ្ឋអាមេរិក ។ ថវិកាកំណត់សំរាប់កម្មវិធី Fulbright នៅកម្ពុជាក្នុងឆ្នាំ ២០០៨ គឺ ៥០០ ០០០ ដុល្លាអាមេរិក ។ ក្រៅពីនេះ សាកលវិទ្យាល័យនានានៅសហរដ្ឋអាមេរិក ដែលទទួលនិស្សិតអាហារូបករណ៍ Fulbright កម្ពុជាសំរាប់ឆ្នាំសិក្សា ២០០៨-២០០៩ នឹងរួមវិភាគទានបន្ថែមចំនួន ១៧០ ០០០ ដុល្លាថែមទៀត ជាអាហារូបករណ៍ និងជាការជួយរំលែកសោហ៊ុយចំណាយ ដែលជាការធ្វើអោយថវិការបស់កម្មវិធី Fulbright នៅឆ្នាំនេះឡើងដល់ ៦៧០ ០០០ ដុល្លាអាមេរិក ។
កម្មវិធីអាហាររូបករណ៍ Fulbright ឧបត្ថម្ភ លើការចំណាយ ក្នុងការធ្វើដំណើរ ទៅមកសហរដ្ឋអាមេរិក ថ្លៃសិក្សា ថ្លៃបង់ផ្សេងៗ និងសោហ៊ុយចំណាយលើការរស់នៅសំរាប់និស្សិតពេញម៉ោងថ្នាក់ក្រោយឧត្ដមសិក្សា (លើកលែងករណីត្រូវបានកត់សំគាល់ដូចខាងក្រោម)។ ដំណើរការដាក់ពាក្យសុំអាហារូបករណ៍ពីកម្មវិធីនេះសំរាប់និស្សិតកម្ពុជាចាប់ផ្ដើមនៅខែមីនារៀងរាល់ឆ្នាំដោយបុគ្គលិកស្ថានទូតអាមេរិកដើរជំរាបព័ត៌មានស្ដីពីដំណើរការដាក់ពាក្យសុំនេះនៅតាមសាកល វិទ្យាល័យនានាទូទាំងប្រទេសកម្ពុជា។
ដើម្បីអាចដាក់ពាក្យសុំអាហាររូបករណ៍ក្នុងកម្មវិធី Fullbright អ្នក ដាក់ពាក្យសុំត្រូវតែ៖
មានប្រវត្ដិនៃការសិក្សាច្បាស់លាស់និង ពិន្ទុល្អប្រពៃនៅក្នុងការសិក្សា ពីមុនមក ។
មានសញ្ញាប័ត្របរិញ្ញាពីមហាវិទ្យាល័យ ឬសកលវិទ្យាល័យដែលត្រូវបានទទួលស្គាល់ ។
មានជំនាញផ្នែកភាសាអង់គ្លេសគ្រប់គ្រាន់ (ពិន្ទុ TOEFL យ៉ាងតិច ៥៥០) ។
អាចសំរបខ្លួនទៅនឹងបរិយាកាសនៅឯបរទេសបាន ។
មានសុខភាពល្អហើយអាចចូលរួមក្នុងកម្មវិធីសិក្សា ដែលមានការពិបាក ។
ដោយសារថាកម្មវិធីអាហារូបករណ៍ Fulbright គឺជាកម្មវិធីធ្វើការផ្លាស់ប្ដូរគ្នា ដូច្នេះគេក៏គួរធ្វើការកត់សំគាល់ផងដែរថាក្នុងឆ្នាំសិក្សាក្រោយនេះយើងក៏ នឹងបញ្ជូនផងដែរនូវអ្នកទទួលអាហារូបករណ៍ Fulbright ជាជនជាតិអាមេរិកចំនួន ២ នាក់ដែលនឹងធ្វើដំណើរមកកម្ពុជាដើម្បីរៀបចំកម្មវិធីសិក្សាផ្នែកភាពជាអ្នកដឹកនាំក្នុងការសិក្សាអប់រំនៅ សាកលវិទ្យាល័យ ភូមិន្ទ ភ្នំពេញ និងផ្នែក មុខជំនួញទីផ្សានៅសាកលវិទ្យាល័យជាតិគ្រប់គ្រង ។ ក្រៅពីនេះ យើងនឹងបញ្ជូននិស្សិតអាមេរិកចំនួន ៤ នាក់ មកកម្ពុជាដើម្បីធ្វើការស្រាវជ្រាវនៅកម្ពុជាជាផ្នែកមួយនៃកម្មវិធី Fubright ។ ស្ថាប័នអប់រំថ្នាក់ឧត្ដមសិក្សារបស់សហរដ្ឋអាមេរិករំពឹងលើអ្នកទាំងនេះក្នុងការផ្សព្វផ្សាយការយល់ដឹងពីប្រទេសកម្ពុជាទៅនិស្សិតអាមេរិកក្នុងឆ្នាំខាងមុខៗដូច្នេះយើងរីករាយនឹងឧបត្ថម្ភដល់និស្សិតទាំងនេះផងដែរ ។
តាំងពីពេលបង្កើតឡើងមកកម្មវិធី Fulbright បាន ផ្ដល់អាហារូបករណ៍ដល់មនុស្សជាង ២៨៦ ០០០ នាក់ ដែលត្រូវបានជ្រើសរើសចំពោះសក្ដានុពលរបស់គេក្នុងការដឹកនាំដើម្បីអោយពួកគេមានឱកាសសង្កេតមើលស្ថាប័នផ្នែកនយោបាយ សេដ្ឋកិច្ច និងវប្បធម៌ពីគ្នា ផ្លាស់ប្ដូរមតិយោបល់ និង ផ្ដើមការផ្សងព្រេងជាមួយគ្នា ដែលមានសារៈសំខាន់ដល់សុខមាលភាពទូទៅរបស់មនុស្សដែលរស់នៅក្នុងពិភពលោក ។ អតីតអ្នកទទួលអាហាររូបករណ៍ Fulbright មានអាជីពផ្សេងៗគ្នាច្រើនដោយមានទាំងប្រមុខរដ្ឋ រដ្ឋមន្ដ្រី ឯកអគ្គរដ្ឋទូត សមាជិកសភា ចៅក្រម ប្រធានសារជីវកម្ម នាយក សាកលវិទ្យាល័យ អ្នកកាសែត សិល្បៈករ សាស្ដ្រាចារ្យ គ្រូបង្រៀន អ្នកសំដែងភាពយន្ដឈ្មោះ John Lithgow អ្នកនិពន្ធ ឈ្មោះ Philip Glass អ្នកចំរៀងអូប៉េរ៉ាឈ្មោះ Renee Fleming និងអ្នក សេដ្ឋកិច្ចវិទូឈ្មោះ Joseph Stiglitz ដែលសុទ្ធតែស្ថិតក្នុងចំណោមជនជាតិអាមេរិកល្បីៗធ្លាប់ទទួលអាហារូបករណ៍ពីកម្មវិធីនេះ ។
នៅប្រទេសកម្ពុជាមានអ្នកត្រឡប់មកពីសិក្សាក្នុងកម្មវិធី Fullbright មួយចំនួនកំពុងតែធ្វើការក្នុងមុខតំណែងសំខាន់ៗក្នុងក្រសួងហិរញ្ញវត្ថុ ក្រសូងកសិកម្ម ការអភិរក្សធនធានធម្មជាតិ និងក្រសួងមហាផ្ទៃជាដើម ។ មានច្រើននាក់ ផ្សេងទៀតកំពុងធ្វើជាសាស្ដ្រាចារ្យនៅតាមសាកលវិទ្យាល័យនានាៗ និងជាមន្ដ្រីកម្មវិធីថ្នាក់ជាតិក្នុងកម្មវិធីផ្សេងៗរបស់អង្គការមិនមែនរដ្ឋាភិបាលនិងអង្គការអន្ដរជាតិផ្សេងៗ ។
និស្សិតកម្ពុជាដែលទទួលអាហារូបករណ៍ Fulbright ក្នុងឆ្នាំសិក្សា ២០០៨-២០០៩
និស្សិតថ្មី
កញ្ញា ឃុន ចាន់ណារី បណ្ឌិតផ្នែកសេដ្ឋកិច្ច Southern Illinois University Carbondale
លោក ជា កញ្ញារិទ្ធិ អនុបណ្ឌិតផ្នែកគណិតវិទ្យាអនុវត្ដន៍ Arizona State University
កញ្ញា ប្រាក់ ឋបនវតី អនុបណ្ឌិតផ្នែកភាពជាអ្នកដឹកនាំក្នុងការអប់រំ និងការវិភាគគោលនយោបាយ Portland State University
កញ្ញា ប៉ោ ស៊ីដូនី អនុបណ្ឌិតផ្នែកបច្ចេកវិជ្ជាអប់រំ Columbia University
លោក ស៊ីម ហូយឈុង អនុបណ្ឌិតផ្នែកគ្រប់គ្រងក្រុមហ៊ុន Brandeis University
កញ្ញា អ៊ូ ជូលី បណ្ឌិតផ្នែកការសិក្សាពីបរិស្ថាន ការអភិរក្សជីវសាស្ដ្រចំរុះ Texas A & M University
កញ្ញា ស សម្ពស្ស អនុបណ្ឌិតផ្នែកការអប់រំ៖ ការតាក់តែងកម្មវិធីសិក្សាសំរាប់ថ្នាក់មធ្យមសិក្សា University of Kansas
កញ្ញា គឹម សូលីដា អនុបណ្ឌិតផ្នែកវិទ្យាសាស្ដ្រកុំព្យូទ័រ Purdue University
លោក ជូ ចំណាន អនុបណ្ឌិតផ្នែកគ្រប់គ្រងក្រុមហ៊ុន Worcester Technology Institute
លោក ហោ សុខណាក អនុបណ្ឌិតផ្នែកគមនាគមន៍ និងសារព័ត៌មាន American University, School of Communication
និស្សិតដែលបានទទួលអាហារូបករណ៍ជាបន្ដ
កញ្ញា ឌី កែវគន្ធា អនុបណ្ឌិតផ្នែកសុខភាពសាធារណៈ Indiana State University
លោក ពៅ វ៉ាត់ថាណា អនុបណ្ឌិតផ្នែកវិស្វកម្មសំណង់ Virginia Polytechnic
លោក សៀង សូល័ក្ខ អនុបណ្ឌិតផ្នែកសារព័ត៌មាន University of Kansas
លោក ហេង ពីផល អនុបណ្ឌិតផ្នែកបូរាណវិទ្យា University of Hawaii, Manao
លោក ជូ ហួត អនុបណ្ឌិតផ្នែកសេដ្ឋកិច្ច Syracuse University
កញ្ញា អ៊ុង បុប្ពា អនុបណ្ឌិតផ្នែករដ្ឋបាលអប់រំ State University of New York, Buffalo
កញ្ញា ពូ ពេជរចនា អនុបណ្ឌិតផ្នែករដ្ឋបាលក្រុមហ៊ុន University of Akron
លោក ធី ខេមរា អនុបណ្ឌិតផ្នែកសេដ្ឋកិច្ច New York Universit
* លោក ហោសុខណាក់ ទទួលថវិកាមួយផ្នែក
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
