តើ Polystyrene ជាអ្វី?
ថ្ងៃទី២៧ ខែមេសា ឆ្នាំ២០០៧
របស់ធ្វើពីជាតិ Polystyrene សំរាប់ដាក់អាហារនិងការប្រើប្រាស់របស់វា | ការប្រើប្រាស់មិនទាក់ទងជាតិ Polystyrene ដែលមិនទាក់ទងនឹងអាហារ |
• ពែងកាហ្វេ
• ចានដាក់ស៊ុប និងប្រអប់ដាក់សាឡាត់
• កាតុងទន់ៗសំរាប់ទ្រាប់ស៊ុត ថាសដាក់សាច់
• របស់ប្រើប្រាស់ហើយបោះចោល | • គ្រាប់ស្ពោតៗសំរាប់ទ្រាប់របស់
• របស់ដូចពពុះសំរាប់ស៊កទប់គ្រឿងប្រដាប់អេឡិចត្រូនិចនិងរបស់ថ្មីៗ
• ប្រអប់ដាក់កុំព្យូទ័រនិងទូរទស្សន៍
• ប្រអប់ដាក់ស៊ីឌី និងកេះដាក់កាសែតសំលេង |
ហេតុផលដែល Polystyrene មិនល្អសំរាប់អ្នក
ជាតិគីមីពុលជ្រាបចេញពីផលិតផលទាំងនេះទៅក្នុងអាហារដែលដាក់នៅក្នុងនេះ (ពិសេសនៅពេលកំដៅក្នុងម៉ៃក្រូវ៉េវ)។ ជាតិគីមីទាំងនេះគំរាមកំហែងសុខភាពនិងប្រព័ន្ធបន្តពូជរបស់មនុស្ស។
ការជ្រាបជាតិ styrene ពីកែវ Polystyrene ទៅក្នុងភេសជ្ជៈនៅក្នុងនោះមានកំរិតរហូតដល់ 0,025% នៅពេលប្រើម្តងៗ។ បរិមាណនេះមើលទៅហាក់ដូចជាតិច តែមិនអញ្ចឹងទេ បើសិនជាអ្នកផឹកភេសជ្ជៈពីពែង Polystyrene បួនដងក្នុងមួយថ្ងៃ ហើយក្នុងរយៈពេល ៣ ឆ្នាំ នោះអ្នកពិតជាបានផឹកជាតិនេះមួយពែងពេញជាមួយនឹងភេសជ្ជៈរបស់អ្នក។
ហេតុផលដែលជាតិ Polystyrene ប៉ះពាល់ដល់បរិស្ថាន
របស់ទាំងអស់នេះធ្វើពីប្រេង ដែលជារបស់បាត់រូបទៅវិញ បង្ករអោយមានការពុលច្រើន ហើយមិនធានានិរន្តភាព។
របស់នេះមិនរលួយខូចតាមជីវសាស្រ្តទេ។ វាបែកជាបំណែកៗដែលមិនមានថ្ងៃផុតកំណត់។
មួយភាគនៃរបស់នេះត្រូវបានបោះចោលជាសំរាមនៅលើដីដោយគ្មានពេលកំណត់ ហើយបែកជាបំណែកៗ ធ្វើអោយស្ទះប្រព័ន្ធបំពង់អាហាររបស់សត្វ នៅក្នុងទឹក។
របស់នេះស៊ីកន្លែងច្រើនជាងក្រដាស នៅក្នុងរណ្តៅចាក់សំរាម ហើយទីបំផុត នឹងត្រលប់ចូលបរិយាកាសវិញ នៅពេលទឹកហូរចូលរណ្តៅចាក់សំរាម ឬមានការរើកកាយសំរាម។
ផលិតផល Polystyrene ដែលប្រើហើយ មិនងាយកែច្នៃយកមកប្រើវិញបានទេ ដោយសារវាមានទំងន់ស្រាល (ពិសេសបើវាមានលក្ខណៈពពុះ) ហើយតំលៃអេតចាយរបស់វាថោក។
ប្រភេទពពុះមិនត្រឹមតែអណ្តែតលើទឹកតែប៉ុណ្ណោះទេ តែវាថែមទាំងហើរនៅក្នុងខ្យល់ថែមទៀតផងនោះ វាមានច្រើននៅក្រៅផ្ទះ ពិសេសនៅតាមឆ្នេរនិងមាត់ទឹក។
នៅពេលដុតដោយមិនមានអុកស៊ីសែនគ្រប់គ្រាន់ ឬនៅសីតុណ្ហភាពទាប (ដូចជានៅកន្លែងបោះជំរុំ ឬភ្នក់ភ្លើងក្នុងផ្ទះ) Polystyrene អាចបង្កើតអោយមាន polycyclic aromatic hydrocarbons, carbon black, carbon monoxide និង styrene monomers។
តើក្រុមបរិស្ថានចង់ធ្វើយ៉ាងដូចម្តេចចំពោះរឿងនេះ?
