កម្មវិធីផ្លាស់ប្ដូរផ្នែកសិក្សាអប់រំ (Educational Exchange)
កម្មវិធីអាហាររូបករណ៍ Hubert H. Humphrey (Hubert H. Humphrey Fellowship Program)
 |
| Hubert H. Humphrey logo |
ស្ថានទូតនៃសហរដ្ឋអាមេរិកប្រចាំនៅកម្ពុជាកំពុងតែស្វែងរកបេក្ខជនចូលរួមក្នុងកម្មវិធីអាហារូបករណ៍ Hubert H. Humphrey ។ កម្មវិធី Humphrey នេះអញ្ជើញអ្នកឯកទេសថ្នាក់មធ្យមដែលមាន ស្នាដៃមកពីប្រទេសកំពុងអភិវឌ្ឍន៍ ដើម្បីមកសិក្សានិងដកស្រង់បទពិសោធន៍ជាក់ស្ដែងរយៈពេលមួយឆ្នាំ ។ អាហាររូបករណ៍ត្រូវបានផ្ដល់ក្នុងលក្ខណៈប្រកួតប្រជែងដល់បេក្ខជនដែលមានជំហរដឹកនាំនិងការប្ដេជ្ញាចំពោះការងារសេវាសាធារណៈ ។ កម្មវិធីអាហារូបករណ៍ Humphrey ត្រូវបានបង្កើតឡើងនៅក្នុងឆ្នាំ ១៩៧៨ ដើម្បីជាកិត្ដិយសនិងជារំលឹកដល់ស្នាដៃរបស់អតីតព្រឹទ្ធសមាជិកនិងជាអនុប្រធានាធិបតី Hubert H. Humphrey ។ តាំងពីឆ្នាំ១៩៧៨មកមានអ្នកទទួលអាហាររូបករណ៍ចំនួន២៨០០ នាក់ពីប្រទេសចំនួនជាង១២០ នៅជុំវិញពិភពលោកបានចូលរួមនៅក្នុងកម្មវិធីនេះ នៅសហរដ្ឋអាមេរិក ។ ក្នុងមួយឆ្នាំៗ អាហាររូបករណ៍ចំនួនប្រហែល១៥០ត្រូវបានផ្ដល់ទៅអោយអ្នកទទួលដែលមកពីប្រទេសចំនួន១០០ជុំវិញពិភពលោក ។
សេចក្ដីរៀបរាប់កម្មវិធី Humphrey
កម្មវិធី Humphrey មិនមែនសំរាប់រៀនដើម្បីឈានទៅយកសញ្ញាប័ត្រមហាវិទ្យាល័យទេ ។ វាជាកម្មវិធីសិក្សារយៈពេលមួយឆ្នាំសំរាប់អ្នកដែលមានសញ្ញាប័ត្រមហាវិទ្យាល័យរួចហើយ ។ កម្មវិធីរួមមានការសិក្សានៅក្នុងថ្នាក់និងសកម្មភាពពង្រឹងជំនាញឯកទេសតាមសេចក្ដីត្រូវការនៃផ្នែកឯកទេសរបស់គេនិងផ្នែកដែលគេមានការចាប់អារម្មណ៍ ។ អ្នកចូលរួមក្នុងកម្មវិធីនេះត្រូវបានដាក់ផ្ដុំគ្នាប្រហែលដប់ៗនាក់នៅតាមសាកលវិទ្យាល័យទៅតាមមុខវិជ្ជា/ប្រធានបទ ។ នៅក្នុងពេលប៉ុន្មានឆ្នាំថ្មីៗនេះ សាកលវិទ្យាល័យដែលបានទទួលយកកម្មវិធីនេះមានៈ សាកលវិទ្យាល័យអាមេរិក សាកលវិទ្យាល័យ Boston សាកលវិទ្យាល័យ Cornel សាកលវិទ្យាល័យ Emory សាកលវិទ្យាល័យ Johns Hopkins សាកលវិទ្យាល័យ Maryland សាកលវិទ្យាល័យ North Carolina -Chapel Hill សកលវិទ្យាល័យ Pennsylvania State សាកលវិទ្យាល័យ Rutgers សាកលវិទ្យាល័យ Washington និងវិទ្យាស្ថានបច្ចេកទេស Massachusetts ។ បន្ទាប់ពីសិក្សានៅក្នុងកម្មវិធីរបស់គេចប់គេអាចចូលរួមផងដែរនៅក្នុងការហាត់ការដើម្បីពង្រឹងជំនាញឯកទេសរបស់គេយ៉ាងហោចណាស់៦អាទិត្យជាមួយនឹងបណ្ដាអង្គការអន្ដរជាតិ ជាតិ រដ្ឋ និងអង្គការតាមមូលដ្ឋាននៅក្នុងសហរដ្ឋអាមេរិក ។ កម្មវិធីអាហាររូបករណ៍នេះចាប់ផ្ដើមដំបូងដោយមានវគ្គសិក្សាណែនាំ (Orientation) នៅទីក្រុង Washington, D.C. ។
របៀបគ្រប់គ្រងកម្មវិធី Humphrey (How Humphrey is Administered)
កម្មវិធីអាហាររូបករណ៍ Humphrey ត្រូវបានឧបត្ថម្ភដោយក្រសួងការបរទេសរបស់សហរដ្ឋអាមេរិក ហើយគ្រប់គ្រងដោយវិទ្យាស្ថានអប់រំអន្ដរជាតិ ដោយមានការពិគ្រោះយោបល់ជាមួយនឹងគណៈកម្មាធិការពិគ្រោះយោបល់ជាតិដែលមានតំណាងមកពីខាងក្រុមហ៊ុន ផ្នែកសិក្សាអប់រំ និង រដ្ឋាភិបាល ។ ក្រុមប្រឹក្សាភិបាលអាហាររូបករណ៍បរទេស J. William Fullbright នៅក្នុងសហរដ្ឋអាមេរិក ដែលត្រូវបានតែងតាំងតាមអំណាចរបស់ប្រធានាធិបតី មានការទទួលខុសត្រូវរួមក្នុងការជ្រើសរើសអ្នកទទួលអាហាររូបករណ៍ក្នុង កម្មវិធីHumphrey ។ អាហាររូបករណ៍ Humphrey រ៉ាប់រងលើការធ្វើដំណើរជាអន្ដរជាតិ ការធ្វើដំណើរនៅក្នុងសហរដ្ឋអាមេរិក តាមការចាំបាច់ ថ្លៃសិក្សារៀនសូត្រ សៀវភៅ ប្រាក់ចាយវាយប្រចាំខែ និងប្រាក់បន្ដិចបន្ដួចសំរាប់សកម្មភាពពង្រឹងជំនាញឯកទេស ដូចជាការទៅចូលរួមក្នុងសន្និសីទ ការធ្វើដំណើរចុះមើលតាមកន្លែងនានា និងការចូលរួមក្នុងសមាគមវិជ្ជាជីវៈ ។
អារម្ភកថាស្ដីពីសហរដ្ឋ អាមេរិក
ការផ្លាស់ប្ដូរគ្នាផ្នែក សិក្សាអប់រំ
