សេចក្តីប្រកាសព័ត៌មាន
ធនាគារនីហរ័ណ-អាហរ័ណឥឡូវនេះផ្តល់ហិរញ្ញប្បទាន
សំរាប់ការនាំចេញទំនិញពីអាមេរិកមកកាន់កម្ពុជា
ចេញថ្ងៃទី ២៧ ខែតុលា ឆ្នាំ ២០០៩
ទីក្រុងវ៉ាស៊ីងតោន៖ ធនាគារនីហរ័ណ អាហរ័ណរបស់សហរដ្ឋអាមេរិក (Ex-Im Bank) បានប្រកាសអោយដឹង នៅថ្ងៃនេះថា ធនាគានេះនឹងបើកអោយមានការផ្តល់ហិរញ្ញប្បទានសំរាប់ការទិញទំនិញពីសហរដ្ឋអាមេរិក ដោយអ្នកទិញក្នុងវិស័យឯកជននៅប្រទេសកម្ពុជា ក្នុងលក្ខខ័ណ្ឌនៃការទូទាត់សងធនាគារវិញមានរយៈពេលរហូតដល់ ៧ ឆ្នាំ។
សេចក្តីប្រកាសនេះកើតមានឡើងបន្ទាប់ពីការកំណត់របស់លោកប្រធានាធិបតីអាមេរិកអូបាម៉ា កាលពីខែមិថុនា ឆ្នាំ ២០០៩ កន្លងមកនេះថា ប្រទេសកម្ពុជានិងប្រទេសឡាវ លែងត្រូវបានចាត់ទុកជាប្រទេសដើរតាមលទ្ធិម៉ាក្ស លេនីន ទៀតហើយ ដូចមានចែងក្នុងផ្នែក 2(b)(2B)(i) នៃច្បាប់ឆ្នាំ ១៩៤៥ ស្តីពីធនាគារនីហរ័ណ អាហរ័ណ ដែលមានការធ្វើវិសោធនកម្ម (ជំពូកស្តីពីធនាគារនីហរ័ណ អាហរ័ណ។ មុនពេលមានការសំរេចរបស់ លោកប្រធានាធិបតី ធនាគារនីហរ័ណ អាហរ័ណនេះត្រូវបានហាមមិនអោយផ្តល់ហិរញ្ញប្បទាននៅប្រទេសកម្ពុជាទេ ដោយសារការកំណត់យ៉ាងដូច្នេះ។
លោក Fred P. Hochberg នាយកគ្រប់គ្រងនិងប្រធានធនាគារនីហរ័ណ អាហរ័ណ បានមានប្រសាសន៍ថា “លោកប្រធានាធិបតីអូបាម៉ាបានបើកទ្វារចំហធំជាងមុន សំរាប់ក្រុមហ៊ុនអាមេរិកដែលនាំទំនិញចេញមកកាន់ប្រទេសកម្ពុជា ហើយធនាគារនីហរ័ណ អាហរ័ណរបស់អាមេរិកត្រៀមជាស្រេចក្នុងការជួយក្រុមហ៊ុនទាំងនេះ។ យើងរីករាយសូមប្រកាសថា ធនាគារយើងនឹងពិចារណាផ្តល់ហិញ្ញប្បទានរយៈពេលខ្លី និងមធ្យម ដល់អ្នកទិញទំនិញអាមេរិក ក្នុងវិស័យឯកជន ក្នុងទីផ្សាអាស៊ីដែលកាន់តែមានការរីកធំនេះ។
ទីភ្នាក់ងារនានារបស់សហរដ្ឋអាមេរិក រួមទាំងធនាគារនីហរ័ណ អាហរ័ណនេះផង បានចូលរួមក្នុងដំណើរការអន្តរទីភ្នាក់ងារ ដើម្បីពិនិត្យវាយតំលៃហានិភ័យនៅប្រទេសកម្ពុជា និងប្រទេសឡាវ ហើយបានកំណត់លទ្ធផលវាយតំលៃស្តីពីហានិភ័យសំរាប់វិស័យឯកជន នៅប្រទេសកម្ពុជា។ ប្រទេសឡាវកំពុងស្ថិតនៅក្រោមការពិនិត្យវាយតំលៃនៅឡើយ ហើយធនាគារនីហរ័ណ អាហរ័ណនេះ នៅមិនទាន់បើកនៅឡើយក្នុងប្រទេសឡាវ លើកលែងតែប្រតិបត្តិការហិរញ្ញវត្ថុខ្លះ ដែលមានការរៀបចំច្បាស់លាស់ (មានរៀបរាប់ខាងក្រោម) រហូតដល់ដំណើរការបានចប់សព្វគ្រប់។
