សេចក្តីប្រកាសព័ត៌មាន
ពិធីសច្ចាប្រណិធានសំរាប់អ្នកស្ម័គ្រចិត្តថ្មីនៃទីភ្នាក់ងារ Peace Corps នៅកម្ពុជា
ចេញថ្ងៃទី ២៣ កញ្ញា ឆ្នាំ ២០០៩
ស្ថានទូតសហរដ្ឋអាមេរិកមានសេចក្តីរីករាយ សូមអញ្ជើញសមាជិកសារព័ត៌មានចូលរួមក្នុងពិធីសច្ចាប្រណិធានចូលបំពេញការងារជាអ្នកស្ម័គ្រចិត្តសំរាប់ឆ្នាំនេះ របស់ទីភ្នាក់ងារ Peace Corps ។ លោក Jon Darrah នាយកទីភ្នាក់ងារ Peace Corps នៅកម្ពុជា នឹងធ្វើជាអធិបតីក្នុងពិធីនេះ ហើយ លោកស្រីឯកអគ្គរដ្ឋទូតអាមេរិក Rodley ក៏នឹងថ្លែងសុន្ទរកថាផងដែរក្នុងឳកាសនោះ។ ភ្ញៀវកិត្តិយស ខាងភាគីកម្ពុជា មានឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំ យុវជន និងកីឡា។
ពិធីសច្ចាប្រណិធាននេះ នឹងប្រព្រឹត្តទៅនៅថ្ងៃសុក្រ ទី ២៥ ខែកញ្ញា វេលាម៉ោង ២:៣០ នាទីរសៀល នៅវិទ្យាស្ថានជាតិអប់រំ ដែលស្ថិតនៅជិតវិមានឯករាជ្យ តាមមហាវិថីព្រះនរោត្តម។
សូមមើលឯកសារភ្ជាប់ ចំពោះព័ត៌មានស្តីពីទីភ្នាក់ងារ Peace Corps ឬបើកមើលគេហទំព័រ របស់ទីភ្នាក់ងារ Peace Corps ដែលមានអាស័យដ្ឋាន http://www.peacecoprs.gov/ ។