នារីទី ១ បានឈ្នះការប្រលងស្ដីពីបញ្ហាប្រឈមក្នុងការដឹកនាំ សំរាប់យុវជន
ភ្នំពេញ
ថ្ងៃទី ៧ ខែឧសភា ឆ្នាំ ២០០៨
 |
| កញ្ញា ស្រ៊ាង ឡាលីន អាយុ ២០ ឆ្នាំ (ទី ២ រាប់ពីឆ្វេង) ក្លាយជាបេក្ខនារីដំបូងដែលបានឈ្នះការប្រលង តាមទូរទស្សន៍ដែលមានការនិយមច្រើន ស្ដីពីបញ្ហាប្រឈមក្នុងការដឹកនាំសំរាប់យុវជន ។ រូបពង្រីក |
កញ្ញា ស្រ៊ាង ឡាលីនដែលមានអាយុ ២០ ឆ្នាំ បានក្លាយជាបេក្ខនារីទី ១ ដែលបានឈ្នះការប្រលង ស្ដីពីបញ្ហាប្រឈមក្នុងការដឹកនាំសំរាប់យុវជន ដែលជាការប្រលងមានការនិយមចូលចិត្តច្រើន ហើយត្រូវបាន ចាក់ផ្សាយតាមទូរទស្សន៍ ។ ស្រៀង ឡាលុនបានយកឈ្នះលើបេក្ខជនចុងក្រោយ រិន សុទ្ធ ក្នុងការប្រលងជុំ ចុងក្រោយ លើកទី ៣ ។ ការប្រលងនេះឧបត្ថម្ភថវិកាដោយទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍ អន្ដរជាតិ (USAID) ។
ឡាលីនបានទទួលរង្វាន់ធ្វើដំណើររយៈពេល ២ សប្ដាហ៍នៅទីក្រុងវ៉ាស៊ីនតោន ដើម្បីចូលរួមក្នុងសន្និ សីទយុវជន និងជួបជាមួយតំណាងរដ្ឋាភិបាលសហរដ្ឋអាមេរិក ។ នាងទទួលបានសារតាមទូរស័ព្ទច្រើន ជាងបេក្ខជនចុងក្រោយឈ្មោះរិន ចំនួន ៨០០ សារ បន្ទាប់ពីអ្នកទាំងពីរបានឆ្លើយសំណួរស្ដីពីរបៀបដឹកនាំរបស់គេ ពីទស្សនិកជនក្នុងនិងក្រៅស្ទូឌីយ៉ូ ។ លោកឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា Joseph A. Mussomeli បានផ្ដល់រង្វាន់ជូននាង ក្នុងពេលផ្សាយបន្ដផ្ទាល់តាមទូរទស្សន៍ CTN ។
ឡាលីនបាននិយាយថា នាងមានចិត្ដរំភើបដែលបានឈ្នះរង្វាន់ ។ នាងបាននិយាយថា " ខ្ញុំគិតថា នេះ ជាកម្មវិធីមួយល្អណាស់ ដែលផ្ដល់ឱកាសល្អសំរាប់យុវវ័យកម្ពុជាបង្ហាញសមត្ថភាព និងទេពកោសល្យរបស់ ខ្លួន។ ពេលនេះ ខ្ញុំមានការទុកចិត្ដខ្លួនឯងក្នុងការធ្វើការសំរេចចិត្ដ និងប្រឈមដោះស្រាយបញ្ហា ។ ក្រៅពីនេះ ខ្ញុំបានរៀនពីវិធីកែលំអចំណុចខ្សោយរបស់ខ្ញុំ និងមានសេចក្ដីក្លាហានក្នុងការប្រឈមនឹងការពិបាក។ "
ការប្រលងស្ដីពីបញ្ហាប្រឈមក្នុងការដឹកនាំសំរាប់យុវវ័យយកលំនាំតាមកម្មវិធីប្រលងផ្សាយតាមទូរ ទស្សន៍អាមេរិក ដែលមានឈ្មោះថា The Apprentice and American Idol ។ ការប្រលងរបស់ កម្ពុជាធ្វើសាកល្បងលើជំនាញក្នុងការដឹកនាំ និងពិភាក្សាដេញដោលរបស់យុវជន និងយុវនារី ដែលត្រូវបានជ្រើស រើសពីទូទាំងប្រទេស ។ ការប្រលងលើកនេះបានចាប់ផ្ដើមដោយមានបេក្ខជនចំនួន ១៦ នាក់ ដែលសុទ្ធតែជា និស្សិតសាកលវិទ្យាល័យ ស្ថិតក្នុងអាយុប្រហែល ២០ ឆ្នាំ ។ ឡាលុនមកពីខេត្ដកំពង់ចាម ហើយកំពុងសិក្សា ផ្នែកបរិស្ថាន នៅសាកលវិទ្យាល័យភូមិន្ទភ្នំពេញ ។
ក្នុងសប្ដាហ៍និមួយៗ បេក្ខជនត្រូវបានបែងចែកជា ២ ក្រុម ដើម្បីប្រលង ដូចជាក្នុងការបង្កើតគេហ ទំព័រ web log ឬបង្កើតក្រុមប្រមូលសំរាមក្នុងមូលដ្ឋាន ។ ក្រុមមេប្រយោគដែលមានគ្នា ២ នាក់ ជ្រើសរើស ក្រុមឈ្នះមួយក្រុម ចំណែកក្រុមដែលចាញ់ត្រូវជំរុះសមាជិក ២ នាក់ពីក្នុងក្រុម ។
មេប្រយោគគឺកញ្ញា សេង ធារី អ្នកនិពន្ធ និងជានាយកប្រតិបត្ដិនៃមជ្ឈមណ្ឌលអភិវឌ្ឍន៍សង្គម និង លោក ជា សំណាង តួឯកកុន និងជាឯកអគ្គរដ្ឋទូតសុឆន្ទៈរបស់អង្គការមូលនិធិប្រជាជនរបស់សហប្រជាជាតិ (UNPF) ។
USAID ប្ដេជ្ញាជួយប្រទេសកម្ពុជាក្នុងការបណ្ដុះ និងអភិវឌ្ឍមេដឹកនាំជំនាន់ក្រោយរបស់ខ្លួន ។ ដើម្បីសំរេចបំណងនេះ USAID បានរួមចំណែកចំនួន ៣៨២ ៥៨៦ ដុល្លាអាមេរិកដល់កម្មវិធីយុវជនរបស់ វិទ្យាស្ថានសាធារណរដ្ឋអន្ដរជាតិ (IRI) និងក្រុមប្រឹក្សាយុវជនកម្ពុជា ដែលជាអ្នករៀបចំកម្មវិធីប្រលងស្ដីពី បញ្ហាប្រឈមក្នុងការដឹកនាំសំរាប់យុវជន ។ សិក្ខាសាលា និងកម្មវិធីបណ្ដុះបណ្ដាលរបស់វិទ្យាស្ថាន IRI បានបំរើដល់យុវវ័យកម្ពុជាចំនួនជិត ១៥០ ០០០ នាក់ តាំងពីឆ្នាំ ២០០៤ មក ។
លោកស្រីភារធារី
ដំណឹងថ្មី
សុន្ទរកថា
សេចក្តីប្រកាសពត៌មាន
