លោកស្រី Lynn Nottage អ្នកសរសេររឿងល្ខោនដែលបានទទួលរង្វាន់ Pulitzer ទស្សនាទីក្រុងភ្នំពេញ
ភ្នំពេញ
ខែកញ្ញា ឆ្នាំ ២០០៩
 |
អ្នកស្រី Lynn Nottage ជាមួយសិល្បៈករ
និងអ្នកដឹកនាំរឿងល្ខោនខ្មែរ។ រូបពង្រីក |
លោកស្រី Lynn Nottage ដែលបានទទួលរង្វាន់ Pulitzer ផ្នែកល្ខោន និងរង្វាន់ MacArthur Genius Award សំរាប់អ្នកមានទេពកោសល្យ បានមកទីក្រុងភ្នំពេញរយៈពេល ១០ ថ្ងៃ ដើម្បីចូលរួមក្នុងកម្មវិធីមួយ ដែលរៀបចំដោយផ្នែកកិច្ចការសាធារណៈរបស់ស្ថានទូតអាមេរិក។ រឿងរបស់លោកស្រី Nottage ដែលមានចំណងជើងថា “ត្រូវអន្តរាយ” (Ruined) បានឈប់សំដែងក្នុងពេលថ្មីៗនេះ បន្ទាប់ពីការសំដែងអស់ពេលយ៉ាងយូរ នៅទីក្រុងញូយ៉ក ហើយលោកស្រីមានពេលធ្វើដំណើរមកប្រទេសកម្ពុជា និងប្រទេសភូមា ក្នុងពេល ២ សប្តាហ៍កន្លងទៅនេះ។
នៅប្រទេសកម្ពុជា លោកស្រីបានធ្វើការជាមួយនឹងអង្គការសិល្បៈ ដែលមានឈ្មោះថា អម្រឹតាសិល្បៈ ដែលបានប្រមូលអ្នកដឹកនាំល្ខោន និងសិស្សរបស់គេពីសាកលវិទ្យាល័យភូមិន្ទវិចិត្រសិល្បៈ។ ផ្នែកកិច្ចការសាធារណៈរបស់ស្ថានទូតបានបកប្រែផ្នែកខ្លះនៃរឿងរបស់លោកស្រីជាភាសាខ្មែរ ហើយលោកស្រីបានពិនិត្យមើលឈុតរឿងជាមួយគេ អស់រយៈពេល ៤ ថ្ងៃ។ នៅថ្ងៃចុងក្រោយ អ្នកដឹកនាំម្នាក់ៗបានធ្វើការសំដែងជាឈុត អោយតំណាងមកពីក្រសួងវប្បធម៌ អ្នកសិល្បៈនានា និងឯកអគ្គរដ្ឋទូតអាមេរិកទស្សនា ។ ពួកគេទាំងអស់មានការចាប់អារម្មណ៍ចំពោះគុណភាព ដែលគេធ្វើបានតែក្នុងរយៈពេលដ៏ខ្លីនោះ។
លោកស្រី Nottage ថែមទាំងបានទៅមើលតន្រ្តីករនិងអ្នករាំរបាំបូរាណ ជាមួយតំណាងមកពីអង្គការសិល្បៈខែ្មរអមតៈ ហើយក្រោយមក បានធ្វើសិក្ខាសាលាមួយថ្ងៃជាមួយអ្នកដឹកនាំល្ខោន និងអ្នកសំដែង ដែលអង្គការនេះធ្វើការជាមួយ។ ជារួម ទស្សនកិច្ចរបស់លោកស្រីមានជោគជ័យច្រើន និងអនុញ្ញាតិអោយលោកស្រីណែនាំល្ខោនសម័យទំនើបដល់សិស្ស និងគ្រូ នៅលើឆាកល្ខោនបូរាណ នៅកម្ពុជា។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
