សេវាទិដ្ឋាការ
កម្មវិធីលើកលែងទិដ្ឋាការ
កម្មវិធីនេះអនុញ្ញាតិអោយពលរដ្ឋនៃបណ្ដាប្រទេសមួយចំនួនអាចធ្វើដំណើរទៅសហរដ្ឋអាមេរិកបានជាលក្ខណៈទេសចរណ៍ ឬដើម្បីមុខជំនួញដោយមិនចាំបាច់មានទិដ្ឋាការឡើយ ហើយពួកគេអាចស្នាក់នៅសហរដ្ឋអាមេរិកបានយ៉ាងយូរបំផុត ៩០ ថ្ងៃ។ កម្មវិធីនេះត្រូវបានបង្កើតឡើងក្នុងឆ្នាំ១៩៨៦ ក្នុងគោលបំណងដើម្បីបង្កលក្ខណៈងាយស្រួលក្នុងការធ្វើដំណើរ និងដើម្បីលើកកំពស់ឧស្សាហកម្មទេសចរណ៍ ហើយម្យ៉ាងទៀតក៏អាចទុកលទ្ធភាពអោយក្រសួងការបរទេសសហរដ្ឋអាមេរិកផ្ដោតការយកចិត្ដទុកដាក់ចំពោះកិច្ចការកុងស៊ុលលើចំណុចផ្សេងៗទៀត។ ផ្ទុយទៅវិញ ទោះបីជាលោកអ្នកជាពលរដ្ឋរបស់បណ្ដាប្រទេសដែលត្រូវបានគេលើកលែងទិដ្ឋាការអោយក៏ដោយ ក៏នៅតែ អាចដាក់ពាក្យសុំទិដ្ឋាការបានដែរប្រសិនបើមានបំណងចង់សុំ ។ សូមជំរាបថា មានតែបណ្ដាប្រទេសមួយចំនួនតូចប៉ុណ្ណោះដែលអាចចូលរួម ក្នុងកម្មវិធីលើកលែងទិដ្ឋាការនេះបាន ហើយក៏ពុំមែនមានន័យថាគ្រប់ពលរដ្ឋរបស់ប្រទេសទាំងនេះសុទ្ធតែអាចធ្វើដំណើរទៅសហរដ្ឋអាមេរិក បានដោយមិនចាំបាច់ត្រូវការទិដ្ឋាការនោះដែរ ។ អ្នកដំណើរដែលធ្វើដំណើរពីបណ្ដាប្រទេសលើកលែងទិដ្ឋាការទាំងនោះ នឹងត្រូវគេត្រួត ពិនិត្យយ៉ាងល្អិតល្អន់មុនពេលអនុញ្ញាតិអោយចូលទឹកដីសហរដ្ឋអាមេរិក ហើយឈ្មោះរបស់ពួកគេនឹងត្រូវបញ្ជូលទៅក្នុងកម្មវិធី US-VISIT របស់ក្រសួងសន្ដិសុខមាតុភូមិសហរដ្ឋអាមេរិក ។ ក្រសួងសនិ្តសុខមាតុភូមិប្រកាសកម្មវិធីអនុញ្ញាតិមុនចេញដំណើរសំរាប់អ្នកធ្វើដំណើរទៅកាន់សហរដ្ឋអាមេរិកពីប្រទេសដែលទទួលការលើកលែងទិដ្ឋាការ។
សំរាប់ពត៌មានបន្ថែមទៀតពីកម្មវិធីលើកលែងទិដ្ឋាការ សូមចុចនៅទីនេះ ។
សេវាទិដ្ឋាការ
ពត៌មានទាក់ទង
លើកលែងទិដ្ឋាការ
ទិ.ការមិនអន្តោ.
