ថែរក្សាបរិស្ថានៈ ស្ថានទូតអាមេរិកនៅភ្នំពេញបន្តការខិតខំរបស់ខ្លួនដើម្បីអោយមានការទទួលខុសត្រូវច្រើនថែមទៀតចំពោះបរិស្ថាន
ស្ថានទូតអាមេរិក ភ្នំពេញ
ថ្ងៃទី ១ មេសា ឆ្នាំ ២០០៩
ក្នុងការខិតខំដើម្បីធ្វើអោយស្ថានទូតអាចរួមចំណែកបានកាន់តែច្រើនក្នុងការថែរក្សាបរិស្ថានអោយបានស្ថិតស្ថេរ បុគ្គលិកស្ថានទូតអាមេរិកនៅទីក្រុងភ្នំពេញបានបង្កើតក្រុមបរិស្ថានមួយ ដើម្បីជួយស្ថានទូតក្នុងការរកវិធីបង្កើនការទទួលខុសត្រូវលើបរិស្ថាន។ សូមមើលកំណត់សំគាល់នៅលើគេហទំព័ររបស់ស្ថានទូតអាមេរិកស្តីពីវិធីរស់នៅដែលមិនសូវមានផលប៉ះពាល់ដល់បរិស្ថាន អត្ថបទគួរអោយចាប់អារម្មណ៍ស្តីពីបរិស្ថាន និងសេចក្តីប្រកាសពីសកម្មភាពនានា ដូចជាការរៀបចំបោសសំអាតសហគមន៍។
តើអ្នកដឹងទេ?
ថាមពលដែលសន្សំបានពីការយកកំប៉ុងមីញូមមួយទៅកែច្នៃសំរាប់ប្រើឡើងវិញ អាចប្រើសំរាប់មើលទូរទស្សន៍មួយបាន ៣ ម៉ោង ហើយស្មើនឹងសាំងកន្លះកំប៉ុងនោះ។
ការយកក្រដាសទំងន់មួយតោនទៅកែច្នៃប្រើឡើងវិញអាចនាំអោយគេរក្សាដើមឈើបានចំនួន ១៧ ដើម (រក្សាពីការកាប់វាដើម្បីយកធ្វើក្រដាស)។
សំបកចេកផ្លែចេកមួយត្រូវការពេល ២ ខែទើបរលួយអស់ ។ ចំណែកថង់ប្លាស្ទីកសំរាប់ខ្ចប់នំបុ័ងសាន់វិចត្រូវការពេល ៤០០ ឆ្នាំ ហើយសារធាតុប្លាស្ទីកផ្សំត្រូវការពេលជាង ១ ០០០ ០០០ ឆ្នាំ។
បើសិនជាគ្រួសារមួយបន្ថយការប្រើក្រដាស កំប៉ុងអាលុយមីញ៉ូម កំប៉ុងដែក និងប្រអប់ប្លាស្ទីកត្រឹមតែ ៥% ហើយកែច្នៃប្រើឡើងវិញនូវអ្វីដែលនៅសល់ នោះគេអាចកាត់បន្ថយកាបោនជាឧស្ម័នពុលទៅក្នុងបរិយាកាស បានចំនួនជាង ១៥៩ គក។
មើលទៅហាក់ដូចជាថា ការយកចិត្តទុកដាក់លើបរិស្ថាននៅក្នុងក្រុងភ្នំពេញគឺជាការពិបាកមួយ តែមានច្រើនដែលយើងអាចធ្វើបាននៅក្នុងការិយាល័យ និងនៅផ្ទះ ទាក់ទងនឹងការប្រើប្រាស់ថាមពលដោយប្រសិទ្ធិភាពល្អ កាត់បន្ថយកាកសំណល់ និងកាត់បន្ថយថវិកាតាមរយៈនេះ។ ឧទាហរណ៍៖
សួរទៅឆ្មាំរបស់អ្នកនៅពេលអ្នករើសអេតចាយដើរកាត់មុខផ្ទះ។ អ្នករើសអេតចាយដើរចច្រប់នៅភ្នំពេញ ដើម្បីរើសអ្វីដែលអាចយកទៅកែច្នៃប្រើប្រាស់វិញបានពីសំរាម ឬទិញដោយផ្ទាល់ពីអ្នកស្រុក ដើម្បីយកទៅលក់បន្តអោយកន្លែងកែច្នៃ ដើម្បីយកចំណេញ។ បើអ្នករក្សាទុកនូវរបស់ដែលអាចកែច្នៃយកមកប្រើប្រាស់វិញបានសំរាប់អ្នករើសឬទិញអេតចាយ នោះអ្នកជួយការងាររបស់គេបានខ្លះ!
នៅក្នុងការិយាល័យ ចូរយកពែងកាហ្វេផ្ទាល់ខ្លួនមកប្រើ ដើម្បីជៀសវាងការប្រើពែងឬកែវប្លាស្ទីកហើយចោល។
តើអ្នកចង់ចូលរួមយោបល់ដែរឬទេ? ចូរផ្ញើយោបល់ឆ្លើយតបនិងព័ត៌មានល្អៗទៅក្រុមបរិស្ថាន តាមអ៊ីម៉េល PHPGreenTeam@state.gov ។ យើងនឹងបញ្ចូលយោបល់ល្អៗទៅក្នុងគេហទំព័ររបស់យើង និងធ្វើការដើម្បីអនាគត “ដែលមានបរិស្ថានល្អ”។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
