សេចក្តីប្រកាសព័ត៌មាន
ពិធីបិទកម្មវិធីបណ្តុះបណ្តាលស្តីពីការការពារបេតិកភណ្ឌវប្បធម៌
ចេញថ្ងៃទី ២២ ខែកក្កដា ឆ្នាំ ២០០៩
នៅថ្ងៃសុក្រ ទី ២៤ ខែ កក្កដា វេលា ម៉ោង ១៦:០០ លោកស្រីឯកអគ្គរដ្ឋទូតអាមេរិក Carol Rodley និងឯកឧត្តម នាយឧត្តមសេនីយ៏ នេត សាវឿន នឹងធ្វើជាអធិបតីក្នុងពិធីបិទសិក្ខាសាលាបណ្តុះ បណ្តាលស្តីពីការការពារបេតិកភណ្ឌវប្បធម៌ ដែលនឹងប្រព្រឹត្តទៅនៅស្ថានទូតអាមេរិក ក្នុងទីក្រុង ភ្នំពេញ។ វគ្គបណ្តុះបណ្តាលនេះត្រូវបានរៀបចំឡើងដោយទីភ្នាក់ងារ FBI ហើយគ្រូឧទ្ទេសនាម រួម មានតំណាងមកពីផ្នែកឧទ្យានជាតិ និងក្រសួងការបរទេសសហរដ្ឋអាមេរិក។ នេះគឺជាសិក្ខាសាលា បណ្តុះបណ្តាលលើកទី ២ ។ សិក្ខាសាលាបណ្តុះបណ្តាលលើកទី ១ ត្រូវបានធ្វើនៅខេត្តសៀមរាប កាល ពីថ្ងៃចន្ទ និងថ្ងៃអង្គារក្នុងសប្តាហ៍នេះ ដោយមានសិក្ខាកាមចូលរួមចំនួន ៤២ នាក់។ មានមន្រ្តីនគរបាល ក្នុងជំនាញចំនួន៤២នាក់ផ្សេងទៀត បានចូលរួមក្នុងវគ្គបណ្តុះបណ្តាលនៅថ្ងៃព្រហស្បតិ៍ និងថ្ងៃសុក្រ នៅភ្នំពេញ។
នៅក្នុងពិធីបិទវគ្គនេះ លោកស្រីឯកអគ្គរដ្ឋទូតក៏នឹងប្រគល់ជូនផងដែរដល់ឯកឧត្តម នាយឧត្តម សេនីយ៏ នេត សាវឿន នូវកុំព្យូទ័រនិងគ្រឿងបរិក្ខារអេឡិចត្រូនិច ដែលគិតជាទឹកប្រាក់មានតំលៃប្រមាណ ១២ ០០០ ដុល្លាអាមេរិក សំរាប់ជួយសមត្ថកិច្ចកម្ពុជាក្នុងការចាប់ និងដាក់ទោសអ្នកដែលមានការពាក់ ព័ន្ធក្នុងការលួចវត្ថុបូរាណ។
សមាជិកផ្នែកសារព័ត៌មានត្រូវបានអញ្ជើញអោយចូលរួមយកព័ត៌មានក្នុងពិធីបិទនេះ។ សូម បញ្ជាក់ការចូលរួមរបស់លោក-អ្នក នៅត្រឹមម៉ោង ១៣:០០ ថ្ងៃទី ២៣ កក្កដា ដោយទាក់ទងមកផ្នែក កិច្ចការសាធារណៈរបស់ស្ថានទូតសហរដ្ឋអាមេរិក ដោយហៅទូរស័ព្ទមកកាន់លេខ ០២៣ ៧២៨ ២៥៨ ឬអ៊ីម៉េលមកកាន់ ChreaV@state.gov ។ សមាជិកសារព័ត៌មានគួរមកដល់ស្ថានទូតអាមេរិកយ៉ាង ហោចណាស់ ត្រឹមម៉ោង ១៥:៣០ ដើម្បីឆ្លងកាត់ការត្រួតពិនិត្យសន្តិសុខជាមុនក្នុងថៃ្ងបា្ររព្ធពិធី។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
