សិស្សវិទ្យាល័យម្នាក់ឈ្នះការប្រឡងស្តីពីយុវជនឆ្នើម
ទូរទស្សន៍ CTN
ថ្ងៃទី ១ ខែ កក្កដា ឆ្នាំ ២០០៩
 |
យុវសិស្សអាយុ ១៩ ឆ្នាំ ឈ្មោះ ឆែម ពេ មកពីវិទ្យាល័យ
សៀមរាប បានឈ្នះការប្រលងយុវជនឆ្នើមជំនាន់
ទី ៥។ រូបពង្រីក |
យុវសិស្សអាយុ ១៩ ឆ្នាំ ឈ្មោះ ឆែម ពេ មកពីវិទ្យាល័យសៀមរាប បានឈ្នះការប្រលងយុវជនឆ្នើមជំនាន់ទី ៥ ដែលត្រូវបានផ្សាយតាមទូរទស្សន៍ CTN កាលពីថ្ងៃពុធ ទី ១ កក្កដា។ សិស្សឈ្មោះ ពេគឺជាអ្នកឈ្នះរង្វាន់ក្មេងជាងគេ ក្នុងប្រវត្តិនៃការប្រលងនេះ នៅពេលគាត់ឈ្នះសិស្សឈ្មោះគឹម សុធាថងឌី (អេមី) អាយុ ២២ ឆ្នាំ មកពីខេត្តបាត់ដំបង។
កម្មវិធីផ្សាយតាមទូរទស្សន៍ដ៏មានប្រជាប្រិយនេះ មានទស្សនិកជនរាប់លាននាក់ ហើយទទួលបានការគាំទ្រថវិកាពីសហរដ្ឋអាមេរិក។
យុវសិស្សឈ្មោះពេនឹងធ្វើដំណើររយៈពេល ២ សប្តាហ៍ទៅកាន់ទីក្រុងវ៉ាស៊ីនតោន ដើម្បីជួបជាមួយតំណាងរដ្ឋាភិបាលសហរដ្ឋអាមេរិក និងរៀនសូត្របន្ថែមពីសង្គមនិងលទ្ធិប្រជាធិបតេយ្យរបស់អាមេរិក។ លោកស្រីឯកអគ្គរដ្ឋទូត Rodley បានប្រគល់រង្វាន់ជូនយុវសិស្សនេះ ក្នុងកម្មវិធីផ្សាយបន្តផ្ទាល់តាមទូរទស្សន៍ CTN ។
ដោយត្រូវបានរៀបចំក្នុងលក្ខណៈប្រហាក់ប្រហែលនឹងកម្មវិធីផ្សាយតាមទូរទស្សន៍របស់អាមេរិក ដូចជា The Apprentice និង American Idol ការប្រលងស្តីពីយុវជនឆ្នើមនេះគឺមានការធ្វើតេស្តលើជំនាញក្នុងការពិភាក្សាដេញដោល និងភាពជាអ្នកដឹកនាំនៃយុវវ័យឆ្នើមៗមកពីទូទាំងប្រទេស។
ការប្រលងនៅពេលនេះមានអ្នកចូលរួមចំនួន ១៦ នាក់។ រាល់សប្តាហ៍ អ្នកចូលប្រលងត្រូវបានបែងចែកជាពីរក្រុម ដើម្បីប្រលងគ្នាលើលំហាត់សំរាប់ដោះស្រាយ ដូចជាយុទ្ធនាការប្រមូលសៀវភៅសំរាប់បណ្ណាល័យ ឬចូលរួមក្នុងសវនាការសាកល្បង។ ចៅក្រមមានកញ្ញាសេង ធារី ដែលជាអ្នកនិពន្ធនិងជានាយកប្រតិបត្តិរបស់មជ្ឈមណ្ឌលអភិវឌ្ឍន៍សង្គម និងលោកជា សំណាង ដែលជាតួកុន និងជាឯកអគ្គរដ្ឋទូតសុឆន្ទៈរបស់មូលនិធិប្រជាជនរបស់សហប្រជាជាតិ (UNPF) ។
ឯកអគ្គរដ្ឋទូត
ដំណឹងថ្មី
សេចក្តីប្រកាសពត៌មាន
សុន្ទរកថា
