សេចក្តីប្រកាសពត៌មាន
ឯកអគ្គរដ្ឋទូតសហរដ្ឋអាមេរិកថ្មី លោកស្រី Rodley ថ្វាយសារតាំង
ចេញថ្ងៃទី ២០ ខែមករា ឆ្នាំ២០០៨
លោកស្រី Carol A. Rodley ឯកអគ្គរដ្ឋទូតថ្មីរបស់សហរដ្ឋអាមេរិកប្រចាំព្រះរាជាណាចក្រកម្ពុជា បានថ្វាយសារតាំងដល់ព្រះមហាក្សត្រ ព្រះករុណាព្រះបាទ នរោត្តម ស៊ីហមុនី នៅព្រឹកថ្ងៃអង្គារ៍ ទី ២០ ខែមករា ឆ្នាំ ២០០៩ ក្នុងពិធីមួយដែលបានបា្ររព្ធធ្វើក្នុងព្រះបរមរាជវាំង នាទីក្រុងភ្នំពេញ។
ថ្លែងទៅកាន់ព្រះបាទសម្តេចព្រះបរមនាថ នរោត្តម ស៊ីហមុនី លោកស្រីឯកអគ្គរដ្ឋទូត Rodley បានមានប្រសាសន៍ថា សហរដ្ឋអាមេរិកសង្ឃឹមបន្តចំណងមិត្តភាព និងកិច្ចសហប្រតិបត្តិការជាមួយព្រះរាជាណាចក្រកម្ពុជា នៅក្នុងវិស័យវប្បធម៌ សេដ្ឋកិច្ច និងនយោបាយ។ លោកស្រីបានផ្តោតសំខាន់លើវិស័យវប្បធម៌ ដែលក្នុងនោះយើងមានឱកាសច្រើន ក្នុងការធ្វើអោយទំនាក់ទំនងទ្វេភាគីរបស់យើងកាន់តែមានភាពជ្រាលជ្រៅថែមទៀត។
លោកស្រីឯកអគ្គរដ្ឋទូត Rodley ត្រូវបានតែងតាំងដោយលោកប្រធានាធិបតី George W. Bush នៅថ្ងៃទី ១២ ខែមិថុនា ឆ្នាំ ២០០៨ ហើយបានទទួលការយល់ព្រមពីព្រឹទ្ធសភាអាមេរិកនៅថ្ងៃទី ២ ខែតុលា ឆ្នាំ ២០០៨។ លោកស្រីត្រូវបានដឹកនាំស្បថចូលកាន់តំណែងដោយលោកអនុរដ្ឋមន្រ្តីក្រសួងការបរទេសអាមេរិក John D. Negroponte នៅថ្ងៃទី ២៤ ខែតុលា ឆ្នាំ ២០០៨ ជាឯកអគ្គរដ្ឋទូតវិសាមញ្ញនិងពេញសមត្ថភាពរបស់ប្រទេសអាមេរិកប្រចាំនៅព្រះរាជាណាចក្រកម្ពុជា។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
