កម្មវិធីផ្សេងៗ ក្នុងឆ្នាំ២០១២
- បកប្រែ:
- English
ក្រុមកីឡារបស់បេសកកម្មភាពជាដៃគូ នៅតំបន់ប៉ាស៊ីហ្វិក ឆ្នាំ២០១២ ចាប់ផ្តើមសកម្មភាពនៅប្រទេសកម្ពុជាជាមួយនឹងការប្រកួតកីឡាមិត្តភាព
ខេត្តព្រះសីហនុ | ថ្ងៃទី២៨ ខែកក្កដា ឆ្នាំ២០១២
លោក Adam Cohen ដែលជាប្រធានក្រុមមកពី PP12 បានមានប្រសាសន៍ថា "ចំណុចល្អបំផុតនៅថ្ងៃនេះគឺការមកជួបជុំគ្នានៃអ្នកលេងទាំងអស់។ ខ្ញុំគិតថា ក្រុមកម្ពុជាពិតជាចង់អោយយើងមកលេង និងចង់អោយយើងប្រឹងលេងអស់សមត្ថភាព។"
អ្នកស្ម័គ្រចិត្តក្នុងបេសកកម្មភាពជាដៃគូតំបន់ប៉ាស៊ីហ្វិក ឆ្នាំ២០១២ (PP12) បានចាប់ផ្តើមសកម្មភាពបេសកកម្មនៅប្រទេសកម្ពុជាជាមួយនឹងការលេងបាល់ទាត់មិត្តភាពជាមួយក្រុមក្នុងមូលដ្ឋាន។ ក្នុងពេលនោះ អ្នកលេងក្នុងក្រុមទាំងសងខាងបានរៀនពីវប្បធម៌គ្នាទៅវិញទៅមកក្នុងលក្ខណៈជាការប្រកួតគ្នា នៅក្នុងអំឡុងនៃគំរោងស្តីពីការផ្តល់សេវាដល់សហគមន៍។ លោក Adam Cohen ដែលជាប្រធានក្រុមមកពី PP12 បានមានប្រសាសន៍ថា “ចំណុចល្អបំផុតនៅថ្ងៃនេះគឺការមកជួបជុំគ្នានៃអ្នកលេងទាំងអស់។ ខ្ញុំគិតថា ក្រុមកម្ពុជាពិតជាចង់អោយយើងមកលេង និងចង់អោយយើងប្រឹងលេងអស់សមត្ថភាព។ យើងមានការសប្បាយច្រើន ហើយយើងបានត្រឡប់ទៅវិញជាមួយនឹងអារម្មណ៍ល្អ”។
ក្រុមកម្ពុជា ដែលជាអ្នកស្ម័គ្រចិត្តមកពីអង្គការមិនមែនរដ្ឋាភិបាលក្នុងមូលដ្ឋាន និងធ្វើការជាមួយកុមារកំព្រា បានគិតថា “ការប្រកួតនោះនាំអោយគេមានការសប្បាយយ៉ាងច្រើន។ សៅរិន ដែលជាប្រធានក្រុមកម្ពុជា បានមានប្រសាសន៍ថា “អ្នកលេងគ្រប់គ្នាបានខិតខំអស់សមត្ថភាព ហើយចង់មានឱកាសលេងម្តងទៀត។ ក្នុងនាមជាទីក្រុងម្ចាស់ផ្ទះ យើងរីករាយទទួលនាវា Mercy ជាមួយកីឡាបាល់ទាត់។ វាជាការប្រកួតមិត្តភាពដែលក្រុមទាំងពីរមានការសប្បាយរីករាយ ដោយទន្ទឹមនឹងនោះ យើងបានពង្រឹងទំនាក់ទំនងគ្នា។ យើងមានជំនឿលើការជួបគ្នា ដើម្បីមិត្តភាព។ ដូច្នេះ យើងចង់ធ្វើដូច្នេះម្តងទៀត”។ លោកសៅរិនបានមានប្រសាសន៍បន្តទៀតថា “ថ្វីបើវាជាការប្រកួតមិត្តភាពមែន តែទាំងសងខាងបានប្រឹងប្រែងយកឈ្នេះចាញ់ អស់សមត្ថភាពនៅលើទីលានប្រកួត។ ក្រុមអង្គការមិនមែនរដ្ឋាភិបាលកម្ពុជាបានឈ្នេះ ៥ ទល់នឹង ៣។ អ្នកលេងគ្រប់គ្នាបានប្រឹងអស់សមត្ថភាព។ ចំណុចល្អបំផុតគឺថា ក្រុមទាំងពីរមានសមត្ថភាពប្រហាក់ប្រហែលគ្នា”។
លោក Cohen បានមានប្រសាសន៍ថា “ការប្រកួតនោះបានផ្តល់អោយក្រុមបេសកកម្ម PP12 នូវឱកាសបានចូលរួមប្រកួតម្តងទៀត។ ខ្ញុំមិនគិតថា គេដឹងថាតើវានឹងធ្វើអោយមានអារម្មណ៍ល្អប៉ុនណា នៅពេលដែលបានប្រកួតម្តងទៀតក្នុងបរិយាកាសដូចនេះ ដែលភាគីទាំងសងខាងមានការចាប់អារម្មណ៍យ៉ាងខ្លាំង។ បុព្វហេតុនៃការប្រកួតនេះគឺការលេងកីឡាដែលបំរើបុព្វហេតុត្រឹមត្រូវមួយ។ ខ្ញុំគិតថា យើងធ្វើអោយមានការចាប់អារម្មណ៍ល្អ នៅពេលចាប់ផ្តើមដំបូង”។
នៅប្រទេសកម្ពុជា គំរោងបំរើសហគមន៍របស់បេសកកម្ម PP12 មានបំណងកសាងទំនាក់ទំនងជាមួយប្រជាជនមូលដ្ឋាន ដើម្បីជួយពង្រឹងការយល់គ្នា និងអន្តរប្រតិបត្តិការ សំរាប់ត្រៀមពេលមានករណីមានគ្រោះមហន្តរាយធម្មជាតិនៅពេលអនាគត។
បេសកកម្មភាពជាដៃគូនៅតំបន់ប៉ាស៊ីហ្វិកមានអាយុ ៧ ឆ្នាំហើយ ហើយវាគឺជាបេសកកម្មផ្តល់ជំនួយមនុស្សធម៌ និងជំនួយដល់ជនស៊ីវិលរបស់កងនាវាសហរដ្ឋអាមេរិកប្រចាំនៅតំបន់ប៉ាស៊ីហ្វិក ដែលយោធាអាមេរិក ប្រទេសដៃគូនិងប្រទេសម្ចាស់ផ្ទះ អង្គការមិនមែនរដ្ឋាភិបាល និងទីភ្នាកងារអន្តរជាតិបានរៀបចំអោយមានឡើងដើម្បីកសាងទំនាក់ទំនងអោយរឹងមាំឡើង និងពង្រឹងសមត្ថភាពក្នុងការឆ្លើយតបនឹងគ្រោះមហន្តរាយ នៅតំបន់អាស៊ីប៉ាស៊ីហ្វឹក។
- Share
- Delicious
- Digg
- StumbleUpon
