ដើម្បីបរិស្ថានៈ ការបែរទៅរកថាមពលព្រះអាទិត្យ តើអ្នកអាចធ្វើអ្វីខ្លះ?
 |
| ស្លាននិយមការពារបរិស្ថាន |
ស្ថានទូតអាមេរិកនៅភ្នំពេញនឹងទទួលបានបន្ទះថាមពលព្រះអាទិត្យតូចចំនួន ៥៦ បន្ទះ និងបន្ទះធំចំនួន ៣ បន្ទះ ដែលនឹងបញ្ចូលអាគុយឡើងវិញ សំរាប់ម៉ាស៊ីនភ្លើងទាំងអស់នៅតាមផ្ទះបុគ្គលិក និងក្នុងបរិវេណស្ថានទូត។ នៅពេលនេះ អាគុយត្រូវបានបញ្ចូលភ្លើងដោយដោតខ្សែតទៅនឹងកន្លែងស៊កបន្តចរន្តអគ្គិសនី។ បន្ទះថាមពលព្រះអាទិត្យនឹងបញ្ចូលភ្លើងអាគុយឡើងវិញ ដូច្នេះម៉ាស៊ីនភ្លើងទាំងអស់នឹងត្រូវបានកាត់ផ្តាច់ចេញពីភ្លើងរដ្ឋ នៅក្នុងទីក្រុង។ យោងតាមអ្នកឯកទេសជាទីប្រឹក្សារបស់យើង ក្នុងរយៈពេល ៨ ខែ យើងមិនត្រូវការចំណាយអ្វីទេក្នុងការប្រើបន្ទះថាមពលព្រះអាទិត្យនេះ។ ការប្តូរនេះធ្វើអោយស្ថានទូតសន្សំប្រាក់បានជាង ៧ ០០០ ដុល្លាក្នុងមួយឆ្នាំ ពីការចំណាយលើថាមពលអគ្គិសនី តែនឹងកាត់បន្ថយការបញ្ចេញជាតិពលទៅក្នុងបរិយាកាសជាឧស្ម័នកាបូនិចបានចំនួន ១ ៤៣៦ ផោន (៦៥០,៥ គក) ក្នុងមួយឆ្នាំ!
តើអ្នកដឹងទេថា ការផលិតថាមពលអគ្គិសនីបង្កើតអោយមានការបំពុលបរិយាកាសច្រើនជាងឧស្សាហកម្មណាមួយទាំងអស់ នៅសហរដ្ឋអាមេរិក? របាយការណ៍ស្តីពីការបញ្ចេញសំណល់ជាតិពុលទៅក្នុងខ្យល់ របស់ក្រុមប្រឹក្សាស្រាវជ្រាវនិងអភិវឌ្ឍន៍ (NRDC) ឆ្នាំ ២០០៨ (ទិន្នន័យចុងក្រោយក្នុងឆ្នាំ ២០០៦) បង្ហាញថា ឧស្សាហកម្មថាមពលអគ្គិសនីនៅសហរដ្ឋអាមេរិកបញ្ចេញ៖
៧០% នៃការបញ្ចេញជាតិ Sulfur dioxide ដែលនាំអោយមានភ្លៀងអាស៊ីដ
២០% នៃការបញ្ចេញជាតិ Nitrogen oxide ដែលនាំអោយមានផ្សែងអួរអាប់ តាមទីក្រុង
៤០% នៃការបញ្ចេញឧស្ម័នកាបូនិច ដែលនាំអោយមានការប្រែប្រួលអាកាសធាតុលើផែនដី
៦៨% នៃការបញ្ចេញជាតិបារត ដែលបង្ករគ្រោះថ្នាក់ខ្លាំងដល់សុខភាព។
ក្នុងចំណោមបញ្ហាធំៗផ្សេងទៀតស្តីពីបរិស្ថាន ដែលទាក់ទងនឹងថាមពលអគ្គិសនីគឺផលប៉ះពាល់ទៅ
លើទឹក ការនាំអោយមានកាកសំណល់ ហើយនិងការធ្វើអោយមានការអាក់ខានក្នុងការប្រើប្រាស់ដី។
