ឯកអគ្គរដ្ឋទូត Carol Rodley ទស្សនាសកម្មភាពរបស់អង្គការ Operation Smile
មន្ទីរពេទ្យព្រះសីហនុ ភ្នំពេញ
ថ្ងៃទី ១២ ខែមិនា ឆ្នាំ ២០០៩
 |
ឯកអគ្គរដ្ឋទូត Rodley (ទី ៤ រាប់ពីឆ្វេង) ថតរូបជា
មួយបុគ្គលិក Operation Smile ។ រូបពង្រីក |
នៅថ្ងៃទី ១២ ខែមិនា ឆ្នាំ ២០០៩ លោកស្រីឯកអគ្គរដ្ឋទូត Carol Rodley បានធ្វើដំណើរទៅកាន់មន្ទីរពេទ្យព្រះសីហនុ ដើម្បីជួបជាមួយបុគ្គលិកនិងអ្នកស្ម័គ្រចិត្តមកពីអង្គការ Operation Smile (ការវះកាត់ដើម្បីការញញឹម)។ លោកស្រីឯកអគ្គរដ្ឋទូតបានជួប និយាយជាមួយវេជ្ជបណ្ឌិតនៅទីនោះ ហើយបាននៅមើល ការវះកាត់ដែលកំពុងដំណើរការ។ តាំងពីឆ្នាំ ២០០២ មក ក្រុមអ្នកស្ម័គ្រចិត្តមកពីអង្គការ Operation Smile បានធ្វើការនៅភ្នំពេញ ដើម្បីកែប្រែជីវិតរបស់កុមារកម្ពុជា។
ក្រុមគ្រូពេទ្យវះកាត់កែសម្ផស្ស អ្នកជំនាញផ្នែកថ្នាំសណ្តំ គិលានុប្បដ្ឋាក គិលានុប្បដ្ឋាយិការ គ្រូពេទ្យជំនាញខាងតំរង់ធ្មេញនិងថ្គាម គ្រូពេទ្យជំនាញខាងកែផ្នែកសំលេងនិយាយ និងគ្រូពេទ្យជំនាញឯទៀត ដែលតំណាងអោយប្រទេសឥណ្ឌា ហ្វីលីពីន វៀតណាម ចក្រភពអង់គ្លេស និងសហរដ្ឋអាមេរិក នឹងធ្វើការជាមួយក្រុមគ្រូពេទ្យខ្មែរ ដើម្បីធ្វើការវះកាត់កែលំអដល់កុមារ និងយុវវ័យ។
ក្រុមគ្រូពេទ្យស្ម័គ្រចិត្ត Operation Smile បានធ្វើការពិនិត្យរាងកាយដោយមិនយកកំរ៉ៃដល់កុមារកម្ពុជាចំនួនជាង ៣២០០ នាក់ ហើយមាន ១៤០០ នាក់បានទទួលការវះកាត់កែប្រែជីវិតរស់នៅ ក្នុងអំឡុងពេលនៃបេសកកម្មផ្នែកសុខាភិបាលក្នុងពេលកន្លងមក។ នេះគឺជាបេសកកម្មផ្នែកសុខាភិបាលើកទី ៨ នៅភ្នំពេញ របស់អង្គការ Operation Smile ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
