ការិយាល័យ
ការិយាល័យកិច្ចការសាធារណៈ
ការិយាល័យទំនាក់ទំនងកិច្ចការសាធារណៈ(PAS) ទទួលបន្ទុកលើកិច្ចការសារពត៌មានផ្សេងៗ និងវប្បធម៌ របស់ស្ថានទូតអាមេរិកនៅប្រទេសកម្ពុជា ។ PAS គឺជាអ្នកទំនាក់ទំនងជាមួយកាសែតក្នុងស្រុក និងកាសែតអន្ដរជាតិ ហើយចែកចាយពត៌មានស្ដីពីគោលនយោបាយស្ថាប័ន សង្គម និង គុណតំលៃរបស់សហរដ្ឋអាមេរិក ព្រមទាំងគ្រប់គ្រងកម្មវិធីផ្លាស់ប្ដូរផ្នែកវប្បធម៌និងអប់រំ ដើម្បីជំរុញអោយមានការយល់គ្នារវាងប្រជាជនអាមេរិកនិងប្រជាជនកម្ពុជា ។
ផ្នែកសារពត៌មាននិងប្រព័ន្ធផ្សព្វផ្សាយ
មន្ដ្រីគ្រប់គ្រងផ្នែកកិច្ចការសាធារណៈគឺជាអ្នកនាំពាក្យផ្លូវការរបស់ស្ថានទូត ។ ផ្នែកសារពត៌មានទទួលបន្ទុកលើកិច្ចការទំនាក់ទំនងរវាងស្ថានទូតនិងបណ្ដាញផ្សព្វផ្សាយនានា ចេញសេចក្ដីប្រកាសពត៌មាន និងសេចក្ដីថ្លែងការអោយដល់បណ្ដាញពត៌មាន ឆ្លើយទៅនឹងសំណួររបស់អ្នកសារពត៌មាន ផ្ដល់ពត៌មានស្ដីពីគោលនយោបាយការបរទេសរបស់សហរដ្ឋអាមេរិកនិងបញ្ហាផ្សេងៗនាពេលបច្ចុប្បន្ន ហើយរៀបចំការសំភាសជាមួយនឹងមន្ដ្រីរដ្ឋាភិបាលសហរដ្ឋអាមេរិក ព្រមទាំងសំរបសំរួលការយកពត៌មានរបស់អ្នកសារពត៌មានស្ដីពីកម្មវិធីផ្សេងៗដែលរៀបចំដោយស្ថានទូត ។
អ្នកទំនាក់ទំនងផ្នែកកាសែតនិងបណ្ដាញសារពត៌មានៈ
ជ្រា វណ្ណរិទ្ធ អ្នកជំនួយការផ្នែកពត៌មាន
ទូរស័ព្ទៈ (៨៥៥-២៣) ៧២៨-២៥៨
កម្មវិធីសិក្សានិងអប់រំ
ផ្នែកកិច្ចការវប្បធម៌របស់ PAS គ្រប់គ្រងកម្មវិធីមួយចំនួនផ្នែកសិក្សានិងអប់រំ ។ ចំពោះពត៌មានបន្ថែមស្ដីពីការផ្លាស់ប្ដូរផ្នែកអប់រំ សូមចុចត្រង់នេះ ។
អ្នកទំនាក់ទំនងផ្នែកផ្លាស់ប្ដូរវប្បធម៌/អប់រំៈ
ញឹម ភក្ដី អ្នកជំនួយការផ្នែកវប្បធម៌
ទូរស័ព្ទលេខៈ (៨៥៥-២៣) ៧២៨-១៧៩
ចៅ សា អ្នកជំនួយការកិច្ចការវប្បធម៌
ទូរស័ព្ទៈ (៨៥៥-២៣) ៧២៨-២៤៨
មជ្ឈមណ្ឌលធនធានពត៌មាន(Information Resource Center ឬ IRC)
ការិយាល័យទំនាក់ទំនងកិច្ចការសាធារណៈមានមជ្ឈមណ្ឌលធនធានពត៌មាន (IRC) ដែលផ្ដល់សេវាស្រាវជ្រាវនិងធនធានឯកសារស្រាវជ្រាវរបស់ស្ថានទូត ដោយមានពត៌មានថ្មីៗសំរាប់ជនជាតិខ្មែរស្វែងយល់ពីសហរដ្ឋអាមេរិក ប្រជាជននិងគោលនយោបាយរបស់ប្រទេសនេះ ។ អ្នកឯកទេសខាងឯកសារស្រាវជ្រាវ ដែលត្រៀមឆ្លើយសំណួររបស់មន្ដ្រីរដ្ឋាភិបាល អ្នកសិក្សា អ្នកសារពត៌មាន តំណាងរបស់អង្គការមិនមែនរដ្ឋាភិបាល និងពលរដ្ឋទូទៅ មាននៅប្រចាំការក្នុងIRC ។
ចំពោះពត៌មានបន្ថែមស្ដីពីមជ្ឈមណ្ឌលធនធានពត៌មានសូមចុចនៅត្រង់នេះ ។
អ្នកទំនាក់ទំនងផ្នែកIRC:
លោកអេង ប៉ូ អ្នកជំនួយការផ្នែកធនធានឯកសារ/ពត៌មាន
ទូរស័ព្ទៈ (៨៥៥-២៣) ៧២៨ – ២៥៦
ឯកអគ្គរដ្ឋទូត
អំពីស្ថានទូត
ថ្ងៃឈប់សំរាក
រើសអ្នកធ្វើការ
ការិយាល័យ
