ការពិនិត្យមើលនាវានិងការហ្វឹកហាត់រួមគ្នានៅលើនាវាអាមេរិកឈ្មោះ USNS Safeguard ARS-50
ខេត្តព្រះសីហនុ
ថ្ងៃទី ២ និង ៣ មេសា ឆ្នាំ ២០០៩
នៅថ្ងៃទី ២ និងទី ៣ ខែមេសា បុគ្គលិកស្ថានទូតអាមេរិកបានធ្វើដំណើរទៅកាន់ខេត្តព្រះសីហនុ ដើម្បីមើលនាវា USNS Safeguard ។ នាវានេះ ដែលត្រូវបានដាក់ពង្រាយជួរមុខ នៅ Sasebo ក្នុងប្រទេសជប៉ុន គឺជាប្រភេទនាវាជួយសង្រ្គោះរបស់កងទ័ពជើងទឹកសហរដ្ឋអាមេរិក។ ការត្រួតពិនិត្យមើលនាវាដោយអ្នកសារព័ត៌មានកម្ពុជាចំនួន ១១ នាក់មកពីផ្នែកកាសែត វិទ្យុនិងទូរទស្សន៍ គឺដើម្បីអោយពួកគេបានឃើញការហ្វឹកហាត់រួមគ្នា រវាងកំលាំងផ្នែកជើងទឹកអាមេរិក និងយោធាកម្ពុជា។ មន្រ្តីយោធាកម្ពុជាចំនួន ២០ នាក់បានចូលរួមក្នុងការហ្វឹកហាត់រួមគ្នានេះ ដូចជាលើការផ្លាស់ប្តូរជំនាញនិង បទពិសោធន៍ជាក់ស្តែងក្នុងការជួសជុល និងការហ្វឹកហាត់ក្នុងការគាំទ្រដល់អ្នកមុជទៅក្រោមទឹក។
នាវា USNS Safeguard ARS-50 គឺជានាវាជួយសង្រ្គោះ ហើយមានបេសកកម្មបួនយ៉ាង គឺទាញនាវាគឿង លើកទំងន់ធ្ងន់ៗពីជំរៅសមុទ្រ សណ្តោងនាវាដទៃទៀត និងប្រតិបត្តិការបញ្ជូនអ្នកមុជទឹកចុះទៅក្នុងសមុទ្រ។គួបផ្សំជាមួយនឹងគ្រោងដ៏រឹងមាំនិងល្បឿនលឿនរបស់វា នាវានេះមានភាពសមស្របសំរាប់ធ្វើប្រតិបតិ្តការជួយសង្រ្គោះ នៅទូទាំងពិភពលោក។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