ថាមពលអគ្គិសនីក៏ដើរតួនាទីកាន់តែមានសារៈសំខាន់ផងដែរ ក្នុងជីវិតផ្ទាល់ខ្លួនរបស់មនុស្ស និងសេដ្ឋកិច្ចពិភពលោក។ កុំព្យូទ័រ និងប្រព័ន្ធទាក់ទងគ្នាដែលដើរដោយថាមពលអគ្គិសនីគឺជាផ្នែកដែលមានសារៈសំខាន់កាន់តែច្រើនឡើងៗ នៅក្នុងជីវិតរស់នៅ និងសេដ្ឋកិច្ចរបស់យើង។ ដោយសារយើងទាមទារសេវាថាមពលអគ្គិសនីកាន់តែច្រើន យើងត្រូវតែជៀសវាងការធ្វើអោយប៉ះពាល់បរិស្ថានរបស់យើង តាមរយៈការចេះប្រើថាមពលអគ្គិសនីអោយបានត្រឹមត្រូវ ហើយទទួលយកថាមពលអគ្គិសនីពីប្រភពដែលប៉ះពាល់បរិស្ថានតិចបំផុត។
ថាមពលប្រើតាមផ្ទះ នៅសហរដ្ឋអាមេរិក ក្នុងឆ្នាំ ២០០៧
សហរដ្ឋអាមេរិកចំណាយប្រាក់ចំនួន ១៣ ពាន់លានដុល្លាក្នុងមួយឆ្នាំ សំរាប់ថាមពលកំដៅទឹកក្នុងផ្ទះ។ វាស្មើនឹងប្រេងចំនួន ១១,៤ ធុងក្នុងមួយគ្រួសារ ដែលជាបរិមាណលើសពីបរិមាណប្រេងស៊ីដោយឡានទំហំមធ្យមរត់លើចំងាយផ្លូវ ១២ ០០០ ម៉ៃល៍ (១៩ ២០០ គម)។
ការកំដៅទឹកស៊ីថាមពលស្មើនឹងប្រហែល ១ ភាគ ៤ នៃថាមពលសរុប ដែលត្រូវបានប្រើក្នុងផ្ទះមួយសំរាប់មួយគ្រួសារធម្មតា។ ក្នុងចំណោមបរិក្ខាមួយៗទាំងអស់ ដែលប្រើនៅក្នុងផ្ទះ ប្រដាប់កំដៅទឹកស៊ីថាមពលច្រើនជាងគេ។
កុំព្យូទ័រមួយប្រើភ្លើងអស់ពី ៦៥ វ៉ាត់ទៅ ២៥០ វ៉ាត់។ កញ្ចក់កុំព្យូទ័រស៊ីភ្លើងអស់ពី ៣៥ ទៅ ៨០ វ៉ាត់។
តើយើងធ្វើដូចម្តេចដើម្បីបំពេញសេចក្តីត្រូវការថាមពលរបស់យើង ដោយទន្ទឹមនឹងនោះត្រូវគិត
ពីផលប៉ះពាល់ផ្នែកបរិស្ថានទាក់ទងនឹងកំណើនចាំបាច់ក្នុងការប្រើប្រាស់ថាមពល? មានបច្ចេកទេសច្រើនក្នុងការផលិតថាមពលអគ្គិសនី។ ប្រេងប្រភេទផ្សេងៗដែលត្រូវបានប្រើសំរាប់បង្កើតថាមពលសុទ្ធតែប៉ះពាល់បរិស្ថាន។ រោងចក្រអគ្គិសនីដែលប្រើសំណល់ផូស៊ីល បញ្ចេញជាតិពុលទៅក្នុងបរិយាកាស ត្រូវការទឹកច្រើនសំរាប់ធ្វើអោយប្រជាក់ ហើយគេធ្វើអោយខូចដីយ៉ាងធំល្វឹងល្វើយ ក្នុងពេលធ្វើអាជីវកម្មជីករ៉ែ (សំរាប់បំរើសេចក្តីត្រូវការរបស់រោងចក្រថាមពល)។ រោងចក្រអគ្គិសនីប្រើថាមពលនុយក្លេអ៊ែរបង្កើតសំណល់វិទ្យុសកម្មយ៉ាងច្រើន ដែលនៅពេលនេះ គេពិបាករកកន្លែងទុក។ សូម្បីតែកន្លែងផលិតថាមពលដែលអាចកែច្នៃប្រើវិញបាន ក៏អាចប៉ះពាល់ដល់សត្វស្លាបនិងមច្ឆា មានកាកសំណល់ប្រកបដោយគ្រោះថ្នាក់ និងទាមទារទឹកសំរាប់ធ្វើអោយត្រជាក់់ផងដែរ។ ផលវិបាកលើបរិស្ថាននៃបច្ចេកទេសទាំងនេះមានខុសគ្នាច្រើន។ ថ្វីបើគ្មានបច្ចេកទេសណាមួយនៃបច្ចេកទេសទាំងនេះ មិនបង្ករការប៉ះពាល់ដល់បរិស្ថានក្តី តែការយកចិត្តទុកដាក់សន្សំថាមពលដោយមនុស្សម្នាក់ៗប្រហែលជាវិធីដ៏ល្អបំផុតមួយក្នុងការធ្វើអោយមានការផ្លាស់ប្តូរ។
