ទិដ្ឋាការមិនមែនអន្ដោប្រវេសន៍
ពត៌មានទូទៅ
ប្រជាពលរដ្ឋកម្ពុជាទាំងអស់ដែលមានបំណងចង់សុំទិដ្ឋាការទេសចរណ៍ ទិដ្ឋាការសិស្ស ឬទិដ្ឋាការប្រភេទមិនមែនអន្ដោប្រវេសន៍ផ្សេងៗទៀតដើម្បីធ្វើដំណើរទៅសហរដ្ឋអាមេរិក ត្រូវតែសុំណាត់ពេលវេលាសំភាសន៍តាមរយៈវិបសាយ ។ នៅពេលឆាប់ៗនេះ ការិយាល័យកុងស៊ុលលែងផ្ដល់ពេលវេលាសំភាសន៍តាមទូរស័ព្ទហើយ ហើយសំណើរទាំងអស់នឹងត្រូវបញ្ជូនមកក្នុងវិបសាយនេះ ។ ប្រសិនបើត្រូវការពត៌មាន និងការណែនាំំលំអិតពីការការដាក់ពាក្យសុំ សូមចុចនៅទីនេះ ។
ចំណាំ៖ អ្នកដាក់ពាក្យសុំទិដ្ឋាការប្រភេទ K-1 និង K-3 មិនគួរប្រើប្រព័ន្ធធ្វើការណាត់ជួបតាមប្រព័ន្ធអេឡិច ត្រូនិចទេ ។ អ្នកដាក់ពាក្យសុំទិដ្ឋាការប្រភេទ K-1 និង K-3 នឹងត្រូវបានទាក់ទងនិងកំណត់ពេលណាត់ជួប ដោយផ្នែកកុងស៊ុល ។
បេក្ខជនសុំទិដ្ឋាការមិនមែនអន្ដោប្រវេសន៍ទាំងអស់ រួមទាំងទិដ្ឋាការប្រភេទគូដណ្ដឹង K1 និង K3 ត្រូវតែបំពេញពាក្យសុំទិដ្ឋាការDS-156 តាមរយៈវិបសាយhttp://evisaforms.state.gov ដោយប្រើព្រីនធ័រប្រភេទឡាស៊ែរដើម្បីព្រីនចេញ ហើយយកពាក្យសុំទាំងបីទំព័រនេះមកកាន់ការិយាល័យ កុងស៊ុលពេលមកសំភាសន៍ ។ ប្រសិនបើត្រូវការប្រើបែបបទបន្ថែម គឺទំរង់ DS-157 និង DS-158 លោកអ្នកអាចអញ្ជើញមកយកដោយឥតគិតថ្លៃពីច្រកទ្វារកុងស៊ុលនៃស្ថានទូតសហរដ្ឋអាមេរិក ឬ ចុចយកត្រង់នេះ។
សូមជំរាបថា ការចូលបំពេញពាក្យសុំទិដ្ឋាការ ឬការសុំណាត់ពេលវេលាសំភាសន៍តាមរយៈវិបសាយទាំងនេះពុំមានការគិតប្រាក់ទេប៉ុន្ដែបើសិនជាលោកអ្នកទៅប្រើកុំព្យូទ័រនៅហាងអ៊ីនធើណិតឯកជននានា លោកអ្នកត្រូវបង់កំរៃខ្លះសំរាប់សេវាប្រើប្រាស់កុំព្យូទ័រ បណ្ដាញអ៊ីនធើណិត និងការប្រើប្រាស់ព្រីនធ័ររបស់គេដើម្បីព្រីនឯកសារចេញ។
បេក្ខជនសុំទិដ្ឋាការទាំងអស់ត្រូវអញ្ជើញមកសំភាសន៍តាមពេលវេលាកំណត់ដែលបានផ្ដល់អោយ ។ ពួកគេត្រូវប្រគល់លិខិតឆ្លងដែន ពាក្យសុំទិដ្ឋាការ និងត្រូវបង់កំរៃដាក់ពាក្យសុំទិដ្ឋាការចំនួន ១៣១ ដុល្លា អាមេរិកមុនពេលសំភាសន៍ ហើយទឹកប្រាក់នេះមិនអាចប្រគល់អោយវិញឡើយទោះបីជាលោកអ្នកពុំមានលក្ខណៈសម្បត្ដិគ្រប់គ្រាន់ដើម្បីទទួលបានទិដ្ឋាការក៏ដោយ ចំណែកឯកសារពាក់ពន្ធ័ផ្សេងៗទៀតក៏ត្រូវយកជាប់មកជាមួយដែរនៅថ្ងៃសំភាសន៍នេះ ។ សូមមេត្ដាកុំផ្ញើរឯកសារពាក់ពន្ធ័ទាំងនោះមកយើងខ្ញុំតាមរយៈប្រអប់សំបុត្រ តាមរយៈទូរសារ ឬតាមអ៊ីម៉ែល ។
