ព្រឹទ្ធសមាជិកសភាសហរដ្ឋអាមេរិកធ្វើទស្សនកិច្ចនៅកម្ពុជា
ភ្នំពេញ
ថ្ងៃទី ១៨ ខែសីហា ឆ្នាំ ២០០៩
 |
ព្រឹទ្ធសមាជិកសភា សហរដ្ឋអាមេរិកJim Webb
បំពេញ ទស្សនកិច្ចនៅកម្ពុជា។ រូបពង្រីក |
នៅថ្ងៃព្រហស្បតិ៍ ទី ១៨ ខែសីហា លោក Jim Webb សមាជិកព្រឹទ្ធសភាសហរដ្ឋអាមេរិកបានធ្វើទស្សនកិច្ចផ្លូវការនៅប្រទេសកម្ពុជា បន្ទាប់ពីទទួលបានជោគជ័យក្នុងការដោះលែងលោក John Yettaw ពីប្រទេសភូមា។ ក្នុងអំឡុងទស្សនកិច្ចរបស់លោក លោក Webb បានជួបជាមួយលោកនាយករដ្ឋមន្រ្តី លោករដ្ឋមន្រ្តីក្រសួងពាណិជ្ជកម្ម ចម ប្រសិទ្ធិ និងសមាជិកគណបក្សប្រឆាំង។ ក្នុងសន្និសីទកាសែតនៅរសៀលថ្ងៃដដែលនោះ លោកព្រឹទ្ធសមាជិក Webb បានថ្លែងថា លោកបាន “ស្តាប់ដោយយកចិត្តទុកដាក់ចំពោះកង្វល់របស់មេដឹកនាំគណបក្សប្រឆាំង។” លោកថែមទាំងបានធ្វើការកត់សំគាល់ផងដែរថា ក្នុងការប្រជុំរបស់លោកជាមួយលោករដ្ឋមន្រ្តី ចម ប្រសិទ្ធិ និងលោកនាយករដ្ឋមន្រ្តី លោកត្រូវបានសុំអោយជួយធ្វើសេចក្តីព្រាងច្បាប់ ដើម្បីលើកលែងពន្ធលើទំនិញសំលៀកបំពាក់របស់កម្ពុជា។
លោកព្រឹទ្ធសមាជិក Webb បានធ្វើទស្សនកិច្ចក្នុងប្រទេសចំនួន ៥ នៅក្នុងតំបន់ រយៈពេល ២ សប្តាហ៍ ដើម្បីជំរុញទំនាក់ទំនងរវាងសហរដ្ឋអាមេរិក និងប្រទេសនៅអាស៊ីអាគ្នេយ៍។ លោកធ្វើការក្នុងគណកម្មាធិការរួមទទួលបន្ទុកកិច្ចការអតីតយុទ្ធជន និងសេដ្ឋកិច្ច ទំនាក់ទំនងបរទេស និងសេវាយោធា។ លោកក៏ធ្វើផងដែរជាប្រធានអនុគណកម្មាធិការកិច្ចការអាស៊ីខាងកើត និងប៉ាស៊ីហ្វិក របស់គណកម្មាធិការទទួលបន្ទុកទំនាក់ទំនងជាមួយបរទេស។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