គិតជាមធ្យម ហាងបាយប្រើប្រាស់រាល់ថ្ងៃនូវប្រអប់ដាក់បាយ Polystyrene យ៉ាងហោចណាស់ចំនួន ១០០ ។ បើយ៉ាងនេះ កន្លែងចាក់សំរាមរបស់យើងពិតជាងាយពេញហើយ។ ដូច្នេះ ដោយសហការជាមួយនឹងអង្គការ Hagar ក្រុមបរិស្ថានរបស់យើងកំពុងតែចាប់ផ្តើមផែនការយូរអង្វែងមួយដើម្បីកាត់បន្ថយការប្រើប្រាស់របស់ធ្វើពី Polystyrene នៅក្នុងស្ថានទូត។ នេះជាវិធីធ្វើ៖
យករបស់អ្នកមក! ថ្វីបើអ្នកអាចនៅប្រើប្រអប់ Polystyrene ដដែលបាន តែអាហារដ្ឋាននឹងប្រើចានទាប ចានគ្រោង ឬអ្វីផ្សេងទៀតដែលអ្នកយកមក សំរាប់ដាក់ម្ហូបអាហារ។
ខ្ចីពីកន្លែងដាក់ចានឆ្នាំង! ចាន និងប្រដាប់ប្រដាផ្ទះបាយមានជាស្រេចនៅបន្ទប់ដាក់ចាន ឆ្នាំងទំាងបី (នៅអាគារធំជាន់ទី ២ និងនៅអាគារ USAID) ដែលគេអាចប្រើបាន។ ចូរយកចានទៅដាក់ម្ហូបពីអាហារដ្ឋាន។ ចូរលាងសំអាតហើយទុកដាក់អោយគេវិញ សំរាប់ប្រើថ្ងៃក្រោយ។
ចូរចំណាំថា នៅពេលអ្នកប្រើចានរបស់អ្នកឬចានពីបន្ទប់ដាក់ចានឆ្នាំងរបស់ស្ថានទូត ទំហំនិងទំរង់នៃម្ហូបអាហារនៅក្នុងនោះមិនដូចជានៅពេលដាក់ក្នុងប្រអប់ Polystyrene ទេ។ ចូរចាំថាអង្គការ Hagar មានការល្អិតល្អន់ខ្លាំងលើទំហំ ដោយគេវាស់វែង ឬអាចថ្លឹងផងក៏មាន ដូច្នេះអ្នកអាចទទួលបានម្ហូបអាហារក្នុងបរិមាណដដែល។
ចូរចាំតាមដាន៖ យើងនឹងផ្តល់ព័ត៌មានថ្មីៗនៅពេលម្តងម្កាលទាក់ទងនឹងការបន្ថយការប្រើរបស់ធ្វើពី Polystyrene ។ បើអ្នកមានយោបល់ ឬសំណួរបន្ថែមលើនេះ សូមប្រាប់យើងផង ដោយអ៊ីម៉េលមក PHPGreenTeam@state.gov ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
