កម្មវិធីកសិកម្មរបស់អាមេរិកជួយផ្តល់អាហារសំរាប់សិស្សនិងគ្រូបង្រៀន នៅខេត្តកំពង់ឆ្នាំង
ខេត្តកំពង់ឆ្នាំង
ថ្ងៃទី២៤ ខែមិនា ឆ្នាំ២០០៩
 |
លោកMichael Riedel ពិនិត្យមើលទីកន្លែង
ដាំស្ល។ រូបពង្រីក |
នៅថ្ងៃទី ២៤ ខែមិថុនា អនុព័ន្ធកសិកម្មរបស់ស្ថានទូតអាមេរិក រួមជាមួយនឹងបុគ្គលិកទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID) និងបុគ្គលិកក្រសួងការបរទេសអាមេរិក បានចុះមើលតាមសាលារៀនមួយចំនួន នៅខេត្តកំពង់ឆ្នាំង ដើម្បីសង្កេតមើលការអនុវត្តដំបូងៗលើកម្មវិធីស្តីពីអាហារដើម្បីការសិក្សាអប់រំ (FFE) ដែលទទួលបានជំនួយថវិកាចំនួន ១,៥ លានដុល្លាពីក្រសួងកសិកម្មសហរដ្ឋអាមេរិកហើយដែលដំណើរការអនុវត្តការងារដោយអង្គការអភិវឌ្ឍន៍និងជំនួយសង្គ្រោះអន្តរជាតិ (International Relief and Development = IRD) ។
កម្មវិធីដែលអនុវត្តដោយ IRD ត្រូវបានអនុវត្តនៅតាមសាលាបឋមសិក្សានិងមធ្យមសិក្សាចំនួន ៩១ នៅទូទាំងខេត្តកំពង់ឆ្នាំង ហើយផ្តល់អាហារប្រចាំថ្ងៃដល់សិស្សនិងគ្រូចំនួនប្រមាណ ២៥ ០០០ នាក់។ ស្បៀងអាហារមកពីសហរដ្ឋអាមេរិកចំនួន ១ ៩៣០ តោននឹងត្រូវបានផ្តល់អោយ ក្នុងអំឡុងពេលនៃកម្មវិធីនេះ ហើយនឹងត្រូវបានប្រើដើម្បីលើកទឹកចិត្តអោយសិស្សមករៀនអោយបានច្រើន ពិសេសសិស្សស្រី បង្កើនការមករៀនទាន់ម៉ោងរបស់សិស្សនៅតាមសាលាបឋមសិក្សា និងបង្កើនចំនួនសិស្សរៀនចប់ ទាំងថ្នាក់បឋមសិក្សា ទាំងថ្នាក់បឋមភូមិ។
កម្មវិធីអាហារដើម្បីការសិក្សាអប់រំ (FFE) នេះបំពេញបន្ថែមលើកម្មវិធីស្តីពីសុខភាព និងការមានជីវិត រស់នៅរបស់កុមារ (CSH) ដែលមានទឹកប្រាក់ចំនួន ១,៧៥ លានដុល្លាអាមេរិក ដែលត្រូវបានទទួលបានពី ទីភ្នាក់ងារ USAID ហើយដែលកំពុងត្រូវបានដំណើរការនៅខេត្តកំពង់ឆ្នាំងផងដែរ ដោយអង្គការ IRD ។ កម្មវិធី CSH ជួយដល់កុមារអាយុក្រោម ៥ ឆ្នាំ និងស្រ្តីក្នុងអាយុបន្តពូជចំនួន ៥៣ ០០០ នាក់ ហើយមាន បំណងកាត់បន្ថយអត្រាស្លាប់និងអត្រាឈឺរបស់កុមារនិងម្តាយ។ កម្មវិធី FFE និង CSH នេះរួមមានការផ្តោតសំខាន់ទៅលើអនាម័យ អាហារូបត្ថម្ភ និងការជំរុញអោយមានការប្រព្រឹត្តល្អដើម្បីសុខភាព។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
