ការចាប់ផ្តើមថ្មី - ចុះឈ្មោះដើម្បីទទួលបានសារថ្មីតាមទូរស័ព្ទដៃ
ថ្ងៃទី០៣ ខែមិថុនា ឆ្នាំ២០០៩
ស្ថានទូតអាមេរិក ប្រទេសកម្ពុជា
 |
| ការចាប់ផ្តើមថ្មី |
នៅថ្ងៃព្រហស្បតិ៍ ទី ៤ មិថុនា លោកប្រធានាធិបតីអាមេរិក Barack Obama នឹងថ្លែងសុន្ទរកថានៅទីក្រុងគែរ ប្រទេសអេហ្ស៊ីប ដោយគូសបញ្ជាក់ឆន្ទៈប្តេជ្ញាផ្ទាល់ខ្លួនរបស់លោក ក្នុងការទាក់ទងជាមួយពិភពឥស្លាម ដោយឈរនៅលើមូលដ្ឋានផលប្រយោជន៍ និងការគោរពគ្នាទៅវិញទៅមក ហើយនិយាយពីវិធីដែលសហរដ្ឋអាមេរិក និងសហគមន៍ឥស្លាមនៅជុំវិញពិភពលោកអាចបន្ថយការខ្វែងគំនិតគ្នាខ្លះ ដែលនាំអោយមានការបែកបាក់រវាងគ្នា។
ចូររួសរាន់អោយបានមុនគេក្នុងការទទួលបានព័ត៌មានសំខាន់ៗស្តីពីសុន្ទរកថាជាប្រវត្តិសាស្រ្តរបស់លោកប្រធានាធិបតី Obama នៅទីក្រុងគែរ ហើយសូមប្រាប់យើងថា តើអ្នកយល់យ៉ាងដូចម្តេចដែរ?
សូមចុះឈ្មោះដើម្បីទទួលសារថ្មីៗតាមទូរស័ព្ទដៃស្តីពីសុន្ទរកថានេះ ដោយចុចលើគេហទំព័រ http://www.america.gov/sms.html។
ក្រៅពីនេះទៀត ក្នុងការខិតខំដើម្បីអោយភាគីទាំងអស់ទទួលបានព័ត៌មានច្រើនស្តីពីពិធីនិងការរៀបចំនានា ដែលឧបត្ថម្ភដោយសហរដ្ឋអាមេរិក ផ្នែកកិច្ចការសាធារណៈរបស់ស្ថានទូតអាមេរិក នៅភ្នំពេញបានចាប់ផ្តើមសេវ៉ាផ្ញើសារតាមទូរស័ព្ទដោយមិនគិតថ្លៃ។ បើលោកអ្នកមានការចាប់អារម្មណ៍ចង់ទទួលសារ
ថ្មីៗតាមទូរស័ព្ទ ស្តីពីកម្មវិធី ដែលឧបត្ថម្ភដោយស្ថានទូតអាមេរិក សូមដោនឡូតយកទំរង់ក្រដាសបំពេញនេះ ហើយផ្ញើអ៊ីម៉េលទៅកាន់ chreav@state.gov ។ សូមគូសប្រអប់នៅជិតក្រុមសារដែលលោក អ្នកចង់ទទួលព័ត៌មាន នៅពេលណាយើងមាន។ ស្ថានទូតអាមេរិកបង់ថ្លៃផ្ញើសារនេះ ដូច្នេះ លោក អ្នកនឹងមិនត្រូវបង់ការចំណាយអ្វីឡើយ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