នៅថ្ងៃសំភាសន៍ យើងខ្ញុំមិនអាចអនុញ្ញាតិអោយសមាជិកក្រុមគ្រួសារ មិត្ដភ័ក្ដិ ឬបុគ្គលណាម្នាក់ចូលរួមក្នុងកិច្ចសំភាសន៍នេះបានទេ។ ការសំភាសន៍នឹងត្រូវចាប់ផ្ដើមតាមលេខរៀងដែលគេផ្ដល់ជូនពេលលោកអ្នកអញ្ជើញមកដល់ស្ថានទូត ប៉ុន្ដែបេក្ខជនម្នាក់ៗគួរតែត្រៀមពេលវេលារង់ចាំខ្លះទៀតក្នុងករណីចាំបាច់ ។
សហរដ្ឋអាមេរិកមិនតំរូវអោយពលរដ្ឋកម្ពុជាដែលទទួលបានទិដ្ឋាការទេសចរណ៍ ឬមុខជំនួញបង់ប្រាក់បន្ថែមលើកំរៃនៃការដាក់ពាក្យសុំទិដ្ឋាការធម្មតា (១៣១ដុល្លា) ព្រោះមានជាតិសាសន៍ខ្លះប្រសិនបើគេមានលក្ខណៈសម្បត្ដិសមស្របសំរាប់ទិដ្ឋាការអាមេរិកនោះ ពួកគេត្រូវតែបង់ប្រាក់បន្ថែមខ្លះទៀត អាស្រ័យទៅតាមកិច្ចព្រមព្រៀងទ្វេរភាគីរវាងរដ្ឋាភិបាលសហរដ្ឋអាមេរិក និងរដ្ឋាភិបាលនៃបណ្ដាប្រទេសទាំងនោះ។
លោកអ្នកអាចអញ្ជើញមកទទួលយកលិខិតឆ្លងដែនដែលមានទិដ្ឋាការអាមេរិកនៅវេលាម៉ោង ៤:០០រសៀលនាថ្ងៃបន្ទាប់ រៀងរាល់ពីថ្ងៃច័ន្ទ ដល់ថ្ងៃព្រហស្បតិ៍ ។ ការិយាល័យកុងស៊ុលសូមជំរាបថា បេក្ខជនពុំគួរទិញសំបុត្រយន្ដហោះមុនពេលទទួលបានទិដ្ឋាការពីស្ថានទូតអាមេរិកឡើយ ។
ពត៌មានសំរាប់ទិដ្ឋាការប្រភេទ H1B បេក្ខជនសុំទិដ្ឋាការទៅធ្វើការងារបណ្ដោះអាសន្ន
សូមអានពត៌មាននៅក្នុងវិបសាយនេះ U.S. Citizenship & Immigration - Temporary Workers
ទិដ្ឋាការអន្ដោប្រវេសន៍
ការណាត់ពេលវេលាសំភាសន៍របស់បេក្ខជនសុំទិដ្ឋាការអន្ដោប្រវេសន៍មិនមែនធ្វើតាមរបៀបនេះទេ។ ផ្នែកទិដ្ឋាការអន្ដោប្រវេសន៍នឹងទំនាក់ទំនងទៅលោកអ្នកដោយផ្ទាល់ពេលដែលគេទទួលបានសំណុំឯកសារគ្រប់គ្រាន់ ។ សូមជំរាបថា យើងខ្ញុំមិនអាចឆ្លើយសំណួរអំពីទិដ្ឋាការអន្ដោប្រវេសន៍តាមទូរស័ព្ទបានទេ ។
សេវាទិដ្ឋាការ
ទិ.ការមិនអន្តោ.
របៀបសុំ
តំរូវការរូបថត
ការពិនិត្យសំរេច/រង់ចាំ
ទិដ្ឋាការសិស្ស
ទិដ្ឋាការទេសចរ/ទិដ្ឋាការជំនួញ
ទិដ្ឋាការការទូត/ផ្លូវការ