ធនាគារនីហរ័ណ អាហរ័ណ៊អាមេរិក បើកនៅប្រទេសកម្ពុជា ក្នុងនាមវិស័យឯកជនប៉ុណ្ណោះ ដើម្បីធ្វើហិរញ្ញប្បទានរយៈពេលខ្លី (សងវិញត្រឹមរយៈពេល ១ ឆ្នាំ) និង រយៈពេលមធ្យម (សងវិញក្នុងរយៈពេលពី ១ ទៅ ៧ ឆ្នាំ) សំរាប់ទំនិញនាំចេញពីសហរដ្ឋអាមេរិក។ ការជួយរបស់ធនាគារនីហរ័ណ អាហរ័ណ នៅក្នុងទីផ្សានេះ កំរិតត្រឹមប្រតិបតិ្តការជំនួញជាមួយធនាគារពាណិជ្ជកម្ម ដែលបំពេញមុខងារជាអ្នកធានាតាមផ្លូវច្បាប់។ ទោះជា យ៉ាងណាក៏ដោយ ធនាគារនីហរ័ណ អាហរ័ណនេះ នឹងពិចារណាលើប្រតិបត្តិការជំនួញ ដោយមិនមានការចូលរួមរបស់ធនាគារណាមួយ តែក្នុងករណីពិសេសដោយឡែកៗតែប៉ុណ្ណោះ។
ធនាគារនីហរ័ណ អាហរ័ណនេះ ក៏អាចពិចារណាផងដែរ លើការយល់ព្រមផ្តល់ហិរញ្ញប្បទានសំរាប់ទំនិញនាំចេញពីសហរដ្ឋអាមេរិក ដល់អ្នកទិញក្នុងវិស័យឯកជន នៅប្រទេសកម្ពុជា លើរយៈពេលវែងជាងនេះ នៅក្រោមលក្ខខ័ណ្ឌកំណត់ច្បាស់លាស់ណាមួយ។ ឧទាហរណ៍នៃប្រតិបត្តិការជំនួញដែលអាចទទួលយកបាន មានដូចជាប្រតិបត្តិការហិរញ្ញវត្ថុ ដែលមានការរៀបចំត្រឹមត្រូវ រកចំណូលបាននៅបរទេស ហើយមានគណនេយ្យធនាគារ ឬគណនេយ្យបញ្ញើ ដែលធនាគារនីហរ័ណ អាហរ័ណអាចទទួលយកបាន ហើយនិងការជួលដោយមានរបស់បញ្ចាំ និងរចនាសម្ព័ន្ធហិរញ្ញប្បទានសំរាប់ទំនិញនាំចេញជាគ្រឿងបរិក្ខា ដូចជាយន្តហោះពាណិជ្ជកម្មផលិតដោយសហរដ្ឋអាមេរិកជាដើម។
សំរាប់ឆ្នាំសារពើពន្ធ ២០០៩ ដែលបានដាច់នៅថ្ងៃទី ៣០ ខែកញ្ញា ទឹកប្រាក់ដែលធនាគារនីហរ័ណ អាហរ័ណនេះបានយល់ព្រមធ្វើហិរញ្ញប្បទាន សរុបទាំងអស់មានជាង ២១ ០០០ លានដុល្លាអាមេរិក សំរាប់ជួយដល់ទំនិញនាំចេញពីសហរដ្ឋអាមេរិក នៅទូទាំងពិភពលោក។
ធនាគារនីហរ័ណ អាហរ័ណនេះ គឺជាទីភ្នាក់ងារផ្លូវការ ផ្តល់ឥណទានសំរាប់ការនាំចេញរបស់សហរដ្ឋអាមេរិក។ ទីភ្នាក់ងារឯករាជ្យ និងស្វ័យយ័តនេះរបស់រដ្ឋាភិបាលសហព័ន្ធ ដែលនៅពេលនេះមានចំណាស់ ៧៥ ឆ្នាំហើយនោះ ជួយបង្កើតនិងទ្រទ្រង់អោយមានការងារធ្វើនៅសហរដ្ឋអាមេរិក ដោយផ្តល់ហិរញ្ញប្បទានសំរាប់ការលក់ទំនិញចេញរបស់សហរដ្ឋអាមេរិក ពិសេសដល់ទីផ្សាថ្មីៗ នៅទូទាំងពិភពលោក ដោយផ្តល់ការធានាលើកម្ចី ការធានាឥណទានសំរាប់ការនាំចេញ (Export-credit insurance) និងកម្ចីដោយផ្ទាល់។ ចំពោះព័ត៌មានបន្ថែម សូមចូលមើលគេហទំព័រ www.exim.gov ៕
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
