សេចក្តីប្រកាសព័ត៌មាន
ពិព័រណ៍យុវជនប្រជាធិបតេយ្យទាក់ទាញអ្នកចូលរួមជាង ១៤ ម៉ឺននាក់
ចេញថ្ងៃទី ២០ ខែកក្កដា ឆ្នាំ ២០០៩
ភ្នំពេញ – កម្ពុជា យុវជនវ័យក្មេងជាង ៦៩,០០០នាក់ បានចូលរួមក្នុងកម្មវិធីពិព៌ណយុវជនក្រោមការ ឧបត្ថម្ភគាំ ទ្រដោយ សហរដ្ឋអាមេរិកនៅពហុកីឡាដ្ឋានបាល់ទាត់ក្រុងកំពង់ចាមពីថ្ងៃទី ១៨-១៩ ខែកក្ដដា។ ការតាំងពិព័រណ៌ នេះជាកម្មវិធីចុង ក្រោយក្នុងចំណោមកម្មវិធីពិព័រណ៍យុវជនទាំង៨ ដែលបាន រៀបចំឡើងទូទាំងប្រទេស កម្ពុជា ដែលបានចាប់ផ្ដើមឡើងតាំងពី ខែមេសា ឆ្នាំ២០០៦ ដោយបានទាក់ទាញយុវជនឱ្យចូលរួមសរុបជាង ១៤២,០០០ នៅក្នុងខេត្ដក្រុងទាំងអស់ទូទាំងប្រទេស។
កម្មវិធីពិព័រណ៍យុវជនបានបង្កើតឡើងដើម្បីលើកកំពស់ប្រជាធិបតេយ្យ និង ជំរុញយុវជននៅក្នុងដំណើរការនយោ បាយ ហើយជាផ្នែកមួយកំពុងតែបន្ដសំរាប់កិច្ចខិតខំប្រឹងប្រែងរបស់សហរដ្ឋអាមេរិកដើម្បីពង្រឹងសង្គមស៊ីវិល និង អភិបាលកិច្ចល្អ នៅកម្ពុជា។
ពិព័រណ៍រយៈពេល២ថ្ងៃនៅខេត្ដកំពង់ចាមបានរួមបញ្ចូលនូវសិក្ខាសាលាស្ដីពីជំនាញផ្សេងៗ ការប្រគុំដន្ដ្រី និង ស្ដង់ព័ត៌មាន ដោយផ្ដោតទៅលើប្រធានបទដូចជា របៀបដែលក្រុមប្រឹក្សាក្រុមសង្កាត់បំពេញការងារ និងប្រវត្ដិ សាស្ដ្រស្តីពួកខ្មែរក្រហម។
ប្អូនប្រុស មាន បាន អាយុ ២០ឆ្នាំ ជានិស្សិតនៅមហាវិទ្យាល័យជាស៊ីមចំចាយមារ ព្រែវែង បានប្រាប់ឱ្យដឹងថា “ ប្អូនបានមកចូលរួមក្នុងកម្មវិធីនេះ ពីព្រោះដោយសារពិព័រណ៍នេះបានអនុញ្ញាតិឱ្យយុវវ័យពីគ្រប់ទីកន្លែងជួបគ្នា និង ចែករំលែកនូវក្ដីបារម្ភ និង សេចក្ដីប្រាថ្នារបស់ពួកគេ ”។ ហើយប្អូនប្រុសបានប្រាប់ឱ្យដឹងទៀតថា “ កម្មវិធីពិព័រណ៍នេះអស្ចារ្យណាស់ ពីព្រោះបានផ្ដល់ឱកាសឱ្យខ្ញុំបានបញ្ចេញសមត្ថភាពរបស់ខ្ញុំចំពោះសហគមន៍ ”។
កម្មវិធីនេះបានចាប់ផ្ដើមនៅថ្ងៃសៅរ៍ ទី១៨ ខែកក្ដដា គណៈអធិបតីដែលចូលរួមនៅក្នុងកម្មវិធីបើកពិព័រណ៍យុវជននេះរួមមាន លោកស្រី ខុន ស៊ុនអេង អភិបាលរងខេត្ដកំពង់ចាម និង លោក Paul Randolph ប្រធានស្ដីទីការិយាល័យអភិវឌ្ឈន៍ទូទៅរបស់ USAID ដែលបានឡើងថែ្លងសុន្ទករថា។
