ស្ថានទូតអាមេរិកផ្តល់អំណោយគ្រឿងបរិក្ខារពេទ្យសំរាប់សង្គ្រោះជីវិត
មន្ទីរពេទ្យព្រះសីហនុ ភ្នំពេញ
ថ្ងៃទី ៩ ខែមិថុនា ឆ្នាំ ២០០៩
 |
ឯកឧត្តមម៉ម ប៊ុនហេង រដ្ឋមន្រ្តីក្រសួងសុខាភិបាល
(រូបទី ៣ រាប់ពីឆ្វេង) និងឯកអគ្គរដ្ឋទូត Rodley
(រូបទី ១ រាប់ពីស្តាំ) កំពុងកាត់ខ្សែបូបើក
អោយប្រើបរិក្ខារពេទ្យ។ រូបពង្រីក |
ក្នុងសប្តាហ៍នេះ សហរដ្ឋអាមេរិកបានផ្តល់អំណោយគ្រឿងបរិក្ខារពេទ្យ ដែលមានតំលៃ ៥០០ ០០០ ដុល្លាអាមេរិកអោយមជ្ឈមណ្ឌលក្តីសង្ឃឹម នៃមន្ទីរពេទ្យព្រះសីហនុ ក្រុងភ្នំពេញ ។ គ្រឿងបរិក្ខារដែលមានចំនួន ៨៥ អាចជួយក្នុងការអោយរោគវិនិច្ឆ័យនិងការព្យាបាលសង្គ្រោះជីវិតអ្នកជំងឺ រួមទាំងអ្នកជំងឺដែលមានមេរោគអេដស៍ចំនួន ៣ ០០០ នាក់ ដែលនៅក្នុងមន្ទីរពេទ្យនេះផង។
លោកស្រីឯកអគ្គរដ្ឋទូតអាមេរិក Carol A. Rodley និងឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលបានធ្វើជាអធិបតីក្នុងពិធីកាត់ខ្សែបូបើកការប្រើប្រាស់បរិក្ខារទាំងនោះ នៅថ្ងៃអង្គារ ទី ៩ ខែមិថុនា។ ក្នុងសុន្ទរកថារបស់លោកស្រី លោកស្រីឯកអគ្គរដ្ឋទូត Rodley បានសរសើរបុគ្គលិកមន្ទីរពេទ្យ។
លោកស្រីបានមានប្រសាសន៍ថា “មន្ទីរពេទ្យនេះមិនមែនគ្រាន់តែជាមន្ទីរពេទ្យសំរាប់មនុស្សធំដែលមានភាពមមាញឹកបំផុតនៅប្រទេសកម្ពុជាតែប៉ុណ្ណោះទេ តែថែមទាំំងជាមន្ទីរពេទ្យដែលល្អជាងគេមួយថែមទៀតផង។ បុគ្គលិកនៅទីនេះដែលខិតខំធ្វើការ ផ្តល់អោយអ្នកក្រនូវការថែទាំសុខភាពក្នុងកំរិតបទដ្ឋានខ្ពស់បំផុត ដោយមិនគិតថ្លៃ។”
សហរដ្ឋអាមេរិកបានជួយមន្ទីរពេទ្យនេះ តាំងពីឆ្នាំ ២០០៣ មក។ ជនជាតិអាមេរិកជាបុគ្គល និងសាជីវកម្មអាមេរិកក៏រួមចំណែកជួយផងដែរ ដែលនាំអោយការនេះក្លាយជាសហប្រតិបតិ្តការគំរូមួយ រវាងវិស័យសាធារណៈ និងវិស័យឯកជន។ ដោយត្រូវបានបង្កើតឡើងនៅឆ្នាំ ១៩៩៦ មន្ទីរពេទ្យនេះនឹងព្យាបាលអ្នកជំងឺដល់ចំនួនមួយលាននាក់ នៅខែវិច្ឆិកា។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
