ផ្នែកវិស័យកាត់ដេរមកជួបជុំគ្នាក្នុងសន្និសីទមួយឧបត្ថម្ភដោយសហរដ្ឋអាមេរិក ដើម្បីធ្វើការរៀបចំសំរាប់អនាគត
សណ្ឋាគារសាន់វ៉េ ក្រុងភ្នំពេញ
ថ្ងៃទី ១២ ខែមិថុនា ឆ្នាំ ២០០៩
 |
(រុបកណ្តាល) លោកស្រីឯកអគ្គរដ្ឋទូតអាមេរិក
Rodley ចូលរួមកម្មវិធី។ រូបពង្រីក |
សហរដ្ឋអាមេរិកបានឧបត្ថម្ភដល់ការរៀបចំធ្វើសន្និសីទមួយ ស្តីពីអនាគតនៃឧស្សាហកម្មកាត់ដេរកម្ពុជា ដែលបានទាក់ទាញអ្នកចូលរួមមកពីវិស័យឯកជន សហជីព និងរដ្ឋាភិបាល។ សន្និសីទនោះត្រូវបានធ្វើឡើងនៅសុក្រ ទី ១២ ខែមិថុនា នៅសណ្ឋាគារសាន់វ៉េ ក្នុងក្រុងភ្នំពេញ។
លោកស្រីឯកអគ្គរដ្ឋទូតអាមេរិក Rodley និងលោកទេសរដ្ឋមន្រ្តីចម ប្រសិទ្ធិ បានថ្លែងសុន្ទរកថា នៅក្នុងសន្និសីទមួយថ្ងៃពេញនេះ ដែលមានការពិភាក្សាគ្នាស្តីពីការដែលវិស័យកាត់ដេរអាចបង្កើនសមត្ថភាពប្រកួតប្រជែងជាមួយអន្តរជាតិ និងងើបឡើងវិញពីការធ្លាក់ចុះក្នុងពេលថ្មីៗនេះ។
លោកស្រីឯកអគ្គរដ្ឋទូត Rodley បានមានប្រសាសន៍ថា “ដើម្បីបំបែរចរន្ត យើងត្រូវធ្វើយ៉ាងណាអោយឧស្សាហកម្មកាត់ដេរមានចក្ខុវិស័យជាយុទ្ធសាស្រ្ត និងឯកភាពគ្នាមួយ ដែលប្រឈមដោះស្រាយបានចំពោះបញ្ហាប្រឈម នៅក្នុងនិងក្រៅប្រទេស។ ការធ្វើការរួមគ្នាធ្វើអោយយើងអាចជួយឧស្សាហកម្មកាត់ដេរអោយកាន់តែមានសមត្ថភាពប្រកួតប្រជែង និងបន្តជំរុញដល់ការអភិវឌ្ឍប្រទេស។”
លោកស្រីឯកអគ្គរដ្ឋទូត Rodley ក៏បានសរសើរផងដែរចំពោះមជ្ឈមណ្ឌលអភិវឌ្ឍជំនាញកម្ពុជា ដែលជាអង្គការមិនមែនរដ្ឋាភិបាលកម្ពុជាមួយធ្វើការផ្តល់សេវាប្រឹក្សាយោបល់ដល់រោងចក្រនានា បណ្តុះបណ្តាលជនជាតិខ្មែរផ្នែកវិស្វកម្មឧស្សាហកម្ម និងជំរុញកិច្ចសហប្រតិបតិ្តការក្នុងចំណោមកម្មករ ថៅកែ និងរដ្ឋាភិបាល។ មជ្ឈមណ្ឌលនេះ ពីមុនមានឈ្មោះថា មជ្ឈមណ្ឌលផលិតភាពឧស្សាហកម្មកាត់ដេរ ហើយបានទទួលថវិកាចំនួន ៣,៤ លានដុល្លាអាមេរិកពីរដ្ឋាភិបាលអាមេរិក ក្នុងរយៈពេលពីឆ្នាំ ២០០៥ ដល់ ២០០៨។
តាមរយៈទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID) សហរដ្ឋអាមេរិកនៅបន្តផ្តល់ថវិកាដល់មជ្ឈមណ្ឌលនេះ ថ្វីបើពេលនេះមជ្ឈមណ្ឌលដំណើរការដោយពឹងជាធំលើប្រាក់បង់របស់អតិថិជនក្តី ដែលជាការធ្វើអោយមជ្ឈមណ្ឌលនេះជាមជ្ឈមណ្ឌលគំរូខាងនិរន្តភាពនៃវិស័យឯកជន។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