លោក Randolph បានមានប្រសាសន៍ថា “ ប្រជាធិបតេយ្យមានន័យថា ប្អូនៗមានឱកាសចូលរួម និងបញ្ចេញយោបល់ឱ្យ អ្នកដទៃបានដឹងតាមរយៈ សកម្មភាព សំលេង និងសន្លឹកឆ្នោត។ ប្អូនដែលជាយុវជនកម្ពុជានឹងធ្វើការសំរេចចិត្ដក្នុងការបោះឆ្នោតសំរេចអនាគតនៃប្រទេសកម្ពុជា។ ”
ក្នុងពេលពីរថ្ងៃបន្ទាប់ មានអ្នកចូលរួមទស្សនាពិព័រណ៍ស្ដង់ព័ត៌មានដែលបានរៀបចំឡើងដោយអង្គការក្រៅរដ្ឋាភិបាលក្នុងស្រុក និង ក្រុមហ៊ុនឯងជននានា។ លើសពីនេះទៅទៀត សិស្ស និស្សិតបានចូលរួមនៅក្នុងកម្មវិធីសិក្ខាសាលាផ្ទាល់នៅកន្លែង ដោយមានប្រធានបទច្រើនរួមមាន ការរៃអង្គាសថវិកា ការជជែកដេញដោល និង សារព័ត៌មាន។ កម្មវិធីពេលរាត្រីក្នុងថ្ងៃ ទាំងពីរនោះមានការប្រគុំតន្ដ្រីសម្ដែងដោយសិល្បករកម្ពុជាល្បីៗដូចជាលោក ខេមរៈ សិរិមន កញ្ញា កញ្ញ សុគន្ធ នីសា លោក ឆន សុវណ្ណរាជ និង កញ្ញា មាស សុខសោភា ដែលបានចាក់ផ្សាយតាមស្ថានីយទូរទស្សន៍យុវវ័យ MYTV។
ប្អូន សាឡាំ អាយុ ១៩ឆ្នាំ ជាសិស្សវិទ្យាល័យ ជាអ្នកស្ម័គ្រចិត្ដនៃក្រុមប្រឹក្សាយុវជនកម្ពុជាក្រោមជំនួយរបស់សហរដ្ឋអាមេរិក បានប្រាប់ឱ្យដឹងថាយុវវ័យដែលបានចូលនឹងអាចយកនូវជំនាញដែ់លពួកគេបានសិក្សាទៅអនុវត្ដនៅក្នុងជីវិតប្រចាំថ្ងៃរបស់ពួក គេ។ ប្អូនបានបន្ដទៀតថា “ ខ្ញុំបានទទួលនូវលទ្ធផលដ៏ល្អពីចំណេះដឹងដែលខ្ញុំបានរៀនពីកម្មវិធីពិព័រណ៍យុវជននេះកាលពីលើក មុន” រួមទាំងជំនាញនៅក្នុងការសរសេរបញ្ចុះបញ្ចូល។
សហរដ្ឋអាមេរិកប្ដេជ្ញាជួយលើកំពស់ដល់សកម្មភាពយុវជនចូលរួមក្នុងនយោបាយ និង សង្គមស៊ីវិលនៅកម្ពុជា។ ជាចុងក្រោយ ទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្ដរជាតិ USAID បានផ្ដល់មូលនិធិសំរាប់ពិព័រណ៍យុវជន និង កម្មវិធីយុវជនឆ្នើម ដែលជាកម្មវិធីទូរទស្សន៍បង្ហាញភាពពិតជាក់ស្ដែង ដែលមានអ្នកចូលរួមទស្សនារាប់លាននាក់ ហើយនឹងឈានចូលវគ្គទី៦ ក្នុងពេលឆាប់ៗនេះនៅលើស្ថានីយ៍ទូរទស្សន៍ CTN។ ពិព័រណ៍យុវជនបានរៀបចំកន្លងមករួមាននៅខេត្ដបាត់ដំបង កំពង់ចាម ស្វាយរៀង តាកែវ ពោធិ៍សាត់ និង ខេត្ដព្រៃវែង។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
