ការដើរតួក្នុងការប្រលងកាត់ក្តី
សាកលវិទ្យាល័យភូមិន្ទនិតិសាស្រ្ត និងសេដ្ឋកិច្ច
ថ្ងៃទី ២៧ - ៣០ ខែឧសភា ឆ្នាំ ២០០៩
ក្រុមមកពីសាលាច្បាប់ចំនួន ៧ បានចូលរួមប្រលងកាត់ក្តីប្រចាំឆ្នាំលើកទី ៣ នៅកម្ពុជា ពីថ្ងៃទី ២៧ ដល់ ទី ៣០ ខែឧសភា។ ក្រុមមកពីសាលាបញ្ញសាស្រ្តបានឈ្នះគេក្នុងការប្រលង ដែលឧបត្ថម្ភដោយសហរដ្ឋអាមេរិក។
ក្នុងអំឡុងពេលប្រលង ក្រុមនិស្សិតបានដើរតួជាមេធាវី សាក្សីក្នុងករណីរដ្ឋប្បវេណីមួយនៃជំលោះរវាងអ្នកទិញនិងអ្នកលក់ដី នៅខេត្តសៀមរាប។
ក្នុងការរៀបចំសំរាប់ការប្រលងនេះ ក្រុមនិស្សិតបានចូលរួមក្នុងសិក្ខាសាលាបណ្តុះបណ្តាលរយៈពេល ២ ថ្ងៃ ដែលក្នុងនោះមានការសួរឆ្លើយឆ្លងគ្នា និងការរៀនសូត្រពីជំនាញវិភាគករណី និងត្រួតពិនិត្យជាមូលដ្ឋាន។ សវនាការចុងក្រោយ ត្រូវបានបើកនៅក្នុងបន្ទប់ជំនុំជំរះ ក្នុងសាកលវិទ្យាល័យភូមិន្ទសេដ្ឋកិច្ចនិងនិតិសាស្រ្ត ដែលសហរដ្ឋអាមេរិកបានជួយជួសជុល នៅក្នុងឆ្នាំ ២០០៧។ ការជំនុំជំរះចុងក្រោយដឹកនាំដោយចៅក្រមបីរូប គឺ លោក Reed Aeschliman មកពីទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID), លោក James Turpin មកពីសហប្រជាជាតិ និង លោក តាន់ សេងណារ៉ុង ចៅក្រមតុលាការខេត្តកណ្តាល។
ការប្រលងកាត់ក្តីនេះគឺជាផ្នែកមួយនៃកម្មវិធីឧបត្ថម្ភថវិកាដោយសហរដ្ឋអាមេរិកស្តីពីសិទិ្ធនិងយុត្តិធម៌ ដែលអនុវត្តដោយវិទ្យាស្ថានគ្រប់គ្រង East West Management Institute និងសមាគមមេធាវីអាមេរិក។ កម្មវិធីនេះបានដំណើរការលើគំនិតផ្តួចផ្តើមគួរអោយចាប់អារម្មណ៍មួយចំនួន ក្នុងការអប់រំផ្នែកច្បាប់ ដូចជាការប្រលងក្នុងការផ្តល់ប្រឹក្សាយោបល់ដល់អតិថិជន ការផ្តល់ប្រឹក្សាផ្នែកច្បាប់ សីលធម៌ផ្លូវច្បាប់ និងដំណោះស្រាយវិវាទក្រៅតុលាការ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
