សុន្ទរកថា
សុន្ទរកថារបស់ឯកអគ្គរដ្ឋទូត Carol Rodley ក្នុងពិធីចុះហត្ថលេខាលើវិសោធនកម្មនៃកិច្ចព្រមព្រៀងទ្វេភាគី ក្នុងវិស័យសុខាភិបាល និងអប់រំ
ក្រសួងការបរទេស ភ្នំពេញ
ថ្ងៃទី ៨ ខែកញ្ញា ឆ្នាំ ២០០៩
ខ្ញុំមានសេចក្តីរីករាយក្នុងការមានវត្តមាននៅពេលនេះ ដើម្បីបញ្ជាក់សារជាថ្មីនូវឆន្ទៈរបស់ប្រជាជនអាមេរិក ក្នុងការវិនិយោគក្នុងវិស័យសុខាភិបាល និងអប់រំរបស់ប្រជាជនកម្ពុជា។ ជាមួយនឹងការចុះហត្ថលេខាលើវិសោធនកម្មទាំងនេះ ជំនួយរបស់សហរដ្ឋអាមេរិកក្នុងវិស័យសុខាភិបាល និងអប់រំ ដល់ប្រទេសកម្ពុជាបានឡើងដល់ជាង ២៥០ លានដុល្លាអាមេរិកហើយ បើគិតតាំងពីឆ្នាំ ១៩៩៩ មក។ បើគេក្រលេកមើលទៅអតីតកាល វិស័យសុខាភិបាល និងវិស័យអប់រំទទួលបានជាងពាក់កណ្តាលនៃជំនួយរបស់សហរដ្ឋអាមេរិកសំរាប់ប្រទេសកម្ពុជា ហើយវិស័យទាំងពីរនេះនៅតែជាវិស័យអាទិភាពសំរាប់យើង ក្នុងឆ្នាំខាងមុខនេះ។ តាមរយៈការធ្វើការជាមួយគ្នានឹងសហការីរបស់យើងក្នុងរដ្ឋាភិបាលកម្ពុជា យើងបានជួយគេក្នុងការទប់កុំអោយជំងឺអេដស៍រាលដាល លើកកំពស់គុណភាពនៃសេវាសុខភាពជាមូលដ្ឋាន និងប្រយោជន៍ហើយនិងលទ្ធភាពទទួលបានការសិក្សាអប់រំសំរាប់យុវវ័យរាប់ពាន់នាក់។ ជាមួយនឹងថវិកាថ្មីនេះ យើងរំពឹងថានឹងអាចពង្រឹងជោគជ័យទាំងនេះ ហើយនិងដោះស្រាយបញ្ហាប្រឈមថ្មីៗបាន។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
