Skip Global Navigation to Main Content
Skip Breadcrumb Navigation
សេចក្តី​ប្រកាស​ពត៌មាន ក្នុង​​ឆ្នាំ​២០១១

និស្សិត​សាកលវិទ្យាល័យ​រៀន​ពី​ប្រពៃណី​បុណ្យ​ណូអែល​របស់​អាមេរិក

ថ្ងៃទី ១៩ ខែធ្នូ ឆ្នាំ​២០១១
(រូបថត​របស់​ក្រសួង​ការបរទេស​អាមេរិក)

លោក​មន្រ្តី​កិច្ចការ​សាធារណៈ McIntosh បាន​រៀបរាប់​ថា បុណ្យ​ណូអែល​មិន​ត្រឹមតែ​ជា​បុណ្យ​ដែល​មាន​អត្ថន័យ​សាសនា​តែ​ប៉ុណ្ណោះ​ទេ តែ​បុណ្យ​នេះ​ថែម​ទាំង​បាន​ជ្រៀត​ចូល​ទៅ​ក្នុង​សកម្មភាព​ជំនួញ និង​ចំណង​របស់​គ្រួសារ​ថែម​ទៀត​ផង​។

        លោក Sean McIntosh មន្រ្តី​ផ្នែក​កិច្ចការ​សាធារណៈ​របស់​ស្ថានទូត​អាមេរិក បាន​ថ្លែង​ទៅ​កាន់​និស្សិត​ថ្នាក់​បរិញ្ញា​ចំនួន ៣០ នាក់ នៅ​សាកលវិទ្យាល័យ​បញ្ញាសាស្រ្ត​នៃ​កម្ពុជា ស្តីពី​ការ​ប្រារព្ធ​បុណ្យ​ណូអែល នៅ​សហរដ្ឋ​អាមេរិក នៅ​បណ្ណាល័យ​របស់​ស្ថានទូត​អាមេរិក​។ ដូច​ទិដ្ឋភាព​ជា​ច្រើន​ទៀត​ក្នុង​ជីវិត​វប្បធម៌​នៅ​សហរដ្ឋ​អាមេរិក​ដែរ ​បុណ្យ​ណូអែល​ឆ្លុះ​បញ្ចាំង​ពី​តំលៃ​នៃ​មនុស្ស​ដែល​មាន​សេរីភាព និង​មាន​ពូជសាសន៍​ចំរុះ​។ លោក​មន្រ្តី​កិច្ចការ​សាធារណៈ McIntosh បាន​រៀបរាប់​ថា បុណ្យ​ណូអែល​មិន​ត្រឹមតែ​ជា​បុណ្យ​ដែល​មាន​អត្ថន័យ​សាសនា​តែ​ប៉ុណ្ណោះ​ទេ តែ​បុណ្យ​នេះ​ថែម​ទាំង​បាន​ជ្រៀត​ចូល​ទៅ​ក្នុង​សកម្មភាព​ជំនួញ និង​ចំណង​របស់​គ្រួសារ​ថែម​ទៀត​ផង​។ លោក​បាន​និយាយ​ពី​ប្រជាប្រិយភាព និង​ខ្លឹមសារ​នៃ​ការ​ដើរ​ទិញ​អីវ៉ាន់ ដោយ​ផ្តោត​លើ​ការ​ពឹង​ផ្អែក​របស់​អ្នក​លក់​រាយ​ទៅ​លើ​ថ្ងៃ​ដំបូង​នៃ​ការ​ដើរ​ទិញ​អីវ៉ាន់​ចុះ​ថ្លៃ​ក្នុង​ពេល​បុណ្យ​ណូអែល (Black Friday) ដើម្បី​អោយ​គេ​បាន​ចំណេញ នៅ​ក្នុង​ឆ្នាំ​។

        បុណ្យ​ណូអែល​រំលឹក​ដល់​កំណើត​ព្រះយេស៊ូ​។ ដូច​ប្រជាជន​ជា​ច្រើន​នៅ​ក្នុង​ពិភពលោក​ដែរ ប្រជាជន​អាមេរិក​មាន​ប្រពៃណី​អបអរ​បុណ្យ​ណូអែល​របស់​គេ​ផ្ទាល់ ហើយ​ប្រពៃណី​ទាំង​នេះ​មាន​ការ​ប្រែប្រួល​ច្រើន​កន្លង​មក​។ សព្វថ្ងៃ​នេះ ប្រជាជន​អាមេរិក​បញ្ចូល​ប្រពៃណី​ទាក់ទង​នឹង​សាសនា និង​មិន​ទាក់ទង​សាសនា​ជាមួយ​នឹង​ទំលាប់​នៃ​គ្រួសារ​របស់​គេ ដោយ​ច្រើន​បញ្ចូល​អាហារ ការ​តុបតែង​លំអ និង​ពិធី​មក​ពី​កន្លែង​នានា ដែល​គេ ឬ​ដូនតា​របស់​គេ​បាន​ចាត់​ទុក​ថា ជា​កន្លែង​កំណើត​របស់​គេ​។