ទិដ្ឋាការមិនមែនអន្តោប្រវេសន៍
ការសិក្សានៅសហរដ្ឋអាមេរិក (F/J/M)
សហរដ្ឋអាមេរិកទទួលស្វាគមន៍ជនជាតិបរទេសទាំងអស់ដែលមកសិក្សានៅសហរដ្ឋអាមេរិក។ ជនបរទេសភាគច្រើនដែលមានបំណងចង់ទៅសិក្សានៅសហរដ្ឋអាមេរិកត្រូវសុំទិដ្ឋាការសិស្សប្រភេទ F1 ប៉ុន្ដែមានប្រភេទទិដ្ឋាការផ្សេងទៀតដែរដែលជួនកាលគេអាចប្រើប្រាស់បាន ។ ខាងក្រោមនេះគឺជាប្រភេទទិដ្ឋាការខុសៗគ្នាសំរាប់និស្សិតដែលចង់ទៅសិក្សានៅសហរដ្ឋអាមេរិក ៖
គឺជាប្រភេទទិដ្ឋាការដ៏ពេញនិយមសំរាប់អ្នកដែលចង់ទៅសិក្សាថ្នាក់ចំណេះទូទៅនៅសហរដ្ឋអាមេរិក ហើយក៏ជាប្រភេទទិដ្ឋាការសំរាប់អ្នកចង់ទៅសិក្សានៅថ្នាក់មហាវិទ្យាល័យសាកលវិទ្យាល័យដែលល្បីឈ្មោះ ឬមានការទទួលស្គាល់នៅសហរដ្ឋអាមេរិក ។ ប្រសិនបើមុខជំនាញដែលលោកអ្នកសិក្សាត្រូវចំណាយពេលរៀនលើសពី ១៨ ម៉ោងក្នុងមួយសបា្ដហ៍នោះ លោកអ្នក ត្រូវសុំទិដ្ឋាការសិស្សប្រភេទ F1 ឬ M1។
ទិដ្ឋាការនេះសំរាប់អ្នកចង់ទៅសិក្សាមុខជំនាញឯកទេស ឬបណ្ដុះបណ្ដាលវិជ្ជាជីវៈនៅសហរដ្ឋអាមេរិក ។
សំរាប់អ្នកទៅចូលរួមក្នុងកម្មវិធីផ្លាស់ប្ដូរសិស្សរបស់សហរដ្ឋអាមេរិក ហើយក៏ជាប្រភេទទិដ្ឋាការសមស្របសំរាប់កម្មវិធីសិក្សាអប់រំ និងវប្បធម៌ដែរ ។ កម្មវិធីនេះគ្រប់គ្រងដោយផ្នែកសំរបសំរួល និងជ្រើសរើសបេក្ខជនដែលស្ថិតនៅក្រោមការិយាល័យកិច្ចការសិក្សាធិការអប់រំ និងវប្បធម៌របស់ក្រសួងការបរទេសសហរដ្ឋអាមេរិក។ មុនពេលដែល លោកអ្នកដាក់ពាក្យសុំទិដ្ឋាការប្រភេទ J1 នេះ លោកអ្នកត្រូវមានលក្ខណៈសម្បត្ដិគ្រប់គ្រាន់ ហើយត្រូវបានអង្គការ ឬស្ថាប័នដែលជាអ្នកជួយឧបត្ថម្ភយល់ព្រមទទួលយក ។ បន្ទាប់មក ប្រសិនបើគេជ្រើសរើសយកលោកអ្នក អ្នកឧបត្ថម្ភនោះនឹងផ្ដល់ពត៌មាន និងឯកសារចាំបាច់ផ្សេងៗទៀត ដើម្បីសុំទិដ្ឋាការប្រភេទ J1 នេះ ។
ប្រសិនបើលោកអ្នកមានបំណងទៅសិក្សានៅសហរដ្ឋអាមេរិក ជំហានដំបូងគឺត្រូវស្វែងរកសាលាដែលមានមុខជំនាញសមស្របដែលលោកអ្នកចង់សិក្សាដើម្បីដាក់ពាក្យសុំចូលរៀន ហើយលោកអ្នកត្រូវតែទទួលបានការយល់ព្រមពីសាលានោះជាមុនសិន។ស្ទើរតែគ្រប់សាកលវិទ្យាល័យឬមហាវិទ្យាល័យនៅសហរដ្ឋអាមេរិកមានគេហទំព័ររៀងៗខ្លួនដើម្បីអោយលោកអ្នកអានព័ត៌មាន។
សូមអានព័ត៌មានផ្លូវការ ស្តីពី ការសិក្សានៅសហរដ្ឋអាមេរិកតាមគេហទំព័រខាងក្រោម៖