មានចំណុចណែនាំច្រើនសំរាប់សន្សំថាមពល ទាំងនៅកន្លែងធ្វើការ ទាំងនៅផ្ទះ៖
ប្រើអំពូលម៉ែត្រតូចល្មម។
បិទភ្លើងនៅពេលអ្នកចេញពីបន្ទប់។
យកចានឆ្នាំងហាលថ្ងៃ ជាជាងប្រើម៉ាស៊ីនសំងួតចានឆ្នាំង។
បិទកុំព្យូទ័រនៅពេលណាលែងប្រើ។
ដោតគ្រឿងអេឡិចត្រូនិចប្រើប្រាស់ក្នុងផ្ទះ ដូចជាទូរទស្សន៍ និងប្រដាប់ចាក់ឌីវីឌី ទៅក្នុងឌុយ ដែលមានច្រើនរន្ធនិងអាចបិទបើកភ្លើងបាន ហើយបិទភ្លើងតាមកុងតាក់ឌុយនោះ នៅពេលលែងប្រើ (ទូរទស្សន៍ និងប្រដាប់ចាក់ឌីវីឌី ដែលត្រូវបានដាក់អោយស្ថិតក្នុងភាពបំរុង (standby) ក៏នៅតែប្រើភ្លើងអស់ច្រើនវ៉ាត់ដែរ។)
ចូរបន្ថយប្រដាប់កំដៅទឹកមកត្រឹមកំរិត ១២០ អង្សាហ្វារិនហៃបានហើយ។
ចូរងូតទឹកផ្កាឈូកដែលមានរយៈពេលខ្លី ជាជាងងូតទឹកក្នុងអាង។
បន្ទះស្រូបថាមពលព្រះអាទិត្យនៅតាមផ្ទះ (ក្នុងចំណោមប្រព័ន្ធកំដៅទឹកប្រភេទសំខាន់ៗទាំងអស់ ប្រព័ន្ធកំដៅដែលប្រើថាមពលព្រះអាទិត្យអាចផ្តល់ការសន្សំសំចៃច្រើនជាងគេ សំរាប់ម្ចាស់ផ្ទះ ដោយគេអាចសន្សំលើការចំណាយលើថ្លៃប្រើប្រាស់ភ្លើងអគ្គិសនីសំរាប់កំដៅទឹកបាន ៨៥%។)
ចូរបិទរណាំងសំពត់និងរនាំងឈើរូត នៅពេលយប់។
ចូរហាលខោអាវតាមខ្សែ ឬប្រដាប់ព្យួរខោអាវអាល ជាជាងប្រើម៉ាស៊ីនសំងួត។
ចូរសំអាតទូទឹកកក និងធ្វើអោយមានខ្យល់ចេញចូលល្អ។
ស្ថានទូតអាមេរិកនៅទីក្រុងភ្នំពេញកំពុងខិតខំជួយថែរក្សាបរិស្ថានអោយបានច្រើនថែមទៀត។ តើ
អ្នកនឹងធ្វើអ្វី?
ប្រភពព័ត៌មានៈ
http://www.solardev.com/SEIA-sunshinehomes.php
http://www.powerscorecard.org/elec_env.cfm
http://michaelbluejay.com/electricity/howmuch.html
http://www.shellharbour.nsw.gov.au/FileData/pdf/EverydayEnergySavingTips.pdf
NRDC
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
