ក្រសួងមហាផ្ទៃបង្ហាញយុទ្ធសាស្រ្តប្រឆាំងនឹងជំងឺអេដស៍ ដែលទ្រទ្រង់ដោយទីភ្នាក់ងារសហរដ្ឋអាមេរិកសំរាប់ការអភិវឌ្ឍអន្តរជាតិ
ក្រសួងមហាផ្ទៃ
ថ្ងៃទី ៣០ ខែមេសា ឆ្នាំ ២០០៩
ក្រសួងមហាផ្ទៃបានដាក់ចេញយុទ្ធសាស្រ្តថ្មី សំរាប់រយៈពេល ៥ ឆ្នាំ ដើម្បីឆ្លើយតបនឹងការប្រែប្រួលនៃជំងឺអេដស៍ នៅកម្ពុជា។ ក្រសួងបានបង្ហាញយុទ្ធសាស្រ្តនេះកាលពីថ្ងៃទី ៣០ ខែឧសភា នៅសណ្ឋាគារកាំបូឌីយ៉ាណា ក្នុងក្រុងភ្នំពេញ ដោយមានអ្នកចូលរួមជាង ១៥០ នាក់ជាសមាជិករដ្ឋាភិបាល កងកំលាំងនគរបាល និងជាមន្រ្តីរាជការ។
ផែនការជាយុទ្ធសាស្រ្តសំរាប់ឆ្លើយតបនឹងជំងឺអេដស៍ ឆ្នាំ ២០០៩ អំពាវនាវអោយនគរបាលដើរតួនាទីដឹកនាំក្នុងការការពារការឆ្លងមេរោគអេដស៍ ការសំរបសំរួលល្អរវាងកម្មវិធីប្រឆាំងជំងឺអេដស៍ និងកម្មវិធីប្រឆាំងការជួញដូរមនុស្ស ហើយបង្កើនលទ្ធភាពក្នុងការទទួលបានសេវាការពារនិងសេវាព្យាបាលសំរាប់អ្នកប្រើគ្រឿងញៀន។ ផែនការនេះក៏មាននិយាយផងដែរពីគ្រោះថ្នាក់នៃការឆ្លងមេរោគអេដស៍ និងការការពារការឆ្លង ក្នុងជួរកំលាំងនគរបាលខ្លួនឯងផងដែរ។
លោក Johnathan Ross មកពីការិយាល័យសុខភាពសាធារណៈនិងអប់រំ របស់ទីភ្នាក់ងារសហរដ្ឋអាមេរិកសំរាប់ការអភិវឌ្ឍអន្តរជាតិ បានមានប្រសាសន៍ថា “ពេលនេះជាពេលវេលាសំខាន់បំផុត ដែលប្រទេសកម្ពុជាត្រូវធានាថា កម្មវិធីការពារការឆ្លងមេរោគអេដស៍នៅតែមានភាពខ្លាំងក្លា។ យុទ្ធសាស្រ្តថ្មីស្តីពីជំងឺអេដស៍នេះ ដាក់ចេញយ៉ាងច្បាស់នូវផ្លូវដែលត្រូវដើរទៅមុខ។ ការអនុវត្តយុទ្ធសាស្រ្តនេះទាមទារអោយមានការដឹកនាំរបស់ក្រសួងមហាផ្ទៃ ឆន្ទៈ និងការចូលរួមយ៉ាងសកម្មរបស់ក្រុមពាក់ព័ន្ធនានា ដែលបានជួយតាក់តែងយុទ្ធសាស្រ្តនេះឡើង។”
យុទ្ធសាស្រ្តនេះកើតចេញពីរយៈពេល ១៥ ឆ្នាំនៃការសហការគ្នាលើការការពារការឆ្លងមេរោគអេដស៍រវាងរដ្ឋាភិបាលអាមេរិក និងរដ្ឋាភិបាលកម្ពុជា។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