• www.exchanges.state.gov
• www.educationusa.state.gov
• www.ed.gov
សំរាប់ព័ត៌មានផ្សេងៗទៀត លោកអ្នកអាចអាននៅក្នុងគេហទំព័រខាងក្រោមនេះ៖
• www.communitycollegeusa.com
• www.edupass.org
• www.iie.org
តំរូវការបន្ថែមសំរាប់បេក្ខជនសុំទិដ្ឋាការប្រភេទ F/J/M ៖
១) សូមបេក្ខជនទាំងអស់មេត្ដាធ្វើតាមជំហាននីមួយៗ នៃការដាក់ពាក្យសុំទិដ្ឋាការ។ សំរាប់ពត៌មានបន្ថែម សូមចុចត្រង់នេះ ។
២) បេក្ខជនទាំងនេះត្រូវបំពេញទំរង់ DS-158 ដែលមានចែកជូនដោយឥតគិតថ្លៃនូវច្រកទ្វារកុងស៊ុលនៃស្ថានទូតអាមេរិក ឬក្នុងវិបសាយនេះ ។
៣) បេក្ខជនដែលដាក់ពាក្យសុំទិដ្ឋាការសិស្សជាលើកដំបូង ត្រូវបង់ប្រាក់បន្ថែមមួយចំនួនទៀតសំរាប់ប្រព័ន្ធទិន្នន័យត្រួតពិនិត្យពត៌មានសិស្ស-និស្សិតបរទេស បន្ថែមលើតំលៃដាក់ពាក្យសុំទិដ្ឋាការមិនមែនអន្ដោប្រវេសន៍ធម្មតា ។ សំរាប់ពត៌មានបន្ថែមពីការបង់ប្រាក់ SEVIS សូមចុចត្រង់នេះ ។
៤) នៅថ្ងៃសំភាសន៍ សូមយកឯកសារបន្ថែមទាំងនេះមកជាមួយ គឺទំរង់ DS-158, I-20 ឬ DS-2019 និងបង្កាន់ដៃបង់ប្រាក់ SEVIS (ប្រសិនបើត្រូវបង់់)។ សូមមេត្ដាពិនិត្យផ្ទៀងផ្ទាត់នូវរាល់ពត៌មានដែលដាក់នៅលើទំរង់ I-20 ឬ DS-2019 អោយបានត្រឹមត្រូវ ។
៥) សូមយកឯកសារផ្សេងៗ ដូចខាងក្រោមនេះដើម្បីជួយបញ្ជាក់បង្ហាញពីស្ថានភាពរបស់លោកអ្នកមកជាមួយ ៖
ភស្ដុតាងបញ្ជាក់ថា លោកអ្នកមានលទ្ធភាព និងថវិការគ្រប់គ្រាន់សំរាប់ចំណាយលើការសិក្សានៅឆ្នាំទីមួយ និងលទ្ធភាពសំរាប់ការចំណាយផ្សេងៗទៀតក្នុងកំឡុងពេលស្នាក់នៅសហរដ្ឋអាមេរិក ។
ឯកសារត្រៀមការសិក្សានៅអាមេរិក៖ រួមមានសំរង់ពិន្ទុនានា វិញ្ញាបនប័ត្របញ្ជាក់ការសិក្សា លទ្ធផលប្រឡងដែលមានលក្ខណៈស្ដង់ដារអន្ដរជាតិ ដូចជាពិន្ទុ TOEFL និង សញ្ញាប្រ័តផ្សេងៗទៀត ។ ចំពោះសិស្សដែលត្រូវត្រឡប់ទៅបន្ដការសិក្សានៅអាមេរិកវិញ ត្រូវយកសំរង់ពិន្ទុពីសាលានានាដែលគេបានរៀននៅសហរដ្ឋអាមេរិកមកជាមួយផង ។
សំរាប់ពត៌មានបន្ថែមពីការសុំទិដ្ឋាការសិស្ស សូមចុចត្រង់នេះ។
សេវាទិដ្ឋាការ
ទិ.ការមិនអន្តោ.
របៀបសុំ
តំរូវការរូបថត
ការពិនិត្យសំរេច/រង់ចាំ
ទិដ្ឋាការសិស្ស
ទិដ្ឋាការទេសចរ/ទិដ្ឋាការជំនួញ
ទិដ្ឋាការការទូត/ផ្លូវការ
