សេចក្តីប្រកាសព័ត៌មាន
ស្ថានទូតអាមេរិកនឹងរៀបចំសន្និសីទស្តីពីការអភិវឌ្ឍថាមពល នៅក្នុងមហាអនុតំបន់ទន្លេមេគង្គ
ចេញថ្ងៃទី ២៥ ខែកញ្ញា ឆ្នាំ ២០០៩
ស្ថានទូតអាមេរិក នៅទីក្រុងភ្នំពេញមានសេចក្តីរីករាយសូមប្រកាសពីការបើកសន្និសីទមួយស្តីពីការអភិវឌ្ឍថាមពល ក្នុងមហាអនុតំបន់ទន្លេ មេគង្គ ដែលនឹងប្រព្រឹត្តធ្វើនៅសណ្ឋាគារ Intercontinental Hotel នៅថ្ងៃទី ២៩ និង ៣០ ខែកញ្ញា ឆ្នាំ ២០០៩ វេលាម៉ោង ៨ ព្រឹក។
ឯកអគ្គរដ្ឋទូតអាមេរិក Carol A. Rodley នឹងចូលរួមបើកសន្និសីទនេះ ដោយមានការចូលរួមនៃតំណាងក្រុមហ៊ុនពាណិជ្ជកម្មសាធារណៈរបស់អាមេរិកខ្លះ ដែលល្បីជាងគេក្នុងពិភពលោក ដូចជាក្រុមហ៊ុន Chevron, GE, AES, Shlumberger, ConocoPhillips, Dupont, និងក្រុមហ៊ុន Rockwell Automation ព្រមទាំងក្រុមហ៊ុនដទៃជាច្រើនទៀតរបស់អាមេរិក កម្ពុជា ថៃ វៀតណាម សឹង្ហបូរី ម៉ាឡេស៊ី ចិន និងក្រុមហ៊ុនដទៃទៀត ដែលមានការចាប់អារម្មណ៍ចង់រួមចំណែកដល់ការអភិវឌ្ឍវិស៧យថាមពល នៅមហាអនុតំបន់ទន្លេមេគង្គ។
សន្និសីទរយៈពេល២ថ្ងៃនេះ នឹងមានវាគ្មិនមកពីវិស័យសាធារណៈនិងវិស័យឯកជន ពីសហរដ្ឋអាមេរិក កម្ពុជា ចិន ឡាវ ថៃ និង វៀតណាមចូលរួម។ ប្រធានបទនៃសន្និសីទមានរាប់ការស្វែងយល់ពីឱកាសនិងគោលនយោបាយថាមពល នៅក្នុងប្រទេសសមាជិក ដល់ករណីសិក្សាស្តីពីពាណិជ្ជកម្មថាមពល ទាក់ទងទៅនឹងទីផ្សាក្នុងមហាអនុតំបន់ទន្លេមេគង្គ ដែលកំពុងតែរីកធំ ។
កម្មវិធីស្តីពីកិច្ចសហប្រតិបតិ្តការសេដ្ឋកិច្ចក្នុងមហាអនុតំបន់ទន្លមេគង្គ (GMS-EC) គឺជាកិច្ចប្រឹងប្រែងមួយក្នុងតំបន់ ក្នុងចំណោមប្រទេសក្នុងតំបន់អាងទន្លេមេគង្គ ដែលរួមមានប្រទេសកម្ពុជា ចិន ឡាវ ថៃ និងវៀតណាម សំរាប់អភិវឌ្ឍហេដ្ឋារចនាសម្ព័ន្ធថាមពល ដោយមានគោលដៅពង្រីកពាណិជ្ជកម្ម និងការចំរើនលូតលាស់ នៅក្នុងតំបន់។
ការផ្គត់ផ្គង់ថាមពលបានជាប់លាប់ល្អគឺជាប្រការមានសារៈសំខាន់ចាំបាច់នៃការលូតលាស់ និង ពាណិជ្ជកម្មក្នុងមហាអនុតំបន់ទន្លេមេគង្គ ទៅអនាគត។ កម្មវិធី GMS-EC សំលឹងទៅរកផលិតកម្ម និងការចែកចាយថាមពល ក្នុងតំបន់ ដោយបង្កើតឱកាសថ្មីៗសំរាប់អ្នកធ្វើពាណិជ្ជកម្ម អ្នកចែកចាយ និងអ្នកបង្កើតបច្ចេកទេសទាក់ទងនឹងថាមពល។ អាទិភាពនៃកម្មវិធី GMS-EC នេះរួមមានការសហប្រតិបត្តិការគ្នាលើការអភិវឌ្ឍន៏ថាមពល ការដឹកជញ្ជូន ទូរគមនាគមន៍ ទេសចរណ៍ បរិស្ថាន និងធនធានមនុស្ស ដើម្បីពង្រីកឱកាសពាណិជ្ជកម្ម អោយមានកាន់តែច្រើន។ ការវាយតំលៃមួយរបស់ធនាគារអភិវឌ្ឍន៍អាស៊ីទៅលើកម្មវិធីថាមពលក្នុងមហាអនុតំបន់ទន្លេមេគង្គ បានរកឃើញថា ទំនុកចិត្តរបស់វិនិយោគិនក្នុងការដំណើរការគំរោងនាំចេញថាមពលនៅក្នុងតំបន់ មានការកើនឡើងខ្លាំង ដោយសារមានសមាហរណកម្មតំបន់កាន់តែច្រើន៕
####
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
